Jeremi 12:6 - Maktub gə́ To gə Kəmee

⁶ Mbata ŋgakɔḭje gə njémeekəije lə bɔbije ya kara d’un dɔi ləm, deḛ ra né gooi’g wəl-wəl ləm tɔ, lé d’a gə kulai ta gə ndu gwɔs noji ya kara maji kari ndigi sə dee el.

Jeremi 12:6 Iomraidhean Croise

Maktub gə́ wɔji dɔ Jɔb 6:15

Ŋgakɔmje to njésukəmje to gə́ kəm-rəw-mán gə́ tudu kurum-kurum Gə́ ər dəw bèe,

Pakɔsje 12:2

Ǝi Njesigənea̰, gə́ ree la sə sí! Njémeemajije d’isi sané pá ləm, Majikojije d’udu mbuna dəwje’g ləm tɔ.

Pakɔsje 12:3

Taŋgɔmje ɓa d’ula na̰ mbuna na̰’g wɔr-wɔr ləm, Ta gə́ ta dee’g ɓa deḛ lèbè ne kəm na̰ ləma, Deḛ pata gə meḛ dee gə́ joo ləm tɔ.

Pakɔsje 69:8

Mbata rii-i nja ɓa dəwje tajim ne D’ar rɔkulee lé nai ne dɔm’g.

Gosota-Kəmkàrje 23:8

I a tɔmé né gə́ lam gə́ i sɔ mba̰ lé ləm, Taje ləi gə́ rii gə́ i pa lé d’a tel to né gə́ kari ba ləm tɔ.

Gosota-Kəmkàrje 26:25

Loo gə́ yeḛ pata gə ndia gə́ kul yururu lé Ɔm məəi dɔ’g el, Mbata néje gə́ mina̰ siri to mée’g.

Esai 31:4

Mbata Njesigənea̰ ulam ta togə́bè pana: To gə́ toboḭ əsé ŋgon toboḭ inja miḭ dɔ nékwa’g ləa lé Lé njékulbadje bula mbo̰ dɔ na̰ d’oma̰ səa kara Yee ɓəl dee gə goo ndu dee gə́ ɓar u-u-u el ləm, Ar rəa wəi njururu gə goo bula lə dee el ləm tɔ, Togə́bè Njesigənea̰ gə́ njeboo-néje kara a kḭ ree Mba rɔ dɔ mbal gə́ Sio̰ ləm, gə dɔdərloo gə́ wɔji dəa ləm tɔ.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Jeremi 9:2

D’ɔr ndo̰ dee to gə́ kandə ɓandaŋg Gə́ d’ɔr léréré mba pa ne taŋgɔm, Kankəmta ɓa ar dee to ne gə́ njésiŋgamoŋje mee ɓee’g el, Mbata deḛ njaa dan meeyèr’g lə dee Gə́ kédé-kédé ləm, Deḛ gərm el ləm tɔ, Njesigənea̰ ɓa pa bèe.

Jeremi 9:3

Maji kar nana kara unda kəmkàr dɔ rəa’g Rɔ baokura’g ləa ləm, Maji kar dəw ɔm mée Dɔ ŋgokea̰’g kára kara el ləm tɔ, Mbata ŋgako̰ na̰je lai saŋg loo su kəm na̰ ləm, Baokuraje lə na̰ lai To gə́ njétəd ta kunda ta na̰’dje ləm tɔ.

Jeremi 9:4

Nana kara su kəm maree-maree ləm, Deḛ pa kankəmta kára kara el ləm, Taŋgɔm ɓa gə́ kula ra ndo̰ dee ləma, Deḛ d’ula rɔ dee mbiriri dan néra gə́ majel’g ndá D’askəm tel ree rɔm’g gogo el.

Jeremi 9:5

Njesigənea̰ pana: Loo-sii to dan néŋgɔmje’g ləm, Gə goo néŋgɔmje ɓa Deḛ mbad gərm ne ləm tɔ.

Matiyo 10:21

Noji na̰je gə́ diŋgam d’a tuji na̰ gə yoo ləm, bɔ ŋgon deḛ gə ŋgonee d’a ra bèe ləma, ŋganje kara d’a kḭ dɔ njékoji deeje’g gə mba tɔl dee ləm tɔ.

Mark 12:12

Deḛ saŋg rəw kwá mbata deḛ gər gao, ta gə́ Jeju pa lé wɔji dɔ dee-deḛ ya, nɛ deḛ ɓəl boo-dəwje gə́ d’aar keneŋ. Togə́bè deḛ d’ubá d’yá̰ d’ɔd d’aw.

Tagə́maji gə́ Ja̰ ndang 7:5

Mbata ŋgakea̰je neelé d’ɔm meḛ dee dəa’g el.

Néra Njékaḭkulaje 16:22

Koso-dəwje kara d’ḭ ɓugu na̰ dɔ dee’g tɔ ndá njégaŋ-rəwtaje twa kubuje lə dee rɔ dee’g hao̰-hao̰ til, tɔɓəi d’un ndu dee gə mba kar dee kunda dee gə ndəi-kɔb.

Néra Njékaḭkulaje 18:12

Mee ləb gə́ Galio̰ to ne njeguburuɓee gə́ Akai lé Jibje d’ḭ d’ɔm na̰’d téréré d’ḭ gə Pool d’wá d’aw səa loo-gaŋg-rəwta’g