Jeremi 14:2 - Maktub gə́ To gə Kəmee

² Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 14:2 Iomraidhean Croise

Maktub gə́ wɔji dɔ Jɔb 34:28

Deḛ d’ar ndu no̰ lə njendoo aw saar oso mbi Ala’g lé ləm, Deḛ d’aree oo ndu no̰ lə njénékəmndooje ya ləm tɔ.

Pakɔsje 144:14

Ma̰də maŋgje lə sí d’oji na̰ gə́ kédé-kédé ləm, Tuji gə́ boo kára kara godo ləm, Njekawɓer gə́ kára kara godo ləma, Ndu no̰ gə́ bèe kara ɓar mbuna rəwje’g lə sí el ləm tɔ.

Teḛ-Raga 2:24

Ala oo ndu tuma̰ rɔ lə dee ndá ar mée olé dɔ manrɔ gə́ yeḛ Man ne rəa ar Abrakam gə Isaak gə Jakob lé ya.

Esai 15:5

M’tuma̰ məəm’g ŋgururu-ŋgururu mbata lə Moabje, Mbata njéteḛ-ta rɔ’g pəd-pədje d’ḭ keneŋ D’aw njal teḛ Soar ləm, Saar teḛ Eglat-Selisija ləm tɔ, Mbata deḛ no̰ ta-ta d’un rəw Gə́ ḭ dən gə́ Luhit ləm, D’ɔr ndu dee no̰ wəl gə nékəmndoo Rəw gə́ aw Koronayim ləm tɔ.

Esai 24:11

Deḛ no̰ gə kii wəl-wəl kila-rəwje’g Mbata mán-nduú lal dee, Nérɔlelje lai godo ləm, Kalrɔ gə ŋgaŋ kogo godo mee ɓee’g ləm tɔ.

Esai 24:4

Ɓee lé si dan ndòo’g ləm, Siŋgá godo ləm, Dəwje gə́ d’isi keneŋ d’unda ndolè ləm, Siŋga dee yɔ ləma, Mbaije lə koso-dəwje kara siŋga dee godo ləm tɔ.

Esai 24:7

Kəm mán-nduú gə́ sigi to ndòo ləm, Kag-nduú ndòlé ləma, Deḛ lai gə́ meḛ dee lel dee kédé lé kara Tuma̰ ŋgururu-ŋgururu ləm tɔ.

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 33:9

Ɓee lé si dan kəmndoo’g gə dan némeeko̰’g, Liba̰je d’isi dan rɔkul-boo’g ar siŋga dee yɔ. Saron tel to asəna gə dɔdilaloo, Basan gə Karmel lé d’ar kam dee gəḭ naŋg to gə́ kam kag bèe.

Esai 5:7

Ndɔ-nduú lə Njesigənea̰ gə́ njeboo-néje lé Yee ɓa to gel-bɔje lə Israɛl. Dəwje gə́ Juda lé To gə́ loo ndɔ gə́ yeḛ unda dan kəmee’g. Yeḛ unda mée yel gə mba koo ne néra gə́ danasur rɔ dee’g Nɛ aa ooje, məs ɓa d’ila! Yeḛ unda mée yel gə mba koo ne néra gə́ gə dɔ najee Nɛ aa ooje, ndu kii no̰ ndòo ɓa oo keneŋ!

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 12:11

Deḛ d’aree tel to dɔdilaloo, Yee tel to loo ndòo ləm, Kəmee to ndòo nɔm’g ləm tɔ. Ɓee lai tuji pugudu, Mbata dəw kára kara gə́ njekḛji dɔ’g godo.

Jeremi 12:4

See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 18:22

Ar ndu kii ɓar mee kəije’g lə dee Loo gə́ i a kar gayim-dəwje D’uba dee naŋg bus rɔ sə dee! Mbata deḛ d’uru bwa gə mba kwam ne ləm, Deḛ d’ila ba̰dəje kila gɔlm’g ləm tɔ.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Jeremi 46:12

Ginkoji dəwje gə raŋg d’oo Ta nérɔkul gə́ teḛ dɔi’g ləm, Gə́ kiije ləi gə́ ɓar Taa naŋg nee pəl-pəl ləm tɔ, Mbata njérɔje d’unda ndolè dɔ na̰’g ləm, Deḛ lai tɔr toso na̰’d ləm tɔ.

Jeremi 8:21

Némeeko̰ lə koso-dəwje ləm Sɔ siŋgam yaa̰ ləm, Ma m’isi dan kəmtondoo’g ləma, Ɓəl undam badə gaŋgm ləm tɔ.

Nɔ̰-ndôo gə́ wɔji dɔ Jerusalem 2:8

Njesigənea̰ wɔji mée’g Mba tuji ndògo-bɔrɔ lə ŋgoma̰də gə́ Sio̰, Yeḛ wɔjee gə kúla Nɛ yeḛ ɔr jia keneŋ el saar Aree tuji lai-lai ya, Kəi-kaar-kɔgərɔje gə ndògo-bɔrɔje kara No̰-yoo ɓa taa loo keneŋ pəl-pəl Ar deḛ gə́ d’isi keneŋ kara D’isi gə kəmndooyoo tɔ.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Nɔ̰-ndôo gə́ wɔji dɔ Jerusalem 5:10

Ɓó gə́ ra sí yaa̰ lé Ar ndar rɔ sí nədə To gə́ né gə́ d’ula pər bṵda’g bèe.

Ojee 4:3

Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

Joɛl 1:10

Mee ndɔje wa ŋgɔ njag-njag ləm, Kəm dɔ naŋg to ndòo ləm tɔ, Mbata kó tuji ləm, Man-nduú gə́ kul yi tə-tə ləma, Ubu kara godo ləm tɔ.

Joɛl 1:11

Njḛ́dɔje lé ta igi dee sel ləm, Deḛ gə́ ndɔ nduú kara Tuma̰ ŋgururu-ŋgururu ləm tɔ Mbata kó-blé gə kó-ɔrj tuji ləm, Mbata koje lə dee gə́ kəm kinja kara tuji ləm tɔ.

Joɛl 1:14

Ilaje mbər kɔg-mee-ɓoo ləm, Gə kwa-dɔ-na̰ gə́ to gə kəmee ləm tɔ! Mbo̰je ɓugaje gə dəwje lai gə́ mee ɓee’g Mee kəi’g lə Ala lə sí gə́ Njesigənea̰ Ndá raje né wəl arje Njesigənea̰!

Joɛl 2:6

Koso-dəwje ɓəl d’unda bala tigi-tigi no̰ dee’g. Dəwje lai lé kəm dee tel wagəsa gə kəm ɓəl.

Ajee 1:11

Neḛ n’ila loo-tudu dɔ ɓee’g gə dɔ mbalje’g ləm, gə dɔ kó’g gə mán-nduú’g, gə ubu’g ləm, gə dɔ né gə́ naŋg a kaskəm kar sí’g ləm, gə dɔ dəwje’g gə dɔ daje’g ləma, gə dɔ kulaje lai gə́ ji dəwje ra ləm tɔ.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

1 Samel 5:12

Dəwje gə́ d’wəi el lé gab uba dee ndá ndu no̰ lə ɓee-boo neelé aw njal teḛ dan dara’g.

1 Samel 9:16

Bèlè, kàr gə́ bèe ndá m’a kula dəw gə́ ɓee’g lə Bḛjami karee ree rɔi’g ndá i a kwa dəa gə ubu mba karee to mbai dɔ koso-dəwje ləm gə́ Israɛl. Yeḛ a taa koso-dəwje ləm ji Pilistije’g mbata ma m’aa loo m’oo koso-dəwje ləm ndá ndu no̰ lə dee aw saar teḛ rɔm’g ya.