Jeremi 14:7 - Maktub gə́ To gə Kəmee

⁷ Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 14:7 Iomraidhean Croise

Esdras 9:15

Njesigənea̰, Ala lə Israɛlje to njera né gə́ gə dɔ najee mbata ɓogənè jeḛ n’toje ges deḛ gə́ teḛ ta yoo’g. Aa oo, j’aarje nɔḭ’g, jeḛ gə́ n’toje koso-dəwje gə́ ta wa dɔ dee mba̰ ɓó j’askəm kaar tar nɔḭ’g togə́bè el lé.

Pakɔsje 115:1

Ǝi Njesigənea̰, kəm kar síjeḛ ɓa j’iŋga riɓar el, Kəm kar síjeḛ ɓa jḭga riɓar el, Nɛ kəm kar dee d’ula rɔnduba dɔ rii-i’g ɓa Mbata meemaji ləi gə meenda londoŋ ləi lé.

Pakɔsje 25:11

Ǝi Njesigənea̰, mbɔl dɔ rii lé ɓa I ar məəi ti ne mbidi dɔ néra kori-kori’g ləm, Mbata to né gə́ boo ya.

Pakɔsje 79:9

Ala, i gə́ to njekaji sí lé Maji kari ree la sə sí gə mba kar rii ɓar ne ləm, Gə́ taa dɔ sí ar məəi oso lemsé dɔ kaiya ra síje’g Mbata lə rii-i nja ləm tɔ.

Esai 48:11

Gə goo meenoji ləm-ma tɔgərɔ, Gə goo meenoji ləm-ma ɓa M’ndigi ra ne né, Mbata see to gə́ ban ɓa M’a kya̰ loo kar dee d’ila ndɔl dɔ rim’g wa. M’a kya̰ rɔnduba ləm kar dəw gə́ raŋg el.

Esai 59:12

Mbata nékaltaje lə sí bula yaa̰ nɔḭ’g ləm, Kaiyaje lə sí d’ila ta dɔ sí’g ləm tɔ. Nékaltaje lə sí to rɔ sí’g ləm, Jeḛ n’gərje néra majelje lə sí gao ya ləm tɔ.

Jeremi 10:19

Meeko̰ oso dɔm’g am m’tuji mba̰! Doo lé tom yaa̰! Kédé ma m’pana: To rɔko̰ gə́ ram Ndá m’a kila məəm po̰.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 5:25

Gə goo néra kori-korije lə sí lé ɓa Loo kai sí ne néje gə lée-lée godo ne ləm, Kaiyaje lə sí lé ɓa ɔg sí loo kiŋga némajije nee ləm tɔ.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 8:14

See gelee ban ɓa j’isi naŋg wa. Maji kar sí mbo̰je dɔ na̰, J’awje mee ɓee-booje gə́ siŋga dee to Mba kar sí j’wəije keneŋ! Mbata Njesigənea̰ Ala wɔji kar sí j’wəije, Yeḛ ar sí j’aije mán Gə́ kuma̰ tɔl dəw to keneŋ, Mbata jeḛ n’raje kaiya J’ɔsje ne ta lə Njesigənea̰ rəw.

Jeremi 8:5

Ŋga see gelee ban ɓa Koso-dəwje gə́ Jerusalem nee D’ya̰ ne rɔ dee yag loo-ndəm’g lə dee ta-ta wa. Deḛ d’aar njaŋg dɔ sukəmloo’g ləm, Deḛ mbad kɔs badm tel ləm tɔ.

Ejekel 20:14

Nɛ lé togə́bè kara neḛ n’ra né gə mbata lə ri neḛ mba kar ndɔl wa ne dɔ ri neḛ kəm ginkoji dəwje gə raŋg gə́ n’ar dee d’unda loo kəm dee’g mee ɓee gə́ Ejiptə teḛ lé el.

Ejekel 20:22

Lée togə́bè kara neḛ n’rəm gə ji neḛ dɔ dee’g ɓó n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ neḛ n’ar dee d’unda loo mee ɓee gə́ Ejiptə kəm dee’g teḛ lé el.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Ojee 5:5

Beelé lə Israɛlje lé ɓa ila ta dɔ dee’g, Néra kori-korije lə Israɛlje gə Eprayimje lé Yee ɓa a kar dee d’oso ne, Judaje kara d’a koso ne sə dee na̰’d tɔ.

Ojee 7:10

Beelé lə Israɛlje ɔr ta ila dɔ dee’g ya, Nɛ lé bèe kara Deḛ tel ree rɔ Njesigənea̰, Ala’g lə dee el ləm, Deḛ tel ndolè gée bèe el ləm tɔ.

Amɔs 7:2

Loo gə́ deḛ d’o̰ muje gə́ dɔ naŋg’d nee lai-lai lé ma m’pa pana: Mbaidɔmbaije gə́ Njesigənea̰, m’ra ndòo rɔi’g, ar məəi oso lemsé ɓòo ŋgaka Jakobje d’a si kəmba to gə́ ban wa. Mbata siŋga dee as el.

Misee 7:9

Jeḛ j’waje meḛ sí mbidi n’tije dɔ oŋg’d lə Njesigənea̰ Mbata jeḛ n’raje kaiya j’ɔsje ne ta ləa rəw ya, Saar loo gə́ yeḛ a koso gel sí’g Kɔr ne ta lə sí gə goo rəbee lé Yeḛ a kɔr no̰ sí teḛ sə sí dan lookàr’g ləa Ndá j’a kooje néra gə́ gə dɔ najee ləa.

Njé gə́ Epesə 1:12

mba kar síjeḛ gə́ j’unda meḛ sí yel dɔ Jeju Kristi’g kédé lé jeḛ n’to ne nékila riɓar dɔ rɔnduba’g ləa ya.

Njé gə́ Epesə 1:6

Maji kar noji gə́ yeḛ wa sə sí gin yeḛ gə́ to ŋgonkəmee lé a nduba ne rəa gə́ raga kar dee pidee ne.

Tel tura Godndu 32:27

Nɛ ma m’ɓəl dɔ ta rɔkul’g lə njéba̰je ləm ləm, Ma m’ɓəl nà njékoma̰ sə deeje D’a ti rɔ dee pa ne pana: Ji síjeḛje ya ɓar mèr-mèr, Ɓó Njesigənea̰ ɓa ra néje neelé el.

Jujé 7:9

Kana̰je gə deḛ lai gə́ d’isi mee ɓee’g neelé d’a koo taree ndá d’a ree kaḭ dɔ sí sub ləm, d’a kar ri sí udu bo̰ dɔ naŋg nee ləm tɔ. Ŋga see ɗi ɓa i a ra mba kar boo-riɓar ləi to ne ɓəi wa.