Jeremi 12:12 - Maktub gə́ To gə Kəmee

¹² Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 12:12 Iomraidhean Croise

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 57:21

Meekulɔm godo mbata lə njémeeyèrje, Ala ləm pa bèe.

Jeremi 15:2

Ɓó lé deḛ dəjim pana: See j’a kawje ra wa, Ndá m’a kila dee keneŋ pana: Njesigənea̰ pa togə́bè pana: Deḛ gə́ yoo-koso ɓa wɔji dɔ dee Ndá d’a kwəi yoo yoo-koso ya ləm, Deḛ gə́ kiambas ɓa wɔji dɔ dee Ndá d’a tɔl dee gə kiambas ya ləm, Deḛ gə́ yoo ɓoo-boo ɓa wɔji dɔ dee Ndá d’a kwəi yoo ɓoo-boo ya ləma, Deḛ gə́ ɓər ɓa wɔji dɔ dee Ndá d’a kwa dee ɓər ya ləm tɔ.

Jeremi 16:5

Mbata Njesigənea̰ pata togə́bè pana: A k’aw mee kəi-kwa-ndòo-yoo’g el ləm, a no̰ gə mán-no̰ kəm’g sii ne mbigi-mbigi sə dee el ləm tɔ, mbata koso-dəwje neelé neḛ n’a rəm gə meenoji lə neḛ gə meemaji lə neḛ gə meekɔrjol lə neḛ rɔ dee’g. Njesigənea̰ ɓa pa bèe.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 3:2

Unje kəm sí gə́ dɔ looje gə́ tar lé ooje! See loo gə́ ra ɓa lal to sə sí keneŋ wa. Seḭ síje mbɔr rəwje’g ŋgina deeje To gə́ Arabə si ne dɔdilaloo’g bèe. Bèe ɓa seḭ arje ɓee mina̰ ne Gə néra kəmnda lə sí ləm, Gə meeyèr lə sí ləm tɔ.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Jeremi 30:5

Njesigənea̰ pa togə́bè pana: Jeḛ j’oo ndu kii gə́ to ɓəl kədm-kədm, To néɓəl kədm-kədm ɓó To némeelɔm el.

Jeremi 34:17

Gelee gə́ nee ɓa Njesigənea̰ pa ne togə́bè pana: Kila gə́ nana kara ila mber kila ŋgokea̰ əsé maree tar lé seḭ ilaje ne ŋgonkoji dɔm’g el. Njesigənea̰ pana: Aa ooje, ma m’ila mber ta kila kiambas, gə yoo-koso, gə ɓoo-boo tar dɔ sí’g tɔɓəi m’a kar sí toje néɓəl mbata ɓeeko̰je lai dɔ naŋg nee tɔ.

Jeremi 4:27

Njesigənea̰ pa togə́bè pana: Ɓee bura a tel to dɔ nduba, Nɛ m’a tujee gə gelee bura el.

Jeremi 46:10

Ndɔ gə́ ɓogənè to ndɔ lə Mbaidɔmbaije, Njesigənea̰ gə́ njeboo-néje, Ndɔ neelé to ndɔ dalba̰, Areeje dal ne ba̰ gə njéba̰je ləa. Kiambas sɔ né aree asee nag-nag ləm, Yee ai məs dee ndan tub-tub ləm tɔ. Mbata deḛ to nékinjanéməsje Le Mbaidɔmbaije gə́ Njesigənea̰ gə́ njeboo-néje Mee ɓee gə́ dɔgel ləm, Gə dɔ koŋgo baa-boo gə́ Epratə ləm tɔ.

Jeremi 47:6

Ǝi! kiambas lə Njesigənea̰, See ndɔ gə́ ra ɓa i a kwa rɔi wa. Maji kari andə sɔli’g, Ǝw rɔi ndá to lɔm!

Jeremi 48:2

Rɔnduba lə Moab godo ŋga, Mee ɓee-boo gə́ Esbon lé D’wɔji-kwɔji tujee pana: Ar sí j’aw n’tujeeje pugudu Mbuna ginkoji dəwje gə raŋg’g! I ɓee-boo gə́ Madmḛ kara a kudu bo̰ tɔ. D’orè gooi gə kiambas ndəŋ.

Jeremi 8:15

Jeḛ j’undaje meḛ sí yel Mba kiŋga meelɔm, Nɛ nérɔlel kára kara ree el, Jeḛ j’undaje meḛ sí yel dɔ kaji’g, Nɛ né gə́ to ɓəl kədm-kədm ɓa teḛ!

Nɔ̰-ndôo gə́ wɔji dɔ Jerusalem 3:17

I ɔr meekulɔm ləm ləm, I ar rɔlel ləm kara godo ləm tɔ.

Ejekel 14:17

Esé ɓó lé neḛ n’ree gə kiambas n’wɔji ne dɔ ɓee neelé ləm, lé m’pana: Maji kar kiambas ta̰ mbuna ɓee neelé ləma, ɓó lé neḛ n’tuji dəwje gə daje mee ɓee’g neelé pugudu-pugudu ləm tɔ

Ejekel 21:28

Deḛ d’oo né neelé gə́ nékooje gə́ kari ba, deḛ gə́ manrɔ dee mba̰ lé. Nɛ yeḛ lé yeḛ ar mée olé dɔ néra kori-korije’g lə dee ndá d’a kwa dee kaw sə dee ɓee-ɓər’g ya.

Ejekel 21:4

Yen ŋga dəwje lai-lai d’a koo to gə́ neḛ Njesigənea̰ ɓa n’ula pər neelé ndá pər lé a kwəi nda̰ el.

Ejekel 21:8

A kula Israɛlje pana: Njesigənea̰ pata togə́bè pana: Aa ooje, n’aw sə sí gə ta, n’a kɔr kiambas lə neḛ sɔlee’g ndá n’a kar njéra nédanaje gə njémeeyèrje d’udu guduru dan sí’g.

Ejekel 21:9

To gə́ neḛ ndigi kar njéra nédanaje gə njémeeyèrje d’udu guduru mbuna sí’g ndá n’a kɔr kiambas lə neḛ sɔlee’g mba tɔl ne dəwje lai un kudee par gə́ dɔkɔl saar teḛ par gə́ dɔgel.

Ejekel 5:2

Yee gə́ loo kára lé m’a roo dan mee ɓee-boo’g loo gə́ ndɔ kaḭ dəa sub gə rɔ lé aw lée’g béréré mba̰, yee gə́ njekɔm’g loo joo lé m’a kodo kaw tḭja gə yiŋga gugu ne gir ɓee-boo lé sub, tɔɓəi yee gə́ njekɔm’g loo munda lé m’a sané dan lel’g ndá n’a kɔr kiambas korè ne gée.

Ləbije 26:33

M’a sané sí mbuna ginkoji dəwje gə raŋg’g, tɔɓəi m’a kar dee d’orè goo sí ndəŋ gə kiambas tɔ. Ɓee lə sí a to nduba ləm, ɓee-booje lə sí kara d’a tel to dɔdilalooje ləm tɔ.

Amɔs 9:4

Ɓó lé d’aw gə́ ɓərje ɓee lə njéba̰je lə dee lé Ndá lé neelé ɓa n’a kun ndu neḛ Kar kiambas tɔl dee keneŋ ləm, N’a kun kəm neḛ dɔ dee’g rəw Mba ra sə dee né gə́ majel ɓó né gə́ maji ɓa el ləm tɔ.

Soponi 2:12

Seḭ Etiopije kara N’a kar sí wəije yoo-kiambas tɔ.

Tel tura Godndu 32:42

Kiambas ləm a gaŋg dakasrɔ dee mbidi-mbidi ndá M’a kar kandə ɓandaŋgje ləm d’ai məs dee, Məs dee gə́ d’iŋga dooje ləm Gə ɓərje ləma, Gə yiŋga dɔ njéba̰je ləm lé ləm tɔ.

Loo gə́ killa rea kəm Ja̰’g 6:4

Ndá kunda-ndai teḛ raga. Njekubá lé d’un ndu dee d’aree gə mba karee ar meelɔm gə́ dɔ naŋg neelé udu bo̰ ləm, gə mba kar koso-dəwje gaŋg gwɔs na̰ ləm tɔ. D’aree kiambas gə́ boi pəmə tɔ.