Jeremi 13:21 - Maktub gə́ To gə Kəmee

²¹ See ta ɗi ɓa i a pa Loo gə́ yeḛ a kwɔjii kəmkàr lé wa. To i ya ɓa ndoo dee Ar dee ra səi né asəna gə mbai dɔ dee. See néurtije d’a teḛ dɔi’g Asəna gə dené gə́ ndóo tée bèe el wa.

Jeremi 13:21 Iomraidhean Croise

2 Mbaije 16:7

Akas ula njékaḭkulaje rɔ Tiglat-Pileser, mbai gə́ Asiri’g mba kar dee d’ulá pana: Ma m’to kura ləi ləm, gə ŋgoni ləm tɔ, gə́ ree ɔrm ji mbai gə́ Siri’g gə ji mbai gə́ Israɛl’d gə́ d’ḭ rɔ səm lé.

Esai 10:3

See ɗi ɓa seḭ a raje gə rɔ sí Ndɔ gə́ bo̰ néra sí a kɔs ta sí’g Kar tuji gə́ a kḭ əw ree dɔ sí’g lé wa. See a kḭje kawje ra ɓa Gə mba kiŋga njela sə sí wa. See loo gə́ ra ɓa seḭ a kaw kɔmje nékiŋgaje lə sí keneŋ wa.

Esai 13:8

Siŋgasa wa dee ləm, Rɔko̰ gə́ ndaŋg dəw paḭ gə rɔtoo ra dee ləm, Deḛ tuma̰ rɔ dee To gə́ dené gə́ ndóo rəa bèe ləm, Deḛ d’aa kəm na̰ kɔbərɔ-kɔbərɔ ləma, Kəm dee ti bo̰-bo̰ ləm tɔ.

Esai 21:3

Gelee gə́ nee ɓa némeekonje taa ne rɔm pəl-pəl, Ndóo teḛ dɔm’g wai To gə́ ndóo gə́ ula dené ndubu loo-koji-ŋgon’g bèe, Rɔko̰je gə́ ndaŋg dəw paḭ lé D’ɔgm dɔ koo ta’g ləm, Kunda bala tigi-tigi ɔgm koo loo ləm tɔ.

Jeremi 2:25

Undaje kəmkàr dɔ rɔ sí’g Gə mba njaaje gɔl sí kari ba el ləm, Arje gwɔs sí tudu kurum-kurum el ləm tɔ! Nɛ seḭ pajena: Wah! to né kari ba! Mbata seḭ ndigije magəje gə́ dɔ ɓee’g ləm, Seḭ ndigije kawje goo dee’g ləm tɔ.

Jeremi 22:23

Seḭ gə́ síje sém mbal gə́ Liba̰ Gə́ raje kəi lə sí asəna gə kəi-yel Mbuna kag-sɛdrəje’g bèe lé Loo gə́ némeekonje d’a teḛ dɔ sí’g ndá Seḭ a tuma̰je ŋgururu-ŋgururu, To némeeko̰ gə́ to asəna gə ndóo Gə́ ra dené loo-koji ŋgon’g bèe.

Jeremi 30:6

Dəjije na̰ ooje See diŋgam a koji ŋgon wa! Ŋga see gelee ban ɓa M’oo diŋgamje lai d’orè ji dee dun dee’g To gə́ dené gə́ ndóo tée bèe wa! See gelee ban ɓa Kəm deḛ lai tel ndá mbam wa.

Jeremi 38:22

D’a kaw gə denéje lai gə́ nai mee kəi’g lə mbai gə́ Juda kar ŋgan-mbaije lə mbai gə́ Babilɔn, ndá denéje neelé d’a pa pana: Deḛ gə́ d’ila mber meekulɔm d’ari lé Deḛ su kəmi dum ne dɔi, Nɛ loo gə́ i ula gɔli bɔrɔ-dubu’g Ndá deḛ sa rɔ dee.

Jeremi 4:30

Nɛ seḭje gə́ Jerusalem lé See ɗi ɓa a raje wa. Seḭ a kulaje kubu gə́ kas njir-njir rɔ sí’g ləm, Seḭ a ɗɔije rɔ sí gə néɗɔi-rɔje Gə́ ra gə larlɔr ləma, Seḭ a ndəmje pɔrɔ kəm sí’g ləm tɔ. Nɛ seḭ a ɗɔije rɔ sí pi. Deḛ gə́ njéndigi síje lé D’a kḛji sí bəḭ-bəḭ ləm, D’a ndigi kar sí wəije ləm tɔ.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 48:41

Ɓee-boo gə́ Kerijot lé dum dəa mba̰, Kəi-kaar-kɔgərɔje lé taa tɔ, Ndəa neelé mee bao-rɔje gə́ Moab to asəna gə mee dené gə́ ndóo tée bèe.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 6:24

Loo gə́ jeḛ j’oo ta ree lə dee ndá Ji sí unda ndolè Néɓəŋgərəti ra sí To gə́ ndóo gə́ ɔs dené bèe.

Ejekel 28:9

No̰ njetɔli’g lé see i a pana: I to Ala nja tɔɓəi wa. I a to dəw ɓó a to Ala meḛ ji yeḛ gə́ a tɔli’g lé el.

Matiyo 24:8

Néje lai neelé yee ɓa a to némeekonje gə́ doŋgɔr ɓəi.

1 Njé gə́ Tesalonikə 5:3

Loo gə́ dəwje d’a si pana: Kari ba, loo to maji lɔm ɓəi! ... Ndá léegəneeya tuji a kuba dee naŋg bus asəna gə ndóo gə́ ɔs dené ɓɔḭ ɓa loo kaḭ a godo.