Jeremi 12:4 - Maktub gə́ To gə Kəmee

⁴ See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 12:4 Iomraidhean Croise

Pakɔsje 107:34

Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Pakɔsje 50:21

Aa oo, né gə́ i ra ɓa nee ndá Neḛ m’pata dɔ’g el, I ə̰ji məəi’g pana: Neḛ n’to tana səi bèe ya, Nɛ n’a gə ndaŋgi dɔ’g kunda néje neelé kəmi’g ya kari oo tɔ.

Esai 24:4

Ɓee lé si dan ndòo’g ləm, Siŋgá godo ləm, Dəwje gə́ d’isi keneŋ d’unda ndolè ləm, Siŋga dee yɔ ləma, Mbaije lə koso-dəwje kara siŋga dee godo ləm tɔ.

Esai 24:6

Gelee gə́ nee ɓa ndɔl wa ne dɔ ɓee ləm, Dəwje gə́ d’isi keneŋ kara bo̰ néra kori-korije lə dee ɔs ne ta dee’g ləm tɔ, Gelee gə́ nee ɓa dəwje gə́ d’isi mee ɓee’g neelé d’udu ne Ar deḛ gə́ nai keneŋ lé nai ne jebəre ba bèe.

Jeremi 12:11

Deḛ d’aree tel to dɔdilaloo, Yee tel to loo ndòo ləm, Kəmee to ndòo nɔm’g ləm tɔ. Ɓee lai tuji pugudu, Mbata dəw kára kara gə́ njekḛji dɔ’g godo.

Jeremi 14:2

Judaje d’isi dan kwa-ndòo-yoo’g ləm, Ɓee-booje ləa d’unda ndolè ləm, D’isi dan meeko̰’g ləma, Deḛ tuji dee pugudu-pugudu ləm tɔ, Tɔɓəi ndu kii lə njé gə́ Jerusalem ɓar wəl.

Jeremi 23:10

Mbata mɔdkaiya ɓa Taa loo mee ɓee’g pəl-pəl, Kəm ɓee to ndòo Gə mbata lə ndɔl gə́ wa dəa, Loo-ko̰-muje lə nékulje Gə́ ndag-loo’g lé tudu kurum-kurum. Deḛ d’aiŋgwɔd mba ra né gə́ majel ləm, Siŋga dee to mbata néra gə́ yèr ya ba ləm tɔ.

Jeremi 4:25

M’aa loo ndá dəw kára kara godo, Yelje lai gə́ mee dara’g D’aḭ sanéna̰ kad-kad.

Jeremi 4:28

Gelee gə́ nee ɓa ɓee si ne dan kəmndooyoo’g ləm, Loo gə́ dara gə́ tar lé Ndul ne ndiŋ-ndiŋ ləm tɔ. Mbata ma m’pa taree ləm, M’wɔji məəm’g njaŋg ləm, M’a tel gə ndum dɔ’g el ləma, M’a kya̰ gée el ləm tɔ.

Jeremi 5:13

Njéteggintaje to d’asəna gə lel, To Ala ɓa wa dee pa ne ta el. Maji karee to togə́bè ya dɔ dee’g!

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Jeremi 9:9

Ma m’ndigi no̰ ndòo Tuma̰ ŋgururu-ŋgururu dɔ mbalje gə́ tar ləm, M’a kun pa no̰ ndòo ndag-loo gə́ to dɔdilaloo’g lé ləm tɔ, Mbata pər roo loo ləm, Dəw kára kara dəs keneŋ el ləma, D’oo ndu no̰ lə nékulje keneŋ el ləm tɔ, Yelje gə́ pə̰ dara’g, gə daje lai d’aḭ sané na̰ kad-kad.

Ojee 4:3

Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

Joɛl 1:18

Nékulje d’ula hè-hè ləm, Maŋg-kosoje d’ila mbir-mbir ləm tɔ Mbata mu sɔ dee godo. Badə-kosoje kara kəm dee to ndòo yaa̰ tɔ.

Amɔs 1:2

Amɔs pana: Ndu Njesigənea̰ ɓar asəna gə ndu no̰ lə toboḭ bèe mee Sio̰’g ləm, Ndia gə́ ɓar Jerusalem kara Yeḛ ar dee d’oo ləm tɔ. Bèe ɓa mu ko̰ badje gə́ njékul deeje d’aar keneŋ lé To dan nékəmndoo’g ləm, Dɔ sém mbal gə́ Karmel kara Tudu kurum-kurum ləm tɔ.

Habakuk 3:17

Mbata kag-kodé a pudu el ləm, Kag-nduú kara ka̰dee a godo ləm, Kandə kag-koiyo a godo ləma, D’a kiŋga nésɔje gə́ mee ndɔje’g el ləm tɔ. Badje d’a godo loo-kaar dee’g ləm, Maŋgje kara a koo dee loo-sɔ-né’g lə dee el ləm tɔ.

Jakari 1:12

Yen ŋga kura lə Njesigənea̰ lé un ta dəji pana: Njesigənea̰ gə́ njeboo-néje, see saar ndɔ gə́ ra ɓa i a lal koo kəmtondoo lə njé gə́ Jerusalem gə ɓee-booje gə́ Juda, dee gə́ i ar məəi ḭ səi jugugu dɔ dee’g as ləb rɔ-siri mba̰ lé wa.

Njé gə́ Rɔmə 8:22

Jeḛ n’gər gao, nékundaje lə Ala lé saar ɓasinè deḛ tuma̰ rɔ dee ŋgururu-ŋgururu asəna gə dené gə́ ndóo tée bèe.