Jeremi 13:16 - Maktub gə́ To gə Kəmee

¹⁶ Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 13:16 Iomraidhean Croise

Maktub gə́ wɔji dɔ Jɔb 3:5

Maji kar loo gə́ ndul njudu-njudu təa lai gə́ kea̰-yeḛ ləm, Maji kar mum on dəa ləma, Maji kar néɓəl gə́ on kəm kàr lé aree ɓəl ndəb pəd-pəd ləm tɔ.

Pakɔsje 107:10

Deḛ gə́ d’isi dan loo gə́ ndul’g Gə d’isi ta yoo’g lé Deḛ to ɓərje gə́ d’isi dan nékəmndooje’g gə kúla lar gwɔb dee’g

Pakɔsje 107:14

Yeḛ nja ɓa ɔr dee dan loo gə́ ndul’g gə ta yoo’g ləm, Kula gə́ tɔ dee ne lé Yeḛ gaŋg gwɔb dee’g ya ləm tɔ.

Pakɔsje 29:2

Ulaje rɔnduba dɔ ri Njesigənea̰’g! Néje gə́ bə̰dərə bə̰ gə́ to gə kəmee doi lé Reeje ne undaje ne barmba nea̰’g wáje ne meḛ sí’g.

Pakɔsje 44:19

Meḛ sí ɔs səi ŋgwɔḭ el ləm, Gɔl sí kara uba rəw ləi ya̰ gə goo ŋgalee el ləm tɔ

Teḛ-Raga 10:21

Njesigənea̰ ula Moyis pana: Ula jii par gə́ dara, tɔɓəi maji kar loondul gə́ ndul njudu-njudu dəb dɔ ɓee gə́ Ejiptə’g, loondul neelé dəw a kaskəm kɔrɔ gə jia ya.

Gosota-Kəmkàrje 4:19

Rəw-kaw njémeeyèrje lé To asəna gə loo ndul gə́ ndul njudu-njudu, Deḛ d’oo né gə́ a gə kun gɔl dee Kar dee d’oso lé el.

Njekillamber 11:8

Bèe ndá ɓó lé dəw kára si kəmba ləbje bula ndá maji karee al rəa mee ləbje gə́ bula’g lai neelé. Nɛ maji karee ə̰ji dɔ ndɔje gə́ loondul a dəb dɔ dee’d gə́ d’a gə bula lé tɔ, néje lai gə́ d’a gə ree lé to néje gə́ gə mḭdé ba ya.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Esai 59:10

Jeḛ mamje loo to gə́ njékəmtɔje Gə́ mam loo kaar ndògo’g bèe ləm, Jeḛ mamje loo to gə́ dəwje gə́ kəm dee godo bèe ləm tɔ, Loo gə́ kàr aar daŋdɔ lé Jeḛ n’tosoje godə loo’g asəna gə dəw gə́ aw loondul’g bèe ləm, Dan nékiŋgaje gə́ bèdèg lé Jeḛ n’toje j’asəna gə yoo-dəwje keneŋ ləm tɔ.

Esai 59:9

Gelee gə́ nee ɓa ndukun gə́ ka̰ kɔr ta dɔ sí’g lé Nai ne əw sə sí ləm, Kaji kara tibi mbɔr sí el ləm tɔ, Jeḛ ŋginaje lookàr gə́ ndogó jol-jol Nɛ loo gə́ ndul njudu-njudu ɓa jeḛ njaaje keneŋ.

Esai 60:2

Aa ooje, loondul dəb rigim dɔ naŋg nee ləm, Loo gə́ ndul njudu-njudu dəb dɔ koso-dəwje’g ləm tɔ, Nɛ i lé lookàr lə Njesigənea̰ nduba dɔi’g ləm, Rɔnduba ləa ndogó dɔi’g ləm tɔ.

Esai 8:22

Tɔɓəi d’a tel kəm dee kaa ne loo gə́ naŋg Ndá aa ooje, nékəmndoo, gə loondul, gə néurti gə́ al dɔ loo sula d’a to keneŋ Bèe ɓa néje neelé d’a kɔs dee kar dee d’isi dan loo gə́ ndul njudu-njudu’g.

Jeremi 14:19

Njesigənea̰, See i uba Juda yá̰ ŋga wa. See i ə̰ji Sio̰ bəḭ-bəḭ wa. See gelee ban ɓa i ula kəm sí ndòo Ar sí j’iŋgaje doo gə́ lal kər wa. Jeḛ j’undaje meḛ sí yel Dɔ kiŋga meelɔm’g Nɛ aa oo, nérɔlel kára kara Teḛ keneŋ el ləm, Meḛ sí to yel mba kaji Nɛ aa oo, ɓəl-boo ɓa teḛ ləm tɔ.

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Jeremi 23:12

Gelee gə́ nee ɓa Rəw-kaw dee a kaḭgəm ləm, A ndul ndiŋ-ndiŋ ləm tɔ. D’a tɔs dee tila dee, Mbata n’a kar némeeko̰ teḛ dɔ dee’g Mee ləb gə́ n’a kar bo̰ néra dee Ɔs ta dee’g keneŋ lé. Njesigənea̰ ɓa pa bèe.

Jeremi 4:23

Ma m’aa naŋg gərərə Ndá aa oo, naŋg nee to kari ba Ar né kára kara godo keneŋ, M’aa dara kara néndogó ləa sané pa.

Jeremi 50:6

Koso-dəwje ləm tɔ koso-badje lé ndəm d’igi, Njékul deeje d’ar dee ndəm ləm, D’ar dee d’ila rima-rima Mbuna mbalje’g ləm tɔ. Deḛ d’ḭ dɔ mbalje’g d’aw dɔdərlooje’g D’ar meḛ dee wəi sel Dɔ loo-kaar deeje’g.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Jeremi 8:15

Jeḛ j’undaje meḛ sí yel Mba kiŋga meelɔm, Nɛ nérɔlel kára kara ree el, Jeḛ j’undaje meḛ sí yel dɔ kaji’g, Nɛ né gə́ to ɓəl kədm-kədm ɓa teḛ!

Nɔ̰-ndôo gə́ wɔji dɔ Jerusalem 4:17

Kəm sí lé wa kor kor-kor ya ɓəi Ar sí j’isi ŋginaje ne njela sə sí kərm Nɛ jeḛ ŋginaje pi. Jeḛ n’telje kəm sí lai gə meekundayel Par gə́ rɔ ginkoji dəwje gə́ raŋg kára’g Nɛ deḛ ree taa dɔ sí el tɔ.

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Ejekel 34:12

To gə́ njekulbadje tən ne badje ləa soo-soo loo gə́ yeḛ aar mbuna badje’g ləa lé, togə́bè ɓa neḛ kara n’a tel tən dəwje lə neḛ gə́ sanéna̰ ləm, n’a mbo̰ dee gə looje lai gə́ deḛ sanéna̰ keneŋ mee ndəa gə́ mum oso əsé loo dəb bigim lé ləm tɔ.

Ejekel 36:15

N’a kari oo ta rɔkulje gə́ ginkoji dəwje gə raŋg pa ne səi el ləm, koso-dəwje d’a kila rɔkul-boo dɔi’g el ləm tɔ, i a tuji ginkoji dəwje ləi el ŋga, Mbaidɔmbaije gə́ Njesigənea̰ ɓa pa bèe.

Joɛl 2:2

To ndɔ ka̰ loo gə́ ndul njudu-njudu Gə loo gə́ dəb bigim ləm, To ndɔ gə́ mum a koso ləm Ndi a kḭ loḭ-loḭ ləm tɔ. Yee ree asəna gə kàr gə́ uba kuji’d Gə́ ar loo àr dɔ mbalje’g bèe. Aa ooje, ginkoji dəwje gə́ bula digi-digi Gə́ to njésiŋgamoŋje Gə́ dəw oo gar dee kédé el ləm, D’a koo gar dee gə́ togə́bè gogo nda̰ el ləm tɔ.

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Amɔs 5:18

Meeko̰ a koso dɔ deḛ gə́ ndiŋga ndɔ lə Njesigənea̰. See ɗi ɓa meḛ sí to yel gə mba kiŋga mee ndɔ’g lə Njesigənea̰ lé wa. Ndɔ neelé loo a ndul kɔl-kɔl keneŋ ɓó lookàr a to el.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Tagə́maji gə́ Ja̰ ndang 12:35

Jeju ila dee keneŋ pana: Lookàr lé nai sə sí waga bəl ɓəi. Njaaje awje gə goo kàr gə mba kar loondul dəb dɔ sí’g gə rəw el. Dəw gə́ njaa dan loondul gə́ ndul njudu-njudu’g lé yeḛ gər loo gə́ yeḛ si aw gə́ keneŋ el.

Jujé 7:19

Juje ula Akan pana: Ŋgonəm, ula rɔnduba dɔ Njesigənea̰, Ala lə Israɛlje’g ləm, ila riɓar dəa’g ləm tɔ. Tɔɓəi ulam né gə́ i ra ɓó iya səm dəa el.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.

1 Samel 6:5

Maji kar sí raje néndajije gə́ to tana gə nékubaje lə sí ləm, gə yəgje gə́ njétuji ɓeeje lə sí ləm tɔ ndá ulaje ne rɔnduba dɔ Ala lə Israɛlje’g lé. Dɔmaji-nà yeḛ a kun jia gə́ wɔi ndiŋ-ndiŋ lé dɔ sí’g gə́ raŋg ləm, gə dɔ magəje’g lə sí ləma, gə dɔ ɓee’g lə sí ləm tɔ.