Jeremi 13:18 - Maktub gə́ To gə Kəmee

¹⁸ Ula mbai gə kea̰je pana: Rəmje síje naŋg Mbata dɔgugu-mbai gə́ to néɗɔi-rɔ sí lé oso naŋg.

Jeremi 13:18 Iomraidhean Croise

2 Mbaije 24:12

Yen ɓa Jojakḭ, mbai gə́ Juda lé teḛ aw rɔ mbai gə́ Babilɔn’g, yeḛ gə kea̰je ləm, gə kuraje ləa ləm, gə mbaije ləa ləma, gə njékulaje ləa gə́ boo-boo ləm tɔ. Ndá mbai gə́ Babilɔn wa dee ɓər mee ləb ko̰ɓee ləa gə́ njekɔm’g jinaijoo lé.

2 Mbaije 24:15

Yeḛ aw gə Jojakḭ Babilɔn, ko̰ mbai ləm, gə denéje lə mbai ləm, gə njékulaje ləa gə́ boo-boo ləma, gə dəwje gə́ boo-boo gə́ mee ɓee’g ləm tɔ lé yeḛ wa dee gə́ ɓər Jerusalem aw sə dee Babilɔn tɔ.

2 Sôrta Gḭka Israɛlje 33:12

Loo gə́ yeḛ si dan némeeko̰’g ndá yeḛ ra ndòo rɔ Njesigənea̰ Ala’g ləa, tɔɓəi yeḛ oso kul riba dɔ rəa pərəg no̰ Ala’g lé lə bɔbeeje-je.

2 Sôrta Gḭka Israɛlje 33:19

Tamaji ra ləa gə tel gə́ Ala tel ilá keneŋ, gə kaiyaje ləa gə kaltaje ləa, gə dɔ looje gə́ ndəw gə́ yeḛ unda dee ar magəje gə néndajije gə́ tɔl dee kédé ɓa yeḛ oso ne kul ɓəi lé ndaŋg taree mee maktub’g lə Hojai.

2 Sôrta Gḭka Israɛlje 33:23

Yeḛ oso kul no̰ Njesigənea̰’g to gə́ bɔbeeje Manasə oso bèe el mbata Amo̰ lé ar ta wa ne dəa gə́ kédé-kédé.

Teḛ-Raga 10:3

Moyis gə Aaro̰ d’aw rɔ Parao̰’g d’ulá pana: Njesigənea̰ gə́ to Ala lə Ǝbrəje lé pa togə́bè pana: See ndɔ gə́ ra ɓa i a kəw rɔi mbad koso kul no̰ neḛ’g lé wa. Ya̰ dəwje lə neḛ ar dee d’aw gə mba kar dee d’aw pole neḛ.

Teḛ-Raga 39:28

gə dɔgugu gə́ deḛ ra gə kubu gə́ ra gə kúla palégal ləm, gə jɔgje gə́ ra gə kubu gə́ d’ṵji gə kúla palégal mba kar dee ndaŋg ne mèr ləm tɔ, kubu bulaa lé deḛ ra gə kubu gə́ d’ṵji gə kúla palégal gə́ to kubu palégal gə́ sorè,

Gosota-Kəmkàrje 27:24

Mbata nébao a to gə no̰ el ləm, Dɔgugu-mbai kara a to saar-saar gə no̰ el ləm tɔ.

Esai 3:20

Gə mbɔrje, gə mər-larje ləm, gə ndar kwa ɓər ləm, Gə laya̰ ləm, gə gajije ləm,

Esai 3:26

Denéje d’a no̰ kwa ne ndòo yoo tarəwkɔgje gə́ Sio̰, Némajije d’a godo rɔ dee’g ndá d’a si naŋg kari ba.

Esai 47:1

Gə́ rəm si naŋg dan babur’g I ɓee gə́ Babilɔn Gə́ kédé to asəna gə ŋgoma̰də bèe! Gə́ rəm si dɔ naŋg’d lal kalimbai, I ɓee gə́ Kalde Gə́ to asəna gə ŋgon dené lé tɔ. D’a kooi asəna gə ŋgoma̰də Gə́ ma̰də yaa̰ gə njekərkəmloo el ŋga.

Jeremi 22:24

Njesigənea̰ pana: Neḛ n’to njesikəmba, lé i Jekonia, ŋgolə Jojakim, mbai gə́ Juda to gə́ ŋgama gə́ jikɔl neḛ’g ya kara n’a kɔree gə́ léegəneeya.

Jeremi 22:26

N’a kuni-i gə kɔinje gə́ njekojii kaw kɔm sí ɓee gə́ raŋg gə́ to ɓee-koji sí el ndá lé nee ɓa seḭ a kwəije keneŋ.

Jeremi 29:2

loo gə́ Jekonia, mbai ləm, gə kea̰je ləm, gə njéko̰ɓeeje ləm, gə mbaije gə́ Juda gə Jerusalem ləma, gə njéra-kula-kagje gə njéra lar-kudu-takəije ləm tɔ lé d’unda loo mee ɓee gə́ Jerusalem teḛ mba̰ lé.

Jeremi 36:16

Loo gə́ dee d’oo taje lai gə́ yeḛ tura lé ndá deḛ d’aa kəm na̰ kɔbərɔ-kɔbərɔ gə ɓəl, tɔɓəi d’ula Baruk pana: Jeḛ lé j’a ndajije taje nee lai kar mbai lé oo.

Nɔ̰-ndôo gə́ wɔji dɔ Jerusalem 1:6

Rɔnduba lə ɓee-boo gə́ Sio̰ godo, Mbaije ləa lé to d’asəna gə arkasje Gə́ d’iŋga nésɔ dee el bèe ləm, Deḛ d’aḭ lal siŋga dee No̰ dəw gə́ aw tuba dee lé ləm tɔ.

Nɔ̰-ndôo gə́ wɔji dɔ Jerusalem 1:9

Yiro wa kubu gə́ rɔ dee’g Aree mina̰ jɔmri-jɔmri ləm, Deḛ d’ə̰ji dɔ né gə́ a teḛ dɔ dee’g el ləm, Koso gə́ deḛ d’oso lé Ar kaar dee wa dee ne paḭ ləm, Dəw kára kara gə́ njegɔl dee godo ləm tɔ. Ǝi Njesigənea̰, maji kari oo kəm sí loo to ndòo’g ya! Ti-rɔ lə njeba̰ lé Ḭ dɔ maree’d gə́ kédé-kédé.

Nɔ̰-ndôo gə́ wɔji dɔ Jerusalem 2:10

Ŋgatɔgje lə ŋgoma̰də gə́ Sio̰ lé D’isi dɔ mundu, Deḛ tuga kor d’ɔm dɔ dee’g ləm, Deḛ d’ula kubu-kwa-ndòo ɓa rɔ dee’g ləm tɔ, Ŋgama̰dje gə́ Jerusalem lai lé D’ula dɔ dee naŋg.

Nɔ̰-ndôo gə́ wɔji dɔ Jerusalem 5:16

Dəwje d’oo sí gə́ né kəm dee’g el ləm! Némeeko̰ gə ban ɓa bèe wa! Mbata jeḛ n’raje kaiya ya.

Ejekel 16:12

n’ula ŋgama əmi’g ləm, n’tula némbi mbii’g ləma, n’ula dɔgugu gə́ maji dum dɔi’g ləm tɔ.

Ejekel 21:26

Mbata mbai gə́ Babilɔn aar tɔ-rəwje’g, ta tɔ-rəwje gə́ joo’g lé mba ra né gə́ wɔji dɔ ndo̰ ər, yeḛ yəg ɓandaŋgje ləm, yeḛ dəji magəje ləma, yeḛ tən wur-ndul daje ləm tɔ.

Ejekel 24:17

Maji kari tuma̰ məəi’g ɓó wa ndòo yoo el ləm, ula jɔg dɔi’g ləm, ula né gɔli’g ləm, o̰ mbaitai gə né el ləma, o̰ muru lə njé gə́ raŋg el ləm tɔ.

Ejekel 24:23

jɔg lə sí a to dɔ sí’g ya ləm, négɔlje lə sí a to gɔl sí’g ya ləm, seḭ a kwaje ndòo yoo el ləma, seḭ a no̰je el ləm tɔ. Nɛ seḭ a kundaje ndolè mbata néra majelje lə sí ləm, seḭ a tuma̰je ŋgururu-ŋgururu mbuna na̰’g ləm tɔ.

Ejekel 44:18

D’a kula jɔg gə́ d’ṵji gə kúla palégal dɔ dee’g ləm, d’a kula njalaŋ gə́ d’ṵji gə kúla palégal kudu dee’g ləm tɔ, d’a kula né gə́ a kar rɔ dee təd lé rɔ dee’g el.

Loo gə́ killa rea kəm Daniel’g 5:20

Nɛ loo gə́ yeḛ unda dəa tar ra ne dɔkədərə beelé ne dɔ néreaje’g ndá d’unee dɔ kalimbai’g ləa d’undá naŋg ləm, d’ɔr rɔnduba dəa’g ləm tɔ.

Junas 3:6

Ta neelé aw saar oso mbi mbai gə́ Ninibə’g pad ndá yeḛ ḭ dɔ kalimbai’g ləa, ɔr kubu ləa gə́ boi yul lé rəa’g ya̰ ula kubu-kwa-ndòo rəa’g rəm si ne dan bu’g gə kəmndoo.

Matiyo 18:4

Togə́bè ɓa nana ɓa gə́ a kula dəa asəna gə ŋgon gə́ gɔ neelé ndá yeḛ neelé a to njekur dɔ maree’g mee ɓeeko̰ gə́ dara ya.

Maktub gə́ Jak ula ne ar ngan-Allaje 4:10

Osoje kul no̰ Mbaidɔmbaije’g ndá yeḛ nja a kun sí kuru sí tar jigiri ɓəi.

1 Piɛrə 5:6

Ulaje dɔ sí meḛ ji siŋgamoŋ’d lə Ala mba karee un sí ur sí tar mee ndəa’g neelé.