Jeremi 12:8 - Maktub gə́ To gə Kəmee

⁸ Nédɔjije ləm lé tel to d’asəna Gə toboḭ gə́ si mee kag-kɔr’g No̰ komam né, Yee ɓa ma m’tel m’ə̰ji dee ne bəḭ-bəḭ gə mbəa.

Jeremi 12:8 Iomraidhean Croise

Esai 59:13

Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Jeremi 2:15

Ŋgan toboḭje d’inja miḭ Ra ne hər-hər dɔ dee’g, Deḛ d’ar ɓee lə dee to dɔ nduba, Ɓee-booje lə dee roo dula-dula Ar dəw kára kara ra ɓee keneŋ el.

Jeremi 51:38

D’a kinja miḭ na̰’d hər-hər to gə́ toboḭje bèe ləm, D’a ra né hər-hər to gə́ ŋgan toboḭje bèe ləm tɔ.

Ejekel 23:18

Néra kaiya-dené ləa lé to raga pai-pai, yeḛ ya̰ kudee dum, bèe ɓa mee neḛ tel ndigee el to gə́ mee neḛ tel ndigi ne ŋgokea̰ gə́ dené el lé bèe tɔ.

Ojee 9:15

Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Amɔs 6:8

Mbaidɔmbaije gə́ Njesigənea̰ lé Maa̰ rəa gə ria-yeḛ nja, Njesigənea̰, Ala gə́ njeboo-néje lé ɓa pa bèe pana: Beelé lə Jakob lé to kḛji kəm neḛ’g ləm, Kəi-mbaije ləa kara neḛ n’ə̰ji bəḭ-bəḭ ləm tɔ, Togə́bè ɓa n’a kila ɓee neelé Gə néje lai gə́ to keneŋ lé ji njéba̰je’g lə dee tɔ.

Misee 2:8

Mee ndɔje gə́ kédé lé Seḭ telje rɔ sí gə́ njéba̰je lə koso-dəwje lə neḛ bèe: Seḭ ɔrje kubu gə́ boi yul gə́ dɔ maree’g Rɔ deḛ gə́ d’ḭ loo-rɔ’g ree dəs gə meekulɔm lé.

Jakari 11:8

Ma m’tɔb njékulbadje munda mee naḭ gə́ kára ba ya. Rɔm asm dɔ dee’g ləm, deḛ ya kara d’ḛjim bəḭ-bəḭ ləm tɔ.