Jeremi 11:7 - Maktub gə́ To gə Kəmee

⁷ Mbata neḛ ndəji bɔ síje-je bər-bər, un kudee mee ndəa gə́ n’ar dee d’unda ne loo mee ɓee gə́ Ejiptə teḛ saar teḛ ɓogənè. Teḛ gə ndɔ gə ndɔje kára-kára lai lé neḛ ndəji pana: Maji kar dee d’oo ndu neḛ.

Jeremi 11:7 Iomraidhean Croise

2 Mbaije 17:13

Njesigənea̰ ar njéteggintaje ləa gə njékaḭkulaje ləa lai ndəji Israɛlje gə Judaje d’ula dee ne pana: Maji kar dee d’ya̰ goo rəw néraje gə́ majel lə dee ləm, d’aa dɔ ndukunje lə neḛ gə godnduje lə neḛ ləma, d’un ne goo godndu gə́ neḛ n’ar bɔ deeje-je lé lad-lad ləma, gə n’ula ne kuraje lə neḛ gə njéteggintaje lə neḛ rɔ dee’g gə mbəa ləm tɔ.

2 Sôrta Gḭka Israɛlje 36:15

Njesigənea̰, Ala lə bɔ deeje-je lé ɔm ta ta njékaḭkulaje’g ləa ula dee ne gɔl bula ndəji dee ne mbata yeḛ ndigi kaji dəwje ləa ləm, gə kaa dɔ kəi ləa ləm tɔ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Jeremi 11:4

gə́ neḛ n’un ndu neḛ dɔ’g n’ar bɔ síje-je mee ndəa gə́ neḛ n’ar dee d’unda ne loo mee ɓee gə́ Ejiptə teḛ dan loo gə́ tuŋga kəd-kəd’d gə́ asəna gə mee dura-bṵda gə́ ra gə lar bèe lé. Ooje ndu neḛ ndá raje néje lai gə́ n’a kun ndu neḛ dɔ’g kar sí lé, bèe ɓa seḭ a toje ne dəwje lə neḛ ləm, neḛ kara n’a to ne Ala lə sí ləm tɔ.

Jeremi 25:3

Un kudee mee ləb gə́ njekɔm’g dɔg-giree-munda gə́ Jojias, ŋgolə Amo̰, mbai gə́ Juda o̰ ne ɓee saar ɓogənè lé Njesigənea̰ ulam ta as ləb rɔ-joo-giree-munda ŋga. Ma m’ula sí taree, m’ula sí taree ya teḛ gə́ ndɔ rad nɛ seḭ unje mbi sí rəw dɔ ta’g ləm.

Jeremi 25:4

Njesigənea̰ ula kuraje ləa lai gə́ njéteggintaje lé rɔ sí’g, yeḛ ula dee gə ndɔ rad ya. Nɛ seḭ unje mbi sí rəw dɔ’g ləm, seḭ tugaje mbi sí ooje ne ta lé el ləm tɔ.

Jeremi 31:32

Manrɔ gə́ sigi neelé a to kasəna gə yee gə́ ma man ne rɔm m’ar bɔ deeje-je mee ndɔ gə́ m’wa ji dee m’ɔr dee ne wɔgədɔ mee ɓee gə́ Ejiptə’g m’teḛ sə dee lé el. Ma m’to gə́ ɓée deeje ya nɛ lé bèe kara d’uba manrɔ neelé d’ya̰. Njesigənea̰ ɓa pa bèe.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Jeremi 34:14

Loo gə́ rudu ləbje gə́ siri-siri lé as ndá nana kara mbuna sí’g a kya̰ ŋgokea̰ gə́ to Ǝbrə gə́ ya̰ rəa ar sí ndogeeje kaareeje aw ya. Yeḛ a ra kula kar sí ləb misa̰ ndá seḭ a kaareeje teḛ mee kəi’g lə sí aw. Nɛ bɔ síje-je d’un mbi dee rəw dɔ ta’g ləm ɓó deḛ tuga mbi dee d’oo ne ta ləm el.

Jeremi 35:14

Deḛ d’aa dɔ taje lə Jonadab, ŋgolə Rekab gə́ un ndia ar ŋganeeje mba kar dee d’ai mán-nduú gə́ mḭ el lé kər-kər ndá deḛ d’ai el ya saar teḛ ɓogənè to mbata deḛ d’ila koji dɔ ndukun’g lə bɔ deeje. Nɛ ma lé m’ula sí ta, un kudee teḛ gə ndɔ rad ya m’ula sí ta nɛ seḭ unje mbi sí rəw dɔ ta’g ləm.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 7:13

Njesigənea̰ pana: Ɓasinè to gə́ seḭ raje néje nee lai ləm, to gə́ ma m’pata m’ar sí un kudee gə ndɔ rad ya nɛ seḭ ndigi kooje el ləma, to gə́ ma m’ɓar sí nɛ seḭ ndigije tam’g el ləm tɔ ndá

Ojee 4:1

Seḭ Israɛlje lé maji kar sí ooje ta lə Njesigənea̰! Mbata Njesigənea̰ aw gə ta mba kila dɔ dəw-mee-ɓeeje’g neelé Mbata kankəmta godo mee ɓee’g neelé ləm, Meekɔrjol godo keneŋ ləma, Gər Ala kara godo keneŋ ləm tɔ.

Ojee 5:1

Seḭ njékinjanéməsje, ooje ta neelé! Seḭ njékɔrno̰ Israɛlje, síje gèŋ! Seḭ gel-bɔje lə mbai, Tugaje mbi sí ooje ne ta! Mbata seḭ ɓa rəwta-gaŋg neelé wɔji dɔ sí Mbata seḭ toje gə́ gum gə́ mee ɓee gə́ Mispa ləm, Seḭ toje gə́ ba̰də gə́ d’ila dɔ mbal gə́ Tabɔr’g ləm tɔ.

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Njé gə́ Epesə 4:17

Ooje ta gə́ ma m’ula sí ləm, ta gə́ m’pa njaŋg gə ri Mbaidɔmbaije ləm tɔ lé maji kar sí njaaje asəna gə njépole-magəje el ŋga mbata deḛ nja ndolè goo takə̰ji lə deḛ gə́ gə mḭdé-mḭdé ba.

Tel tura Godndu 30:20

gə mba kar sí undaje ne Ala lə sí gə́ Njesigənea̰ dan kəm sí’g ləm, gə mba kar sí tədje ne kag torndia ləma, gə mba kar sí naije ne səa ləm tɔ, mbata yee ɓa to gin kisi kəmba lə sí ləm, to gin kar ndɔje lə sí d’a koso ne dɔ maree’g ləm tɔ, togə́bè ɓa seḭ a kisije ne mee ɓee gə́ Njesigənea̰ man ne rəa gə mba kar bɔ síje-je, Abrakam gə Isaak gə Jakob tɔ.

Tel tura Godndu 4:6

Seḭ a kaaje dɔ dee kər-kər ləm, seḭ a raje née ləm tɔ, mbata yee nee ɓa a to né kəmkàr lə sí ləm, gə gosonégər lə sí ləm tɔ kəm koso-dəwje’d gə́ d’a koo ta godnduje nee lai ndá d’a pa pana: Ginkoji dəwje gə́ boo neelé to koso-dəwje gə́ to njékəmkàrje gə njégosonégərje ya doŋgɔ!

Tel tura Godndu 5:29

Né kára ba lé ɓó lé deḛ d’wɔji meḛ dee’g njaŋg gə mba ɓəlm ləm, gə mba kaa dɔ torndumje kər-kər ləm tɔ ndá deḛ ləm, gə ŋgan deeje ləm tɔ lé d’a si gə rɔlel saar-saar gə no̰ ya.

Tel tura Godndu 6:2

gə mba kar sí ɓəlje ne Ala lə sí gə́ Njesigənea̰ ləm, aaje ne godndiaje gə torndiaje lai gə́ m’un ne ndum m’ar sí lé, seḭ a kaaje dɔ dee gə ndɔje lai gə́ seḭ awje ne kəmba, seḭ ləm gə ŋgan síje gə ŋgaka síje ləm tɔ gə mba kar kuru ndɔje lə sí a kḭ ne dɔ maree’d gə́ kédé-kédé ya.

Tel tura Godndu 8:6

Seḭ a kaaje dɔ tornduje lə Ala lə sí gə́ Njesigənea̰ kər-kər, gə mba njaa ne kila-rəwje’g ləa ləm, gə mba ɓəlee ne ləm tɔ.

2 Njé gə́ Tesalonikə 3:12

Deḛje neelé, jeḛ m’ɓar dee ndəji dee gə ri Mbaidɔmbaije Jeju Kristi mba kar dee d’wa kula lə dee peb ra ɓó gə d’usɔ kée.

1 Samel 8:9

Maji kari oo ta lə dee ya nɛ ndəji ɓa ndəji dee kɔr ləm, ar dee gər né gə́ wɔji dɔ mbai gə́ a gə ko̰ dɔ dee lé ləm tɔ.