Jeremi 14:12 - Maktub gə́ To gə Kəmee

¹² Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 14:12 Iomraidhean Croise

Maktub gə́ wɔji dɔ Jɔb 27:9

See Ala a koo ndu no̰ ləa Loo gə́ nékəmndoo teḛ dəa’g wa.

Gosota-Kəmkàrje 1:28

D’a ɓarm nɛ m’a kila dee keneŋ el ləm, D’a saŋgəm pir-pir nɛ d’a kiŋgam el ləm tɔ.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 58:3

Deḛ pana: Ɓó lé ma m’oo neḛje el ndá See mba ɗi ɓa n’a kɔgje meḛ neḛje ɓó wa. Gelee ban ɓa n’a kulaje kəm rɔ neḛje ndòo Ɓó lé ma m’oo gə́ né el wa. Yen ŋga m’ila dee keneŋ m’pana: Aa ooje, ndɔ gə́ seḭ ɔgje meḛ sí ɓó ndá Seḭ ndunaje rɔ sí dɔ takə̰jije’g lə sí-seḭ ya ləm, Seḭ raje kədərə gə njékulaje lə sí lai ləm tɔ.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 11:14

Nɛ i Jeremi lé a ra tamaji mbata lə dəwje neelé el ləm, a k’ɔr ndui gə́ tar ra ne ndòo əsé tamaji mbata lə dee el ləm tɔ, mbata loo gə́ d’a no̰ ɓarm gə mba némeeko̰ gə́ ra dee ndá m’a koo ta lə dee el.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 21:6

N’a kunda njé gə́ mee ɓee-boo’g neelé, dəwje ləm, gə daje ləm tɔ, d’a kwəi yoo-koso gə́ to ɓəl kədm-kədm.

Jeremi 24:10

M’a kula gə kiambas gə ɓoo-boo gə yoo-koso mbuna dee’g saar kar dee godo mee ɓee gə́ m’ar dee-deḛ gə bɔ deeje-je lé.

Jeremi 32:24

Aa oo, d’uba dɔndalje mba taa ne ɓee-boo lé. Ɓee-boo neelé a koso meḛ ji Kaldeje gə́ ree rɔ səa ndá d’a dum dee gə kiambas ləm, gə ɓoo-boo ləma, gə yoo-koso ləm tɔ. Ta gə́ i pa lé aw lée’g béréré ari oo ya.

Jeremi 6:20

Ubu gə́ ə̰də sululu gə́ d’ḭ ne Seba ləm, Gə kamnaḭje gə́ d’ə̰də lel Gə́ d’ḭ ne dɔ ɓee gə́ əw ləm tɔ lé See m’aw ndòo dee wa. Nékinjaməsje lə sí gə́ ka̰ roo lé Lelm el ləm, Nékinjaməsje lə sí gə́ raŋg kara Taa kəm el ləm tɔ.

Jeremi 8:13

Ma m’ndigi kar dee d’udu guduru, Njesigənea̰ ɓa pa bèe. Kandə nduú a godo rɔ nduú’g ləm, Kandə kodé a godo rɔ kodé’g ləma, Kam dee a ndòlé ləm tɔ, Néje lai gə́ ma m’ar dee kédé lé D’a sané pá rɔ dee’g.

Jeremi 9:16

Njesigənea̰ gə́ njeboo-néje pa togə́bè pana: Saŋje loo ɓarje njéno̰paje ar deeje ree! Ulaje kula rɔ denéje gə́ njéno̰paje ar deeje ree to!

Ejekel 14:19

Esé ɓó lé n’ula gə yoo-koso dɔ ɓee’g neelé ləm, n’ɔm yoo ɓa dɔ dee’g gə goo boo-oŋg lə neḛ mba tuji ne dəwje gə daje pugudu-pugudu keneŋ ləm tɔ

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ojee 5:6

D’a kaw gə badje gə maŋgje lə dee Gə mba ndolè ne goo Njesigənea̰, Nɛ d’a kiŋgá el, Mbata yeḛ sa rəa rəw mbuna dee’g.

Amɔs 5:21

Loo naḭje lə sí lé neḛ n’wa gə mee neḛ, N’ə̰ji dee bəḭ-bəḭ ləm, Loo-mbo̰-dɔ-na̰je lə sí lé kara n’askəm taa baḭyee el ləm tɔ.

Misee 3:4

Yen ŋga d’a no̰ wəl gə́ rɔ Njesigənea̰’g, Nɛ yeḛ a kila dee keneŋ el. Mee ndəa’g neelé yeḛ a kiya rəa kəm dee’g Mbata néraje lə dee gə́ to kḛji lé.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Malasi 2:13

Aa ooje, né gə́ raŋg gə́ seḭ raje ɓəi ɓa to nee: Seḭ arje mán kəm sí tula dɔ loo-nékinjaməs lə Njesigənea̰ yal-yal ləm, seḭ no̰je tuma̰je ne ŋgururu-ŋgururu ləm tɔ saar areeje un ne kəmee rəw dɔ nékarje’g lə sí gə́ yeḛ askəm taa ji sí’g el lé.

Loo gə́ killa rea kəm Ja̰’g 6:8

M’aa loo gərərə ndá m’oo kunda-mwɔji ḭ keneŋ. Njekubá lé ria lə yoo tɔɓəi ɓee lə njé gə́ d’wəi lé aw səa na̰’d. D’un ndu dee d’ar dee gə mba tɔl dəwje gə́ dɔ naŋg nee gə́ dəb kára nɛ debee nai munda, mba tuji ne dəwje gə kiambas ləm, gə ɓoo-boo ləm, gə rɔko̰ ləma, gə da-ŋgaŋkasje gə́ dɔ naŋg nee ləm tɔ.