Jeremi 12:15 - Maktub gə́ To gə Kəmee

¹⁵ Nɛ gée’g gogo loo gə́ n’ɔr dee mba̰ ndá n’a tel koo kəmtondoo lə dee gogo ləm, n’a tel gə nana kara gə́ dɔ nédɔji’g ləa-ləa, kar nana kara aw mee ɓee’g ləa-ləa ləm tɔ.

Jeremi 12:15 Iomraidhean Croise

Jeremi 16:15

Nɛ d’a pana: Njesigənea̰ to njesikəmba, yeḛ gə́ ar Israɛlje d’unda loo mee ɓee gə́ dɔgel gə ɓeeje lai gə́ yeḛ tuba dee ɔm dee keneŋ kédé lé! M’a tel sə dee mee ɓee’g lə dee gə́ m’ar bɔ deeje-je lé ya.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 29:14

M’a kya̰ loo kar sí iŋgamje ya. Njesigənea̰ ɓa pa bèe. M’a kar njé’g lə sí gə́ d’wa dee gə́ ɓərje lé tel ree ləm, m’a mbo̰ sí mbuna ginkoji dəwje gə raŋg’g lai gə looje lai gə́ m’tuba sí m’ɔm sí keneŋ ləm tɔ. Njesigənea̰ ɓa pa bèe. Ndá m’a tel sə sí ree sə sí loo gə́ d’wa sí keneŋ d’aw sə sí ɓee-ɓər’g lé.

Jeremi 3:12

Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Jeremi 48:47

Nɛ mee ndəa gə́ gogo ndá M’a tel gə Moabje Gə́ d’aw sə dee ɓee-ɓər’g lé Ree sə dee. Njesigənea̰ ɓa pa bèe. Yee nee ɓa gə́ ta gə́ gaŋg dɔ Moab’g ya.

Jeremi 49:39

Nɛ ndɔ gə́ gogo ndá M’a tel gə́ njé gə́ Elam Gə́ d’aw ɓee-ɓər’g lé ree sə dee, Njesigənea̰ ɓa pa bèe.

Jeremi 49:6

Nɛ gée gə́ gogo ndá m’a tel Gə Amo̰je gə́ d’wa dee ɓər lé ree sə dee. Njesigənea̰ ɓa pa bèe.

Loo gə́ killa rea kəm Daniel’g 11:4

Loo gə́ yeḛ a kḭ mba̰ ndá d’a təd siŋga ɓeeko̰ ləa rém-rém kunda kəmee dana kai kwɔji ne dɔ dɔkum naŋg gə́ sɔ. D’a kaiyee kar ŋgakeaje el ləm, siŋgá a kas gə yee gə́ kédé lé el ləm tɔ. Mbata d’a kunda kəm ɓeeko̰ ləa dana gaŋg ndá yee a tel to ka̰ njé gə́ raŋg ɓó ka̰ dee-deḛ el.

Amɔs 9:14

N’a tel gə koso-dəwje lə neḛ gə́ Israɛl Gə́ d’wa dee gə́ ɓərje lé ree sə dee ɓée ləm, Ɓeeje lə dee gə́ tuji ləw lé D’a tel ra gogo mba kisi keneŋ ləm, D’a ma̰a nduúje ndá d’a kai mán dee ləma, D’a ra loo-kamnaḭje ndá d’a sɔ kandə dee ləm tɔ.

Bula lə Israɛlje 32:18

J’a tel kaw mee kəije’g lə sí el saar gə mba kar Israɛlje lé nana kara a kiŋga loo gə́ wɔji dəa gə́ kea̰-yeḛ ya ɓa,

Néra Njékaḭkulaje 15:16

Gée gə́ gogo ndá n’a tel ree Ndá n’a kun kəi-kubu lə Dabid gə́ oso lé kuree tar lée gogo. N’a gɔl dɔ loo-tuji ləa kun kunda tar lée’g ɗaŋg,

Tel tura Godndu 3:20

saar gə mba kar Njesigənea̰ ar ŋgako̰ síje loo-kwa-rɔ dee to gə́ yeḛ ar sí ne seḭ bèe ləm ɓa, kar dee-deḛ kara taa ɓee gə́ Ala lə sí gə́ Njesigənea̰ ar dee kel tura-baa’d gə́ Jurdɛ̰ gə́ nu gə́ né ka̰ dee-deḛ lé bèe tɔ. Bèe ɓa seḭ a telje kawje kar nana kara a kaw loo-siée’d gə́ m’ar sí lé ɓəi.

Tel tura Godndu 30:3

Ala lə sí gə́ Njesigənea̰ a tel gə njé’g lə sí gə́ d’wa dee gə́ ɓər ləm, a ra sə sí meemaji ləma, yeḛ a tel mbo̰ sí dɔ na̰’d kar sí ḭje mbuna koso-dəwje’g lai gə́ Ala lə sí gə́ Njesigənea̰ sané sí mbuna dee’g lé ləm tɔ.