Jeremi 13:14 - Maktub gə́ To gə Kəmee

¹⁴ Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Jeremi 13:14 Iomraidhean Croise

2 Sôrta Gḭka Israɛlje 20:23

Amo̰je gə́ Moabje d’ḭ d’ur dɔ njé gə́ dɔ mbal gə́ Seir tuji dee pugudu-pugudu. Tɔɓəi loo gə́ deḛ d’unda ŋgaŋ tɔl njé gə́ Seir lé mba̰ ndá deḛ ya tel tɔl na̰ gə́ yo gə́ nee tɔ.

Maktub gə́ wɔji dɔ Jɔb 27:22

Ala un kəmee rəw dəa’g uree ne gə ɓandaŋg Ndá njemeeyèr ndiŋga rəa mba kaḭ taa rəa ta kandə ɓandaŋgje’g.

Pakɔsje 2:9

M’a təd dee rém-rém gə kag-lar ləm, M’a tɔ dee pɔs-pɔs to gə́ tɔ ne jo lə njékubajoje bèe ləm tɔ.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 15:5

I ɓee gə́ Jerusalem lé See na̰ ɓa a koo kəmtondoo ləi wa. See na̰ ɓa a no̰ nɔḭ wa. Esé see na̰ ɓa a kaw Gə mba dəji loo-si-maji ləi wa.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Jeremi 16:5

Mbata Njesigənea̰ pata togə́bè pana: A k’aw mee kəi-kwa-ndòo-yoo’g el ləm, a no̰ gə mán-no̰ kəm’g sii ne mbigi-mbigi sə dee el ləm tɔ, mbata koso-dəwje neelé neḛ n’a rəm gə meenoji lə neḛ gə meemaji lə neḛ gə meekɔrjol lə neḛ rɔ dee’g. Njesigənea̰ ɓa pa bèe.

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 25:16

D’a kai kaw jogè-jogè ndá d’a to kasəna gə mbəje loo gə́ d’a koo kiambas gə́ n’a gə kula mbuna dee’g lé.

Jeremi 47:3

Mbata kaa ŋgo gɔl kundaje ləa Gə́ siŋga dee to kɔgərɔ-kɔgərɔ Gə́ ɓar ləm, Gə mbata gir pusu-rɔje ləa Gə gir gɔl pusu-rɔje gə́ ɓar ləm tɔ, Ndá bɔ ŋganje d’ɔm rəd Gə́ dɔ ŋgan deeje’g el Mbata ji dee unda ndolé.

Jeremi 48:12

Gelee gə́ nee ɓa Njesigənea̰ pa ne pana: Aa ooje, ndɔje gə́ a gə ree lé m’a kula dəwje rəa’g kar dee ree d’unee mbélee mee jo gə́ raŋg’d. D’a kar mee joo ləa to kari ba ləm, d’a kar ku-jo ləa ndubu kum-kum ləm tɔ.

Jeremi 6:21

Gelee gə́ nee ɓa Njesigənea̰ pa ne pana: Aa ooje, m’a kar kɔr mbalje To no̰ koso-dəwje’g neelé Gə́ nétuga gɔl dee ya, Ndá bɔ ŋganje gə ŋgan deeje gə́ diŋgam ləm, Njéboataɓeeje gə baokuraje lə dee ləm D’a tuga gɔl dee keneŋ Ndá d’a kudu ne guduru.

Nɔ̰-ndôo gə́ wɔji dɔ Jerusalem 2:21

Ŋganje gə ɓugaje lai ya rogo naŋg dan rəw’g, Ŋganəmje gə́ ma̰də gə basa lé d’wəi yoo-kiambas tɔ, Ndɔ oŋg’g ləi lé i tɔl dee ləm, I goré gwɔs dee lal koo ne kəmtondoo lə dee ləm tɔ.

Ejekel 24:14

Neḛ Njesigənea̰ m’pata ndá né neelé a teḛ ya, n’a ra née ləm, n’a kya̰ gée el ləma, n’a koo kəmtondoo əsé n’a tel gə ndu neḛ el ləm tɔ. D’a gaŋg rəwta dɔi’g gə goo panjaai ləm, gə nérai ləm tɔ. Mbaidɔmbaije gə́ Njesigənea̰ ɓa pa bèe.

Ejekel 7:3

Ɓasinè rudee teḛ dɔ sí’g ŋga. N’a gə kila oŋg lə neḛ dɔ sí’g ləm, n’a gaŋgta dɔ sí’g gə goo rəw-kaw sí’g ləma, n’a kar ta néra síje lai gə́ mina̰ lé wa dɔ sí ləm tɔ.

Ejekel 7:4

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí el ləm tɔ. Nɛ n’a kar ta gə́ wɔji dɔ rəw-kaw sí wa dɔ sí ləm, néra sí gə́ mina̰ lé a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰ ya.

Ejekel 7:9

Kəm neḛ a kas ŋgɔgərɔ dɔ sí’g ləm, n’a koo kəmtondoo lə sí nda̰ el ləm, n’a kar ta gə́ wɔji dɔ rəw-kaw síje wa dɔ sí ləma, néra síje gə́ mina̰ a to mbuna sí’g ləm tɔ. Yee ɓa seḭ a gərje ne to gə́ neḛ n’to Njesigənea̰, yeḛ gə́ njekunda sí lé.

Ejekel 8:18

Neḛ kara n’a ra né gə goo boo-oŋg ləm, kəm neḛ a kas ŋgɔgərɔ dɔ dee’g ləma, n’a koo kəmtondoo lə dee nda̰ el ləm tɔ. Loo gə́ d’a no̰ wəl mbi neḛ’g kara n’a kun mbi neḛ rəw dɔ’g ya tɔ.

Ejekel 9:10

Neḛ kara n’a kar kəm neḛ kas ŋgɔgərɔ dɔ dee’g ləm, n’a koo kəmtondoo lə dee el ləm tɔ, n’a kar ta néra dee tel wa dɔ dee.

Ejekel 9:5

Yeḛ ula njé gə́ raŋg ta aree oso mbim’g pana: Awje gée’g mee ɓee-boo’g aw tɔlje dəwje ya. Arje kəm sí kas ŋgɔgərɔ dɔ dee’g ɓó ooje kəmtondoo lə dee el.

Ojee 2:4

Njesigənea̰ pana: Maji kar sí no̰je ilaje ne ta dɔ ko̰ síje’g Mbata yeḛ to dené lə neḛ el ŋga ləm, Neḛ kara n’to ŋgabeeje el ŋga ləm tɔ! Maji karee tuji ndaji néra kaiya-dené gə́ to kəmee’g ləm, Gə tuji ndaji némɔdkaiyaje gə́ Karee’g lé ləm tɔ.

Jakari 11:6

Mbata n’a koo kəmtondoo lə dəwje gə́ mee ɓee’g neelé el ŋga, Njesigənea̰ ɓa pa bèe. Nɛ aa ooje, n’a kya̰ dee ji na̰’d gə́ yo gə́ nee ləm, n’a kya̰ na̰ na̰ kara ji mbai’g ləa-ləa ləm tɔ. D’a tuji ɓee neelé nɛ n’a taa dəw kára kara ji dee’g el.

Matiyo 10:21

Noji na̰je gə́ diŋgam d’a tuji na̰ gə yoo ləm, bɔ ŋgon deḛ gə ŋgonee d’a ra bèe ləma, ŋganje kara d’a kḭ dɔ njékoji deeje’g gə mba tɔl dee ləm tɔ.

Mark 13:12

Dəw nja a kḭ kwa ŋgokea̰ kulá loo-yoo’g ləm, bɔ ŋgon a ra gə ŋgonee togə́bè ləma, ŋganje d’a kḭ kula njékoji deeje loo-yoo’g ləm tɔ.

Tel tura Godndu 29:20

Njesigənea̰ a kɔr kəmee kundá ɓəd mbuna ginkoji Israɛlje’g lai kar némeeko̰ teḛ dəa’g gə goo ta ndɔlje lai gə́ ka̰ manrɔ gə́ ndaŋg taree mee maktub godndu’g lé ya.

1 Samel 14:16

Njéŋgəmlooje lə Sawul gə́ d’isi Gibea lə Bḛjamije lé d’aa loo ndá d’oo to gə́ koso-dəwje d’ḭ sanéna̰ d’aw yo gə́ nee.