Jeremi 11:17 - Maktub gə́ To gə Kəmee

¹⁷ Njesigənea̰ gə́ njeboo-néje gə́ man sí lé ɓar némeeko̰ gə́ dɔ sí’g. Mbata meeyèr lə gel-bɔje lə Israɛl ləm, gə ka̰ Judaje ləm tɔ, deḛ ɓa ra né d’ar mee neḛ ḭ ne sə neḛ pu, loo gə́ deḛ tuu ne né gə́ ə̰də sululu d’ar Baal lé.

Jeremi 11:17 Iomraidhean Croise

2 Samel 7:10

Ma m’ar koso-dəwje ləm gə́ Israɛl loo-si dee ləm, ma man dee mba kar dee d’isi loo’g lə dee gə no̰ gə mba kar dee d’aw gə́ yo gə́ nee el ləma, gə mba kar njémeeyèrje d’ula kəm dee ndòo to gə́ kédé

2 Sôrta Gḭka Israɛlje 28:25

Yeḛ unda dɔ looje gə́ ndəw mee ɓee-booje’d gə́ Juda kára-kára lai gə mba kar dee tuu néje gə́ ə̰də sululu keneŋ kar magəje. Yeḛ ra togə́bè ar mee Njesigənea̰, Ala lə bɔbeeje-je ḭ ne səa pu dəa’g ya.

Pakɔsje 44:2

Ǝi Ala, jeḛ j’oo ta gə mbi sí ləm, Bɔ síje-je d’ɔr gée d’ar sí j’oo Kula raije gə́ i ra tɔl bém mee ndɔje’g lə dee Gə mee ndəaje gə́ ləw lé ləm tɔ.

Pakɔsje 80:15

Ala gə́ njeboo-néje, maji kari tel ree ɓa, I gə́ si mee dara gə́ tar lé Maji kari ila kəmi oo ɓó gə taa dɔ nduú neelé.

Pakɔsje 80:8

Ala gə́ njeboo-néje maji kari tel un sí ur sí tar ləm, Ar kəmi to jḛ̀ dɔ sí’g ləm tɔ Ndá j’a kaji ne ya.

Esai 5:2

Yeḛ tel gel naŋg ləm, Yeḛ tɔr kɔr mbalje ləma, Yeḛ ma̰a kag-nduú gə́ ka̰dee lel keneŋ ləm tɔ. Yeḛ la pala mee ndɔ’g ləm, Yeḛ ur bwa gə́ ka̰ mbula mán-nduú keneŋ ləm tɔ. Tɔɓəi mée to yel dɔ kiŋga kandə nduú gə́ maji’g Nɛ nduú lé andə gə ka̰dee gə́ majel.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Jeremi 1:14

Njesigənea̰ ulam pana: Loo gə́ par gə́ kel dɔgel ɓa néurti a kḭ keneŋ Mba kɔm dɔ dəwje lai gə́ d’isi dɔ naŋg nee.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 12:2

I ma̰a dee ar ŋgira dee wa na̰ ɗab-ɗab ləm, Deḛ ra tɔg ləma, d’andə ləm tɔ, Rii to ta dee’g pèrèrè, Nɛ meḛ dee nai əw səi.

Jeremi 18:15

Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 18:8

Nɛ ɓó lé ginkoji dəwje neelé gə́ ma m’pata m’wɔji ne dɔ dee lé d’ya̰ goo meeyèr lə dee ndá ma tel gə ndum dɔ majel gə́ m’wɔji mba ra sə dee lé tɔ.

Jeremi 19:15

Njesigənea̰ gə́ njeboo-néje, Ala lə Israɛlje pa togə́bè pana: Aa ooje, némeekonje lai gə́ m’pa taree kédé m’wɔji ne dɔ ɓee-boo neelé m’a gə karee teḛ dəa’g gə dɔ ɓee-booje lai gə́ nduna rɔ dee rəa’g lé mbata deḛ to njégwɔbkelkwɔije ɓó d’ur mbi d’oo ne taje ləm el.

Jeremi 2:21

Ma ma̰a sí gə́ kag-nduú gə́ maji dum Gə́ ka̰dee maji, Ŋga see ban ɓa seḭ telje rɔ sí raŋg Ar sí tel toje nduú gə́ mee kɔr’g ɓəi wa.

Jeremi 24:6

M’a koo dee gə kəm gə́ maji ləm, m’a tel ree sə dee mee ɓee’g neelé gogo ləm tɔ. M’a kunda dee lée’g ɓó m’a tuji dee el ŋga ləm, m’a ma̰a dee ɓó m’a tɔr dee el ŋga ləm tɔ.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 26:19

See Ejekias, mbai gə́ Juda gə koso-dəwje lai gə́ Juda tɔlee wa. See Ejekias ɓəl Njesigənea̰ el wa. See yeḛ ra ndòo rɔ Njesigənea̰’g el wa. Bèe ɓa Njesigənea̰ ya̰ ne goo némajel gə́ yeḛ pa taree wɔji ne dɔ dee lé. Ŋga see jeḛ lé j’a ra kaiya gə́ boo bèe kila ne ta dɔ sí’g wa.

Jeremi 32:29

Kaldeje gə́ rɔ gə ɓee-boo neelé d’a kandə keneŋ ndá d’a kila pər dɔ’g mba roo ne ɓee-boo neelé na̰’d gə kəije gə́ deḛ tuu né gə́ ə̰də sululu dɔ’g d’ar magə Baal ləm, gə́ deḛ saga nékar naŋg keneŋ d’ar magəje gə mba kar oŋg ḭ ne səm pu lé ləm tɔ.

Jeremi 32:30

Mbata Israɛlje gə Judaje lé un kudee gə basa dee ya, né gə́ majel ɓa deḛ ra kəm’g, Israɛlje lé d’ar məəm ḭ səm pu gə né gə́ ji dee ɓa ra. Njesigənea̰ ɓa pa bèe.

Jeremi 35:17

Gelee gə́ nee ɓa Njesigənea̰, Ala gə́ njeboo-néje gə́ to Ala lə Israɛlje pa ne togə́bè pana: Aa ooje, m’a kar némeekonje lai gə́ m’ila mberee m’wɔji ne dɔ Judaje gə dɔ njé gə́ Jerusalem lé teḛ dɔ dee’g mbata ma m’ula dee ta nɛ deḛ d’un mbi dee dɔ’g ləm, m’ɓar dee kara deḛ ndigi tam’g el ləm tɔ.

Jeremi 36:7

Banelə Njesigənea̰ a koo ndu ndòo raje lə dee kar nana kara a kɔs ne badm tel dɔ panjaa’g ləa gə́ majel’g. Mbata oŋg, gə meekḭ jugugu gə́ Njesigənea̰ wɔji-kwɔji ra gə koso-dəwje neelé to ɓəl yaa̰.

Jeremi 40:2

Mbai dɔ njéŋgəmlooje lé ula kula ar dee ree gə Jeremi ndá ulá pana: Ala ləi gə́ Njesigənea̰ ila mber némeekonje neelé wɔji ne dɔ ɓee nee.

Jeremi 40:3

Njesigənea̰ ar néje neelé ree ləm, ta gə́ yeḛ pa lé aw lée’g béréré ləm tɔ ndá néje neelé teḛ dɔ sí’g mbata seḭ raje kaiya ɔsje ne ta lə Njesigənea̰ rəw ləm, seḭ unje mbi sí rəw dɔ ta’g ləa ləm tɔ.

Jeremi 42:10

Ɓó lé seḭ naije mee ɓee’g nee Ndá m’a kar sí síje keneŋ ɓó M’a tuji sí el, M’a ma̰a sí ndá m’a tɔr sí el, Mbata ma m’ya̰ goo majel Gə́ m’wɔji-kwɔji ra sə sí lé.

Jeremi 44:5

Nɛ deḛ d’un mbi dee rəw dɔ ta’g ləm ləm, deḛ tuga mbi dee el ləm, deḛ d’ya̰ goo néra majel lə dee el ləma, deḛ d’unda ŋgaŋ tuu né gə́ ə̰də sululu kar magəje el ləm tɔ.

Jeremi 44:8

See gelee ban ɓa seḭ arje məəm ḭ səm jugugu gə néje gə́ seḭ raje gə ji sí, tuuje ne né gə́ ə̰də sululu arje magəje gə́ mee ɓee gə́ Ejiptə gə́ seḭ ree síje keneŋ lé gə mba kam m’ar sí uduje ne guduru ləm, gə kar sí toje ne nékila ndɔl dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg’g lai dɔ naŋg nee bèe wa.

Jeremi 45:4

Ma lé m’ulai m’pana: Njesigənea̰ pa togə́bè pana: Aa oo, né gə́ ma m’unda lé M’a gə tuji pugudu ləm, Né gə́ ma ma̰a lé m’a kwá kɔree ləm tɔ, Yee ɓa to ta gə́ wɔji dɔ ɓee nee lai ya.

Jeremi 7:18

Ŋganje d’odo kir ləm, bɔ deeje yel ne pər ləma, denéje loḭ nduji ləm tɔ gə mba ra ne mbə kar magə gə́ ɓaree mbai gə́ dené gə́ pən dara’g ləm, gə mba kun ne nékarje gə́ ka̰ tər naŋg kar magəje gə́ raŋg ləm tɔ gə mba kar məəm ḭ ne səm pu wa.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Ejekel 17:5

Tɔɓəi yeḛ ɔr kag gə́ uba ŋgira’g sigi gə́ mee ɓee gə́ Israɛl aw ma̰a dɔ naŋg gə́ maji’g, yeḛ ila mbɔr mán gə́ aḭ kuji-kuji’g ndá yeḛ mea̰ to gə́ ndḛ́ bèe.

Ojee 10:1

Israɛlje to d’asəna gə kag-nduú gə́ andə ul bo̰-bo̰ bèe. Loo gə́ andə njim-njim ndá Deḛ ra loo-pole-magje ur dɔ njé gə́ kédé’g, Loo gə́ ɓee lə dee si dan némajije’g bèdèg ndá Deḛ ra néndajije gə́ to kɔr mbalje gə́ d’unda dee tar lé D’ar dee ndolé lḛd-lḛd D’ar dee maji d’unda njé gə́ kédé.