Jeremi 13:19 - Maktub gə́ To gə Kəmee

¹⁹ Ɓee-booje gə́ to gə́ kel dɔkɔl lé D’udu ta dee jigi-jigi ndá Dəw kára kara gə́ njekɔr ta dee godo, Judaje lai lé d’aw sə dee ɓee-ɓər’g, D’aw sə dee gə gel dee ɓɔgədɔ ya ɓee-ɓər’g.

Jeremi 13:19 Iomraidhean Croise

2 Mbaije 25:21

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ.

1 Sôrta Gḭka-Israɛlje 9:1

Israɛlje lai lé deḛ ndaŋg ri dee gə goo ginkojije lə dee ndá d’unda ri dee mee maktub’g lə mbaije gə́ Israɛl. Njé gə́ Juda ɓa d’wa dee gə́ ɓər d’aw sə dee Babilɔn mbata lə kaltaje lə dee lé.

Maktub gə́ wɔji dɔ Jɔb 12:14

Né gə́ yeḛ tuji lé dəw askəm tel gɔl gogo el, Dəw gə́ yeḛ udee kəi kara njekɔree godo tɔ.

Jeremi 17:26

D’a kḭ mee ɓee-booje gə́ Juda gə looje gə́ gugu dɔ Jerusalem ləm, gə ɓee lə Bḛjamije ləm, gə kəm wəl-loo’g ləm, gə dɔ mbal’g ləma, gə loo gə́ dɔkɔl ləm tɔ, d’a ree gə nékinjanéməsje gə́ ka̰ roo gə da-nékinjanéməsje ləm, d’a ree gə nékarje gə né gə́ ə̰də sululu ləm tɔ ndá d’a kinja nékinjanéməsje gə́ ka̰ ra oiyo mee kəi’g lə Njesigənea̰.

Jeremi 20:4

Mbata Njesigənea̰ pa togə́bè pana: Aa oo, i seḭ gə baokuraje ləi lai n’a gə kɔm sí dan boo-néɓel’g. Deḛ d’a kwəi yoo-kiambas lə njéba̰je lə dee ndá i a koo gə kəmi. Judaje lai kara n’a kuba dee kya̰ dee meḛ ji mbai gə́ Babilɔn’g karee wa dee ɓər aw sə dee Babilɔn ləm, karee tɔl dee gə kiambas ləm tɔ.

Jeremi 24:1

Loo gə́ Nebukadnesar, mbai gə́ Babilɔn wa Jekonia, ŋgolə Jojakim, mbai gə́ Juda ləm, gə ŋgan-mbaije gə́ Juda ləma, gə njéra-kula-kagje gə njéra lar-kudu-ta-néje ləm tɔ mee ɓee gə́ Jerusalem aw sə dee Babilɔn mba̰ ndá, Njesigənea̰ am m’oo kandə kodéje mee karèje joo gə́ d’unda takəi’g lə Njesigənea̰.

Jeremi 28:4

Tɔɓəi Njesigənea̰ pana: N’a kar Jekonia, ŋgolə Jojakim, mbai gə́ Juda gə dəwje lai gə́ Juda gə́ d’wa dee ɓər d’aw sə dee Babilɔn lé tel ree lée’g neelé tɔ. Mbata n’a gə təd néməməna̰ lə mbai gə́ Babilɔn kərm-kərm ya.

Jeremi 32:44

D’a ndogo loo-ndɔje gə larnda ləm, d’a ndaŋg maktubee ləm, d’a kunda nétorji dee dɔ’g ləma, d’a kɔr njékoo géeje ləm tɔ mee ɓee’g lə Bḛjamije gə looje gə́ gugu dɔ Jerusalem ləm, gə mee ɓee-booje gə́ Juda ləm, gə mee ɓee-booje gə́ dɔ mbal’g ləm, gə mee ɓee-booje gə́ ndag-loo’g ləma, gə mee ɓee-booje gə́ to par gə́ dɔkɔl ləm tɔ. Mbata ma Njesigənea̰ m’pana: M’a kar njé’g lə dee gə́ d’aw ɓee-ɓər’g lé tel ree ya.

Jeremi 33:13

Mee ɓee-booje gə́ dɔ mbal’g ləm, gə mee ɓee-booje gə́ ndag-loo’g ləm, gə mee ɓee-booje gə́ dɔkɔl ləm, gə mee ɓee’g lə Bḛjami gə looje gə́ gugu dɔ Jerusalem ləma, gə mee ɓee-booje gə́ Juda ləm tɔ lé badje d’a dəs gel ji njetura dee’g ya ɓəi. Njesigənea̰ ɓa pa bèe.

Jeremi 39:9

Nebujaradan, mbai dɔ njéŋgəmlooje wa deḛ gə́ d’isi mee ɓee-boo’g lé ləm, gə deḛ d’ya̰ rɔ dee d’aree ləma, gə ges koso-dəwje gə́ nai ləm tɔ lé gə́ ɓər aw sə dee Babilɔn.

Jeremi 52:27

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ. Bèe ɓa d’aw ne gə Judaje ɓee-ɓər gə́ əw gə ɓee lə dee.

Jeremi 52:28

Aa ooje, koso-dəwje gə́ Nebukadnesar wa dee aw sə dee ɓee-ɓər’g lé ɓa nee: Jibje d’as tɔl-dɔg-loo-munda gə dɔ dee rɔ-joo-gir-dee-munda (3.023) mee ləb gə́ njekɔm’g siri.

Jeremi 52:30

Ləb ko̰ɓee lə Nebukadnesar gə́ njekɔm’g rɔ-joo-giree-munda lé Nebujaradan, mbai dɔ njéŋgəmlooje wa Jibje tɔl-siri gə dɔ dee rɔ-sɔ-gir-dee-mi (745) aw sə dee. Bula lə dəwje lai as tɔl-dɔg-loo-sɔ gə dɔ dee tɔl-misa̰ (4.600).

Nɔ̰-ndôo gə́ wɔji dɔ Jerusalem 1:3

Judaje d’aw ɓee-ɓər’g Ar dee d’ula kəm dee ndòo ləm, D’ɔm boo-kula ɓər dɔ dee’g ləm tɔ, Deḛ d’isi keneŋ mbuna ginkoji dəwje gə́ raŋg’g Nɛ deḛ d’iŋga loo-si lɔm el. Deḛ lai gə́ to njékula kəm dee ndooje lé D’uba dee naŋg bus gə boo-néurtije.

Jakari 7:7

See seḭ gərje ta néje gə́ Njesigənea̰ pa gə ndu njéteggintaje gə́ dɔtar loo gə́ dəwje d’isi gə meekulɔm mee ɓee gə́ Jerusalem ləm, gə mee ɓeeje gə́ gugu dəa sub ləm, gə loo gə́ par gə́ dɔkɔl ləma, gə ndag-loo’g ləm tɔ lé el wa.

Tel tura Godndu 28:15

Nɛ ɓó lé seḭ ilaje koji dɔ torndu Njesigənea̰ Ala’g lə sí el ləm, ɓó lé seḭ aaje dɔ ndukunje ləa gə godndiaje lai gə́ ma m’un m’ar sí ɓogənè el ləm tɔ ndá, aa ooje, ndɔlje gə́ d’a kwa dɔ sí ɓa to nee:

Tel tura Godndu 28:52

D’a kaḭ dɔ sí tarəwkɔgje’g lə sí lai gə rɔ saar kar ndògo-bɔrɔje lə sí təd, ndògo-bɔrɔje neelé gə́ ŋgal gə́ siŋga dee to yaa̰ gə́ seḭ ɔmje meḛ sí dɔ dee’g dɔ naŋg ɓee’g lə sí lai, d’a kaḭ dɔ sí tarəwkɔgje’g lə sí lai mee ɓeeje lai gə́ Ala lə sí gə́ Njesigənea̰ ar sí lé.

Jujé 18:5

D’a kaiyee dana loo siri, Judaje lé ŋgaŋ loo-si lə dee a to par gə́ dɔkɔl ləm, gel-bɔje lə Jisəb d’a si par gə́ dɔgel ləm tɔ.