Jeremi 14:22 - Maktub gə́ To gə Kəmee

²² See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 14:22 Iomraidhean Croise

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

1 Mbaije 17:14

Mbata Njesigənea̰, Ala lə Israɛlje pa togə́bè pana: Nduji gə́ to mee jo’g lé a godo el ləm, ubu gə́ to mee ku’g lé kara a godo el ləm tɔ, saar kar ndɔ gə́ Njesigənea̰ a kar ndi ər dɔ naŋg nee ɓa.

1 Mbaije 18:1

Ndɔje bula dəs ndá mee ləb gə́ njekɔm’g munda lé Njesigənea̰ ula Eli ta nee pana: Aw aar no̰ Akab’g tɔjee rɔi ndá m’a kar ndi ər dɔ naŋg nee.

1 Mbaije 8:36

maji kari oo ndu dee mee dara’g ləm, ar məəi oso lemsé dɔ kaiya ra kuraje’g ləi ləm gə dɔ koso-dəwje’g ləi gə́ Israɛl ləm tɔ, to deḛ gə́ i tɔji dee rəw gə́ danasur gə́ kəm kar dee njaa keneŋ lé, tɔɓəi ar ndi ər dɔ naŋg nee ar dəwje ləi gə́ né ka̰ dee lé tɔ.

Maktub gə́ wɔji dɔ Jɔb 28:26

Loo gə́ yeḛ un godndiaje ar ndi lé Ndá yeḛ wɔji rəw tèl ləa ləm, gə ndaŋg ləa ləm tɔ.

Maktub gə́ wɔji dɔ Jɔb 5:10

Yeḛ ar ndi ər dɔ naŋg nee ləm, Yeḛ ar manee taa mee ndɔje ləm tɔ.

Pakɔsje 130:5

M’unda məəm yel gə́ dɔ Njesigənea̰’g ləm, M’unda məəm yel dəa’g gə ŋgaw məəm bura ləm tɔ, Ndá m’ŋgina ne ndukun ləa lé.

Pakɔsje 135:7

Yeḛ ar kil-lə ndi ḭ gwɔi naŋg’g aw tar ləm, Yeḛ ar ndi tel gə ndi ər ləma, Yeḛ ɔr lel dan nébaoje’g ləa aree ula ləm tɔ.

Pakɔsje 147:8

Yeḛ ar ndiil taa mee dara pəl-pəl ləm, Yeḛ wa dɔ gɔl ma̰-ndi Mbata lə naŋg nee ləma, Yeḛ ar muje kara d’ḭ ma̰də dɔ mbalje’g ləm tɔ.

Pakɔsje 25:21

Maji kar néra gə́ gə dɔ najee ləm, gə néra gə́ danasur ləm tɔ lé D’aḭ bada dɔm’g Mbata ma m’unda məəm yel dɔi’g ya.

Pakɔsje 25:3

Deḛ lai gə́ d’unda meḛ dee yel dɔi’g lé Rɔ dee a kul el, Deḛ gə́ d’un dɔ mar deeje gə́ sḭ lé Deḛ nja rɔkul a dəb dɔ dee’g.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 41:29

Aa ooje, deḛ lai to né gə́ kari ba ləm, Kula ra dee to gə́ né el ləma, Magəje lə dee kara to gə́ lel gə́ ula kari ba ləm tɔ.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 10:3

Mbata néjiɓee lə koso-dəwje lé To né gə́ kari ba. Deḛ tuga kag gə́ mee kag-kɔr’g, Njetɔlee tɔl gə kuba.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 5:12

Deḛ maḭta lə Njesigənea̰ D’oo taŋgɔm pa ne pana: Godo! Némeeko̰ a ree dɔ neḛje’g el ləm, N’a kooje kiambas əsé ɓoo-boo el ləm tɔ.

Jeremi 5:24

Deḛ d’ə̰ji ta meḛ dee’g pana: Ar sí m’ɓəlje Ala lə sí Yeḛ gə́ ar mán ndi gə naḭyee-naḭyee lé ləm, Gə́ ar ndi gə́ doŋgɔr gə rudu ər ləma, Yeḛ gə́ njekwɔji naḭ kinja dɔ kó ləm tɔ lé Deḛ d’ə̰ji bèe el.

Jeremi 51:16

Loo gə́ yeḛ pata ndá Kaa mán ɓar dará ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tèl ləm, gə ər ləma, Yeḛ ar lel ḭ loo-ŋgəm’g ula ləm tɔ.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Joɛl 2:23

Seḭ dəwje gə́ Sio̰ lé Maji kar sí alje rɔ sí ləm, raje rɔlel Gin Njesigənea̰, Ala’g lə sí ləm tɔ. Mbata yeḛ a gə kar sí mán ndi Gə naḭyee-naḭyee ləm, Yeḛ a kar sí ndi gə́ doŋgɔr Gə yee gə́ gogo ləm tɔ To gə́ yeḛ ra kédé gə́ ləw lé tɔ.

Amɔs 4:7

Neḛ lé n’ɔg sí mán ndi Loo gə́ nai naḭ munda ɓa mba teḛ naḭ kinja kó’g ɓəi, Neḛ n’ar ndi ər dɔ ɓee-boo gə́ kára Ndá yee gə́ raŋg lé n’ar ndi ər keneŋ el, Loo-ndɔ gə́ kára iŋga ma̰-ndi, Nɛ yee gə́ raŋg lé ndi oso keneŋ teŋ el Aree tudu kurum-kurum tɔ.

Misee 5:6

Ges Jakobje d’a nai mbuna koso-dəwje gə́ bula digi-digi’g To gə́ mán-tàl gə́ ḭ rɔ Njesigənea̰’g ləm, To gə́ mán-tàl gə́ wa dɔ muje’g bèe ləm tɔ, Gə́ gelee ḭ rɔ dəwje’g el ləm, Gə́ gəd rəa dɔ dəwje’g el ləm tɔ.

Misee 7:7

Ma ndá m’a tel kəm par gə́ rɔ Njesigənea̰’g ləm, M’a kunda məəm yel gə́ dɔ Ala gə́ to njekajim ləm tɔ, Ala ləm a koo ndum ya.

Matiyo 5:45

Yen ɓa seḭ a toje ne ŋgan Bɔ síje gə́ si dara lé, mbata yeḛ ar kàr ləa uba dɔ njémeeyèrje’g gə dɔ njémeemajije’g ləm, yeḛ ar ndi ər dɔ njéra né gə́ gə dɔ najee-je gə dɔ njéra né gə́ gə dɔ najee-elje ləm tɔ.

Tel tura Godndu 28:12

Njesigənea̰ a kɔr kəm dara gə́ to loo gə́ nébaoje ləa gə́ maji dum to keneŋ kar sí gə mba kula ne gə mán ndi dɔ ɓee’g lə sí gə naḭyee-naḭyee ləm, gə mba tɔr ndia dɔ kulaje lai gə́ seḭ a raje ləm tɔ, ginkoji dəwje gə raŋg bula d’a tona sí né, nɛ seḭ a tona deeje né el.

Tel tura Godndu 32:21

Deḛ d’ar kəm əḭ dɔ dee’g Mbata lə né gə́ to gə́ Ala el ləm Deḛ d’ar məəm ḭ səm jugugu Mbata lə magə-poleje lə deḛ gə́ kari ba ləm tɔ Ndá m’a kara m’a kar kəm dee əḭ Mbata lə ginkoji dəwje gə́ kari ba ləm M’a kar meḛ dee o̰ dee Mbata lə ginkoji dəwje gə́ to mbə-dəwje ləm tɔ.