Jeremi 12:5 - Maktub gə́ To gə Kəmee

⁵ Ɓó lé i aiŋgwɔd na̰’d Gə deḛ gə́ d’aḭ gə gɔl dee Ɓa deḛ dumi d’ari dao ne Ŋga see i a kaskəm koma̰ Gə njékundaje to gə́ ban wa. Esé ɓó lé mee ɓee gə́ to lɔm ya, I oo to gə́ i si ne lɔm el Ŋga see i a si maji mee wala’g Ta baa’d gə́ Jurdɛ̰ to gə́ ban wa.

Jeremi 12:5 Iomraidhean Croise

1 Sôrta Gḭka-Israɛlje 12:15

Deḛje nee ɓa to ginkoji Gadje gə́ to ɓé-njérɔje lé, yeḛ gə́ nai gɔ mbuna dee’g lé askəm kɔr rɔ kaw rɔ gə dəwje gə́ tɔl (100) kára ləm, yeḛ gə́ tɔg yaa̰ mbuna dee’g kara askəm kɔr rɔ kaw rɔ gə dəwje gə́ tɔl-dɔg (1.000) ləm tɔ.

Pakɔsje 42:7

Ŋgaw məəm lé təd mán ya, Gelee gə́ nee ɓa m’ə̰ji dɔi’g un gelee ɓee gə́ Jurdɛ̰ ləm, Un gelee mbal gə́ Hermo̰ Saar teḛ ne dɔ mbal gə́ Misəar ləm tɔ.

Gosota-Kəmkàrje 24:10

Ɓó lé i unda ndolé ndɔ néurti’g ndá Siŋgai to gə́ lam ba bèe.

Gosota-Kəmkàrje 3:11

Ŋgonəm, maji kari ə̰ji takwɔji-kəmkàr Le Njesigənea̰ lé bəḭ-bəḭ el ləm, Ar məəi ila kas bilim Loo gə́ yeḛ ndaŋgi dɔ néraije’g el ləm tɔ .

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 26:8

Loo gə́ Jeremi pata gə́ Njesigənea̰ ulá gə mba karee pa ar koso-dəwje lai ila naŋg ɗəgərə ndá njékinjanéməsje gə njéteggintaje gə koso-dəwje lai d’ubá d’wá pana: I a kwəi ya!

Jeremi 36:26

Mbai lé un ndia ar Jerameel, ŋgolə mbai ləm, gə Seraja, ŋgolə Asriel ləma, gə Selemia, ŋgolə Abdeel ləm tɔ mba kar dee d’wa Baruk, njendaji-maktub lə Jeremi gə Jeremi njetegginta lé. Nɛ Njesigənea̰ iya dee kág.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Jeremi 50:44

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ To gə́ toboḭ bèe. Léegəneeya m’a kɔs dee naŋg rad Tuba dee kar dee d’aḭ Ndá m’a kunda yeḛ gə́ ma nja m’ɔree toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa askəm kɔsm ŋgərəŋ wa.

Jujé 3:15

Naḭ kinja koje lai lé baa gə́ Jurdɛ̰ rusu koŋgo ruba raga pɔ-pɔ ya. Loo gə́ njékinjanéməsje gə́ to njékun sa̰duk manrɔje neelé teḛ ta baa’d gə́ Jurdɛ̰ d’ula gɔl dee mán kaar koŋgo’g ndá,

1 Piɛrə 4:12

Seḭ gə́ m’unda sí dan kəm’g lé némeeko̰ gə́ to asəna gə pər gə́ o̰ bilim-bilim gə́ a gə naa sí lé maji kar sí éeje asəna gə nékɔb gə́ a teḛ dɔ sí’g wai el.