Jeremi 11:6 - Maktub gə́ To gə Kəmee

⁶ Njesigənea̰ ulam pana: Taje lai neelé maji kam m’ila mberee mee ɓee-boo gə́ Juda ləm, gə mba̰-rəwje lai gə́ Jerusalem ləm tɔ m’pana: Ooje taje lə manrɔ neelé ndá raje née.

Jeremi 11:6 Iomraidhean Croise

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Jeremi 19:2

Tɔɓəi i a kaw kəm wəl-loo gə́ Ben-Hinom, gə́ to mbɔr tarəwkɔg gə́ ria lə loo-kuba-joje. Lée neelé ɓa m’a kila mber taje lə neḛ gə́ n’a gə kulam lé keneŋ.

Jeremi 2:2

Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Jeremi 3:12

Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.

Jakari 7:7

See seḭ gərje ta néje gə́ Njesigənea̰ pa gə ndu njéteggintaje gə́ dɔtar loo gə́ dəwje d’isi gə meekulɔm mee ɓee gə́ Jerusalem ləm, gə mee ɓeeje gə́ gugu dəa sub ləm, gə loo gə́ par gə́ dɔkɔl ləma, gə ndag-loo’g ləm tɔ lé el wa.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Njé gə́ Rɔmə 2:13

Tɔgərɔ ya, deḛ gə́ d’oo ta godndu gə mbi dee lé ɓa to njémeekarabasurje no̰ Ala’g el, nɛ deḛ gə́ ra née ɓa Ala ɔr ne ta dɔ dee’g.

Tel tura Godndu 4:1

Israɛlje, maji kar sí ooje godnduje gə ndukunje gə́ ma m’ndoo sí lé. Maji kar sí raje née gə mba kar sí síje ne kəmba ləm, gə mba kar sí a̰dje ne mee ɓee gə́ Njesigənea̰ Ala lə bɔ síje ar sí gə́ né ka̰ sí lé ləm tɔ.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.

Maktub gə́ Jak ula ne ar ngan-Allaje 1:22

Kankəmta gə́ seḭ ooje lé raje née ɓó taaje gə́ sin kari el ləm, ərje kəm rɔ sí gə takə̰ji gə́ gə goo rəbee el ləm tɔ.