Jeremi 14:8 - Maktub gə́ To gə Kəmee

⁸ I ɓa Israɛlje d’unda meḛ dee yel dɔi’g ləm, I ɓa gə́ njekaji dee ndɔ néurti’g ləm tɔ, See mbata ɗi ɓa i tel rɔi Asəna gə dəw-dɔ-ɓee mee ɓee’g nee Esé tel rɔi gə́ mbá Gə́ andə mee ɓee’g Gə mba to keneŋ til’g bèe wa.

Jeremi 14:8 Iomraidhean Croise

Pakɔsje 10:1

Ǝi Njesigənea̰, see ban ɓa i ɔs rɔi rɔm’g rəw wa. See ban ɓa i iya səm rɔi pá ndɔ gə́ néurti teḛ wa.

Pakɔsje 138:7

Loo gə́ ma m’isi dan néurti’g lé I nja am m’isi kəmba ləm, I ula jii ndiŋ ɔg ne njéba̰je ləm dɔ oŋg’g lə dee ləma, Jikɔli ɓa i ajim ne ləm tɔ.

Pakɔsje 46:1

Pa lə Koréje gə́ d’ar bao-pa mba karee ɔs sə dee lé. D’ɔs gə tébé

Pakɔsje 46:2

Ala to loo-kula-dɔ sí keneŋ gə négəd rɔ sí dɔ’g ləm, Yeḛ to njela sə sí gə́ uba sí ya̰ sí dan néurti’g gɔl kára kara el ləm tɔ.

Pakɔsje 50:15

Maji kar sí ɓarje rim ndɔ néurti’g Ndá m’a kɔr sí keneŋ kar sí ulaje ne rɔnduba dɔm’g ya.

Pakɔsje 71:5

Mbata Mbaidɔmbaije gə́ Njesigənea̰, i lé to nékunda-meem-yel dɔ’g ya! Loo gə́ m’nai ne basa ya saar ɓasinè lé M’ɔm məəm dɔi’g ya.

Pakɔsje 9:9

Yeḛ gaŋg rəwta dɔ dəwje gə́ dɔ naŋg neelé gə goo rəbee, Rəwta-gaŋg ləa gə́ dɔ koso-dəwje’g lé Yeḛ gaŋg gə goo rəbee sur ya.

Pakɔsje 91:15

Yeḛ a ɓar rim ndá m’a kilá keneŋ ləm, M’a nai səa dan néurti’g ləm, M’a karee ɔr dəa kúla’g ləma, M’a kula rɔnduba dəa’g ləm tɔ.

Esai 33:2

Njesigənea̰, maji kari oo kəmtondoo lə sí ya kari! Jeḛ j’undaje meḛ sí yel gə́ dɔi’g. Maji kari la sə sí teḛ gə ndɔ gə ndɔje kára-kára lai ləm, Gə taa dɔ sí ndɔ néurti’g ləm tɔ.

Esai 43:11

To ma nja ɓa m’to Njesigənea̰, Ɓó lé ma m’godo ndá Njekaji kára kara godo tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Esai 45:15

Nɛ i Ala lə Israɛlje gə́ njekaji dee lé I to Ala gə́ iya rɔi.

Esai 45:21

Paje taree gə́ raga ləm Tɔjije né gə́ ɔr ginee gə́ raga ləm tɔ! Maji kar dee dəji na̰ ta dɔ’g! See na̰ ɓa pata néje nee Gə́ a gə ree kédé gə́ dɔtar ləm, Ila mberee kédé gə́ ləw ləm lé wa. See to ma Njesigənea̰ el wa. Ala gə́ raŋg godo, Ma nja m’to Ala kára ba kiao Gə́ m’to njera nédanasur ləm, M’to njekaji dəwje ləm ləm tɔ.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Jakari 9:12

Seḭ ɓərje gə́ undaje meḛ sí yel lé Maji kar sí telje awje kəi-kaar-kɔgərɔ’g! Ɓogənè neḛ m’pa njaŋg ya tɔɓəi, N’a tel kar sí némaji dɔ maree’d gɔl joo.

Néra Njékaḭkulaje 28:20

Gelee gə́ nee ɓa ma m’ɓar sí ne gə mba koo sí ne ləm, gə mba kula sí ne taree ləm tɔ. Ndukun gə́ Ala un ar Israɛlje gə́ m’unda məəm yel dɔ’g lé ya ɓa m’isi ne gə kúla lar gwɔsm’g gə mbəa.

1 Timote 1:1

Ma Pool, njekaḭkula lə Jeju Kristi gə goo torndu Ala Mbaikaji lə sí ləm, gə torndu Jeju Kristi, yeḛ gə́ j’unda meḛ sí yel gə́ dəa’g ləm tɔ lé

Njéga̰g-Rəwtaje 19:17

Yeḛ un kəmee oo njekaw mbá lé ndaa-loo gə́ mee ɓee’g ndá bai-diŋgam lé dəjee pana: Aw gə́ ra wa, əsé ḭ ra wa.