Jeremi 13:27 - Maktub gə́ To gə Kəmee

²⁷ Neḛ n’oo mɔdkaiyaje ləi Gə ndui gə́ ɓar asəna gə ndu no̰ lə kunda bèe ləm, Gə néraije gə́ to kḛji asəna gə néra kaiya-dené Gə́ i ra dɔ looje gə́ ndəw’g gə mee ndɔje’g ləma, N’oo néraije gə́ mina̰ ləm tɔ. Meeko̰ a koso dɔi-i Jerusalem’g See saar ndɔ gə́ ra ɓa i a tila gə́ tila Mba kɔr won rɔi ɓəi wa.

Jeremi 13:27 Iomraidhean Croise

Pakɔsje 94:4

Deḛ pata pəd-pəd ləm, Deḛ pata ti ne rɔ dee ləm tɔ. Deḛ lai gə́ to njéra némajelje lé D’ɔs gaji rɔ dee tɔ.

Pakɔsje 94:8

Seḭ dəwje gə́ njégərnéelje lé Undaje kəmkàr dɔ rɔ sí’g, Seḭ mbə-dəwje lé kara See ndɔ gə́ ra ɓa kəm sí a kàr ɓəi wa.

Gosota-Kəmkàrje 1:22

Seḭ gə́ négər na meḛ sí tas lé See ndɔ gə́ ra ɓa a kəwje rɔ sí raje né Gə́ gə mḭdé ba lé wa. Seḭ njékula sul dɔ loo’gje lé See kula sul dɔ loo’d gə́ lel sí lé A kundaje ŋgaŋgee ndɔ gə́ ra wa. Seḭ mbəje kara see ndɔ gə́ ra ɓa A kundaje ŋgaŋ mbad gər gin né lé wa.

Esai 57:7

To loo gə́ dɔ mbal gə́ ŋgal léŋgé-léŋgé gə́ ḭ gə́ tar ɓa Seḭ raje loo-to sí keneŋ, To lé neelé ya ɓa Seḭ awje keneŋ aw injaje nékinjanéməsje tɔ.

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Jeremi 11:15

Koso-dəwje gə́ m’unda dee dan kəm’g lé See ɗi ɓa deḛ ra mee kəi’g ləm wa. Deḛ ra boo-néraje gə́ majel keneŋ. Maji kar dee d’ɔr da-nékinjanéməsje lé no̰ sí’g Mbata loo gə́ seḭ raje némajel yaa̰ ndá Yen ɓa seḭ alje rɔ sí yaa̰ ɓəi.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Ejekel 16:23

Gə goo néra meeyèrje ləi lai lé meeko̰, meeko̰ a koso dɔi’g, Mbaidɔmbaije gə́ Njesigənea̰ ɓa pa bèe.

Ejekel 2:10

Yeḛ tudu maktub nee nɔm’g ndá ta no̰je, gə ta kim rɔje, gə ta no̰ sii mbigi-mbigije ɓa ndaŋg mée’g tereŋ ləm, gə giree’g tereŋ ləm tɔ.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 24:12

Kula rɔ ndubu gə́ togə́bè lé To né gə́ kari ba. Mée gə́ wɔməs lé a kɔr el, Pər ya ɓa a kɔree.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Ejekel 24:6

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Meeko̰ a koso dɔ ɓee-boo gə́ njekilaməs’g! Yee to asəna gə jo-lar gə́ wɔməs gə́ ɔr el lé bèe! Odo kɔr daje gə́ keneŋ lé kára-kára gə goo na̰ goo na̰ Ɓó ɔr kəm dee el.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ejekel 36:37

Mbaidɔmbaije gə́ Njesigənea̰ pa togə́bè pana: Aa ooje, né gə́ raŋg ya tɔɓəi gə́ gel-bɔje lə Israɛl d’a saŋg ne neḛ mba kar neḛ n’ra n’ar dee ɓa to nee: N’a kar bula lə dəwje ḭ dɔ maree’d gə́ kédé-kédé to gə́ koso-nékulje bèe.

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.

Ojee 1:2

Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana: Maji kari aw taa kaiya-dené gə́ dené ləi Oji ne ŋganje gə́ to ŋgan kaiyaje, Mbata néra dəw-mee-ɓeeje neelé To asəna gə néra kaiya-dené gə́ uba ŋgabeeje yá̰ bèe Mbata deḛ d’uba Njesigənea̰ d’yá̰ tɔ.

Ojee 4:2

Kubu rɔ gə taŋgɔmje ləm, gə tɔl na̰ ləm, Gə ɓogo ləma, gə ndal na̰ gə mɔdkaiya ləm tɔ ɓa to keneŋ, Deḛ ra gayim dɔ na̰’d d’ɔm ne məs na̰ naŋg gə kédé-kédé.

Ojee 8:5

Seḭje gə́ Samari lé, Njesigənea̰ ə̰ji néndaji ŋgon maŋg lə sí Gə́ seḭ lḛ̀je lé bəḭ-bəḭ. Oŋg ləm ḭ səm pu dɔ dee’g. See ndɔ gə́ ra ɓa a kəwje rɔ sí Kɔs meenda rəw wa.

Soponi 3:1

Meeko̰ a koso dɔ Jerusalem’g, Ɓee-boo gə́ to njékalta gə njera né gə́ mina̰ ləm, Ɓee-boo gə́ njekula kəm dəwje ndòo ləm tɔ!

Matiyo 11:21

Ndɔl a koso dɔi’g, i ɓee gə́ Korajḭ! ndɔl a koso dɔi’g, i ɓee gə́ Besayida. Némɔrije gə́ deḛ ra mbuna sí’g lé ɓó lé deḛ ra mee ɓeeje gə́ Tir gə Sido̰ togə́bè ndá d’a kwa ne ndòo rɔ dee si gə kubu-kwa-ndòo ɓa rɔ dee’g ləw ba ŋga ləm, kəm dee a kwa ne kor kor-kor ləm tɔ.

2 Njé gə́ Kɔrḭtə 12:21

Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

Loo gə́ killa rea kəm Ja̰’g 8:13

Ma m’aa loo gərərə ndá m’oo gir bag magəra gə́ nar tar lé ɓar kib-kib, yee pata gə ndia gə́ boi wəl pana: Meeko̰, meeko̰, meeko̰ a koso dɔ dəwje gə́ d’isi dɔ naŋg nee gə goo ndu to̰to̰je gə́ raŋg munda gə́ kuraje lə Ala gə́ dara d’a gə kar dee ɓar ɓəi lé.