Jeremi 14:14 - Maktub gə́ To gə Kəmee

¹⁴ Ndá Njesigənea̰ ulam pana: Taŋgɔm ɓa njéteggintaje lé teg ne ginta gə ri neḛ, neḛ n’ula dee el ləm, n’un ndu neḛ n’ar dee el ləma, m’pata n’ar dee el ləm tɔ. Némḭdije gə́ ŋgɔm ləm, gə ginta néje gə́ d’a ree gə́ pa kari ba ləma, gə ta sukəmlooje gə́ d’ḭ ne meḛ dee’g ləm tɔ ɓa deḛ tegginee d’ar sí.

Jeremi 14:14 Iomraidhean Croise

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 9:15

Deḛ gə́ d’ɔr no̰ koso-dəwje neelé D’ar dee ndəm ləm, Deḛ gə́ d’ya̰ loo d’ar dee d’ɔr no̰ dee lé Deḛ ndəm ne rəw ləm tɔ.

Jeremi 20:6

Tɔɓəi i Pasur gə njémeekəije ləi lai, seḭ a kawje ɓee-ɓər gə́ Babilɔn, ndá lée neelé ɓa i a kwəi keneŋ ndá d’a dubi keneŋ tɔ, i ləm gə baokuraje ləi lai gə́ i tegginta gə́ ŋgɔm ar dee lé ləm tɔ.

Jeremi 28:11

Ndá Hanania lé pata kəm koso-dəwje’g lai pana: Njesigənea̰ pata togə́bè pana: Ləb joo gə́ a gə ree lé ndá n’a təd néməməna̰ lə Nebukadnesar, mbai gə́ Babilɔn lé gwɔb ginkoji dəwje gə raŋg’g lai ya. Yen ŋga Jeremi gə́ njetegginta lé ɔd aw.

Jeremi 28:13

Aw ula Hanania pana: Njesigənea̰ pa togə́bè pana: I təd néməməna̰ gə́ ra gə kag ya nɛ i a kiŋga néməməna̰ gə́ ra gə́ larndul ɓa toree’g.

Jeremi 28:15

Tɔɓəi Jeremi, njetegginta ula Hanania njetegginta lé pana: Hanania, maji kari ur mbi oo ne ta nee! Njesigənea̰ ulai el nɛ i ɓa ula koso-dəwje nee ta gə́ ŋgɔm ba.

Jeremi 29:21

Njesigənea̰ gə́ njeboo-néje gə́ to Ala lə Israɛlje lé pata togə́bè dɔ Ahab gə́ to ŋgolə Kolaja ləm, gə dɔ Sedesias gə́ to ŋgolə Maaséja ləm tɔ, deḛ gə́ teggin taŋgɔm gə rim d’ar sí lé m’pana: Aa ooje, ma m’uba dee m’ya̰ dee ji Nebukadnesar, mbai gə́ Babilɔn ndá yeḛ a kar dee tɔl dee kəm sí’g ya.

Jeremi 29:31

Ula dee ar dee d’aw d’ula deḛ lai gə́ to ɓərje lé pana: Njesigənea̰ pata togə́bè wɔji ne dɔ Semaeja, dəw gə́ Nehélam lé pana: Mbata ma m’ula Semaeja el nɛ yeḛ tegginta ləm ar sí ləm, yeḛ ula sí ta meekundayel gə́ ŋgɔm ləm tɔ ndá

Jeremi 37:19

See njéteggintaje lə sí gə́ tegginta pana: Mbai gə́ Babilɔn a ree rɔ sə sí-seḭ əsé ɓee nee el lé d’əd ra ɓəi wa.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 8:10

Gelee gə́ nee ɓa n’a kar denéje lə dee Tel to ne ka̰ njé gə́ raŋg ləm, Loo-ndɔje lə dee n’a kar njé gə́ raŋg Taa gə́ ka̰ dee ləm tɔ. Mbata un kudee dɔ dəwje gə́ gɔ-gɔ’g Saar teḛ ne dɔ njé gə́ boo-boo’g lé Mal kiŋga né gə́ gə goo rəbee el Ra dee ŋgwɔd-ŋgwɔd. Un kudee dɔ njéteggintaje’g Saar teḛ ne dɔ njékinjanéməsje’g lé Deḛ lai to njésukəmlooje.

Jeremi 8:11

Deḛ tɔ ta doo lə koso-dəwje ləm Gə goo rəbee el Ndá deḛ pana: Meelɔm! Meelɔm! Nɛ meelɔm godo.

Nɔ̰-ndôo gə́ wɔji dɔ Jerusalem 2:14

Némḭdije gə́ njéteggintaje ləi d’oo lé To néje gə́ kari ba ləm, Gə néje gə́ ŋgɔm ləm tɔ, Mbata deḛ teggin kaiya raije gə́ raga Mba kɔr ne ta ɓər dɔi’g el, Deḛ d’ula sí ta némḭdije gə́ ŋgɔm ləm, Gə sukəmloo ləm tɔ.

Nɔ̰-ndôo gə́ wɔji dɔ Jerusalem 2:9

Tarəwkɔgje ləa lai təd kərm-kərm ləm, Yeḛ təd pəgərəje ləa jané dee kad-kad ləm tɔ. Mbai ləa gə ŋgan-mbaije ləa lé D’isi mbuna ginkoji dəwje gə raŋg’g, Godndu godo. Njéteggintaje kara Njesigənea̰ Riba sə dee dɔ némḭdije kára kara el tɔ.

Ejekel 12:24

Mbata némḭdije gə́ gə mḭdé ba d’a godo ləm, taje gə́ ka̰ sukəmlooje d’a godo ləm tɔ mbuna gel-bɔje’g lə Israɛl.

Ejekel 13:2

Ma ŋgon-dəw lé maji kam m’tegginta m’wɔji ne dɔ njéteggintaje lə Israɛl gə́ d’aw tegginta lé ləm, m’ula dee-deḛ gə́ d’aw tegginta gə́ ḭ meḛ dee-deḛ’g ya ləm tɔ lé m’pana: Maji kar sí ooje ta lə Njesigənea̰!

Ejekel 13:23

Seḭ a kooje némḭdije gə́ gə mḭdé-mḭdé lé el ŋga ləm, seḭ a paje ta néje gə́ to gə ndəree ɓəi lé el ŋga ləm tɔ, n’a taa koso-dəwje lə neḛ ji sí’g kɔm dee tar. Bèe ɓa seḭ a gərje ne to gə́ neḛ n’to Njesigənea̰ ya.

Ejekel 21:29

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ seḭ arje meḛ sí olé dɔ néra kori-korije’g lə sí loo gə́ seḭ arje kaltaje lə sí to ne raga ndəgəsə ləm, seḭ arje néra síje lé riba ne dɔ kaiya ra síje pərəg ləm tɔ lé, to gə́ seḭ arje meḛ sí olé dɔ’g ndá yeḛ a kwa sí gə jia peb ya!

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Jakari 10:2

Mbata magəje lé pa taje gə́ kari ba ləm, Njénékooje lé teggin taŋgɔm ləma, Nije gə́ d’ɔr gée lé to néje gə́ ŋgɔm Gə́ gɔl ne meḛ dəwje gə ta gə́ kari ba ləm tɔ. Gelee gə́ nee ɓa d’ila ne mbir-mbir to gə́ koso-badje bèe ləm, D’isi ne dan nékəmndoo’g Mbata njekul dee godo ləm tɔ.

Jakari 13:3

Ɓó lé dəw tegginta ya ɓəi ndá bɔbeeje gə kea̰je gə́ d’ojee lé d’a kulá pana: I a si kəmba el mbata i pa taŋgɔm gə ri Njesigənea̰. Bèe ɓa bɔbeeje gə kea̰je gə́ d’ojee lé d’a kundá tɔlee loo gə́ yeḛ aar gə mba tegginta lé.

Tel tura Godndu 18:20

Nɛ njetegginta gə́ ḭ gə kəsta pa ne ta gə́ ma ɓa m’un ndum mba karee pa gə rim el əsé pata gə ri magəje ndá njetegginta neelé a kwəi gə kwəi ya.

1 Timote 4:2

Nehulai lə njétakorije ɓa ar dee ndəm ne ləm, meeyèr ula pər meḛ njétakorije’g lé ɔb ne meḛ dee kág ləm tɔ.

1 Ja̰ 4:1

Seḭ gə́ m’unda sí dan kəm’g lé ɔmje meḛ sí dɔ ndilje’g lai el, nɛ aḭje meḛ ndilje gə mba koo see d’ḭ rɔ Ala’g ya wa. Mbata njéteggintaje gə́ ŋgɔm bula d’unda loo teḛ mbuna dəwje’g dɔ naŋg nee.