Jeremi 14:3 - Maktub gə́ To gə Kəmee

³ Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Jeremi 14:3 Iomraidhean Croise

2 Samel 15:30

Dabid uba dɔ mbal gə́ ria lə mbal Koiyoje. Yeḛ aw no̰ gə mán-no̰ kəmee’g ləm, on dəa gə kubu ləma, njaa gə gɔlee kari ba ləm tɔ. Deḛ lai gə́ d’aw səa lé d’ɔn dɔ dee gə kubu ləm, d’aw no̰ gə mán-no̰ kəm dee’g ləm tɔ.

2 Samel 19:4

Mee ndəa gən ya njérɔje lé tel ree mee ɓee-boo’g gə goo ŋgəḭ asəna gə njérɔje gə́ rɔkul wa dɔ dee mbata kḭ gə́ d’ḭ loo-rɔ’g d’aḭ bèe.

1 Mbaije 17:7

Nɛ gə kuree waga ndá mán lé yi tə mbata ndi oso naŋg teŋ mee ɓee’g lé el.

2 Mbaije 18:31

Ɔmje meḛ sí dɔ ta’g lə Ejekias el mbata mbai gə́ Asiri pa togə́bè pana: Maji kar sí ɔmje sə neḛ na̰’d sad osoje ne gel neḛ’g. Bèe ɓa nana kara a sɔ kandə nduú ləa-ləa ləm, gə kandə kodé ləa ləm tɔ, nana kara a kai mán mee bwa-mán’g ləa to

Este 6:12

Mardose tel aw tarəwkɔg’d lə mbai ndá Aman ɔd gə tɔgee aw kəi ləa gə kəmndoo ləm, yeḛ ila né dəa’g ləm tɔ.

Maktub gə́ wɔji dɔ Jɔb 6:20

Rɔ dee kul mbata kunda gə́ d’unda meḛ dee yel dɔ’g ləm, Rɔ dee gaḭ ges loo gə́ deḛ teḛ keneŋ ləm tɔ.

Pakɔsje 109:29

Maji kar kəm sɔḭ wa kəm njékoma̰ səmje Asəna gə kubu bèe ləm, Maji kar dee dolè rɔ dee gə rɔkul Asəna gə kubu gə́ ŋgal yududu bèe ləm tɔ!

Pakɔsje 40:14

Ǝi Njesigənea̰, maji kari ɔrm danee’g ya! Njesigənea̰, maji kari ɔs rɔi ɓad ree la səm ya.

Jeremi 14:4

Naŋg ta̰ ɓəgəgə-ɓəgəgə Mbata ndi oso teŋ mee ɓee’g neelé el. Njḛ́dɔje kara rɔ dee kul Ar dee d’ila kubu dɔ dee’g tɔ.

Jeremi 15:18

See gelee ban ɓa némeeko̰ ləm Aw gə́ kédé-kédé wa. See gelee ban ɓa doo ləm toom yaa̰, Ndigi kər el ləm tɔ wa. Tɔgərɔ ya i to asəna gə kəm-rəw-mán Gə́ ər dəwje gə́ kər, Gə́ dəw askəm kɔm mée dɔ’g el.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:37

Lée neelé ɓa seḭ a kundaje loo Keneŋ teḛje kɔmje ji sí dɔ sí’g, Mbata Njesigənea̰ mbad Deḛ gə́ seḭ ɔmje meḛ sí dɔ dee’g Ndá seḭ a teḛje ne kɔr keneŋ el.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Jeremi 3:3

Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Nɔ̰-ndôo gə́ wɔji dɔ Jerusalem 4:4

Ndo̰ ŋgonkas lé al oso raga Mbata kṵdaman gə́ ɔree loi lé ləm, Ŋganje dəji nésɔ ləm tɔ Nɛ dəw kára kara un nésɔ ar dee el.

Ojee 2:3

Maji kar sí ulaje ŋgako̰ síje pajena: Ami! (kɔr gelee pana: Koso-dəwje ləm) Tɔɓəi a ɓarje kɔnan sí pajena: Ruhama! (kɔr gelee pana: Yeḛ gə́ d’oo kəmtondoo ləa)

Joɛl 1:20

Daje gə́ wala kara no̰ wəl-wəl gə́ rɔi’g Mbata kəm-rəw-manje d’yi tə-tə ləm, Pər roo ndag-looje gə́ dɔdilaloo’g dula-dula ləm tɔ.

Amɔs 4:7

Neḛ lé n’ɔg sí mán ndi Loo gə́ nai naḭ munda ɓa mba teḛ naḭ kinja kó’g ɓəi, Neḛ n’ar ndi ər dɔ ɓee-boo gə́ kára Ndá yee gə́ raŋg lé n’ar ndi ər keneŋ el, Loo-ndɔ gə́ kára iŋga ma̰-ndi, Nɛ yee gə́ raŋg lé ndi oso keneŋ teŋ el Aree tudu kurum-kurum tɔ.

Amɔs 4:8

Dəwje gə́ mee ɓeeje’g joo əsé munda lé D’aw dɔ ɓee gə́ raŋg’d Gə mba kiŋga mán keneŋ kai, D’ai ya nɛ d’ai d’aree oso loo kunda’g lə dee el. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Jakari 14:17

Ɓó lé ginkoji dəwje gə́ kára gə́ dɔ naŋg nee a lal kaw Jerusalem Gə mba kunda barmba dəb kəmee naŋg No̰ Mbai gə́ to Njesigənea̰ gə́ njeboo-néje ndá Ndi a koso dəa’g teŋ el.