Jeremi 13:9 - Maktub gə́ To gə Kəmee

⁹ Njesigənea̰ pa togə́bè pana: To kára ba asəna gə tuji gə́ n’a gə tuji ne beelé lə Judaje ləm, gə beelé lə njé gə́ Jerusalem gə́ al dɔ loo sula lé ləm tɔ.

Jeremi 13:9 Iomraidhean Croise

Gosota-Kəmkàrje 16:18

Kesta ɓa ɔr no̰ tuji ləm, Beelé ɓa ar dəw oso ləm tɔ.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Esai 23:9

Njesigənea̰ gə́ njeboo-néje wɔji mée’g togə́bè Mba tuji ne rɔnduba lə njékəstaje ləm, Mba kila rɔkul dɔ dəwje gə́ boo’g Deḛje lai gə́ dɔ naŋg nee ləm tɔ.

Jeremi 13:8

Njesigənea̰ ulam ta gə rɔtaje nee pana:

Jeremi 25:18

Ma m’ar deḛ gə́ d’isi Jerusalem ləm, gə ɓee-booje gə́ Juda ləm, gə mbaije ləa ləma, gə ŋgan-mbaije ləa ləm tɔ lé d’ai, gə mba kar ɓee lé tel to ne dɔ nduba ləm, gə néno̰ ləm, gə nékula sul dɔ’g ləma, gə né gə́ ndɔl wa dəa ləm tɔ, to gə́ seḭ ooje ne ɓogənè bèe lé ya tɔ.

Jeremi 48:29

Jeḛ n’gərje beelé lə Moab Gə́ majidum lé gao, Gə beelé ləa gə́ dum dɔ loo ləm, Gə ti-rɔ ləa ləm, Gə kəsta ləa ləma, Gə takə̰ji ti-rɔ ləm tɔ.

Ejekel 16:50

Deḛ tel to njébeeleje ndá deḛ ra né gə́ mina̰ no̰ neḛ’g. Loo gə́ n’oo néra dee neelé ndá n’ar dee sané pá dɔ naŋg nee.

Ejekel 16:56

See i pata ila dɔ Sɔdɔm, ŋgokɔḭ gə́ dené’g mee ndəa gə́ i aw ti ne rɔi

Ləbije 26:19

M’a təd siŋgamoŋ ti-rɔ lə sí ləm, m’a kar kəm dara lə sí tel kədərə asəna gə lar ləma, m’a kar dɔ-naŋg lə sí kara tel to asəna gə larkas ləm tɔ.

Nahum 2:2

Njetujiloo aw gə mba koma̰ sə sí. Maji kar sí aaje dɔ kəi-kaar-kɔgərɔ lə sí kər-kər! Ɔmje mina̰ wur sí’g go̰je ne loo soo-soo ooje! Waje rɔ sí kɔgərɔ.

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Lugu 18:14

Ma m’ula sí təsərə, njetaa lar-gədɓee neelé aw gə́ kəi ləa ndá ta godo dəa’g, nɛ yeḛ gə́ raŋg lé ta nai dəa’g ɓəi. Mbata nana ɓa gə́ unda dəa gə́ tar ndá d’a karee ula dəa ya, nɛ nana ɓa gə́ ula dəa ndá d’a karee unda dəa gə́ tar tɔ.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.