Jeremi 11:15 - Maktub gə́ To gə Kəmee

¹⁵ Koso-dəwje gə́ m’unda dee dan kəm’g lé See ɗi ɓa deḛ ra mee kəi’g ləm wa. Deḛ ra boo-néraje gə́ majel keneŋ. Maji kar dee d’ɔr da-nékinjanéməsje lé no̰ sí’g Mbata loo gə́ seḭ raje némajel yaa̰ ndá Yen ɓa seḭ alje rɔ sí yaa̰ ɓəi.

Jeremi 11:15 Iomraidhean Croise

Pakɔsje 50:16

Ala pata ar njemeeyèr pana: See gə mba ɗi ɓa i tura tornduje lə neḛ ləm, I ar ta manrɔ lə neḛ to tai’g ya bèe ləm tɔ wa.

Pakɔsje 60:5

Koso-dəwje ləi lé I nja ar dee d’oo néje gə́ kədərə, Man-nduú gə́ mḭ gə́ to ka̰ tel dɔ wagəsa lé I nja ɔs sí ar sí j’ai.

Gosota-Kəmkàrje 10:23

Ra majel lé mbə oo gə́ néndam, Nɛ kəmkàr to ka̰ njegosonégər.

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 2:14

Deḛ gə́ d’iŋga rɔlel loo ra né gə́ majel’g D’ar rɔ dee lel dee dɔ néra gə́ kori-kori’g ləm,

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Gosota-Kəmkàrje 26:18

To gə́ njekɔr ila pər loo’g ləm, Turu ɓandaŋg gə́ tɔl dəw ləm tɔ lé

Gosota-Kəmkàrje 28:9

Ɓó lé dəw kára un mbia rəw dɔ godndu’g ndá Tamaji ləa kara to né gə́ mina̰ tɔ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Jeremi 12:7

M’a m’uba kəi ləm m’ya̰ ləm, Ma m’uba nédɔji ləm kara m’ya̰ ləma, M’uba yeḛ gə́ m’undá dan kəm’g lé M’yá̰ ji njéba̰je’g ləa ləm tɔ.

Jeremi 13:27

Neḛ n’oo mɔdkaiyaje ləi Gə ndui gə́ ɓar asəna gə ndu no̰ lə kunda bèe ləm, Gə néraije gə́ to kḛji asəna gə néra kaiya-dené Gə́ i ra dɔ looje gə́ ndəw’g gə mee ndɔje’g ləma, N’oo néraije gə́ mina̰ ləm tɔ. Meeko̰ a koso dɔi-i Jerusalem’g See saar ndɔ gə́ ra ɓa i a tila gə́ tila Mba kɔr won rɔi ɓəi wa.

Jeremi 15:1

Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 2:2

Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Jeremi 23:11

Njéteggintaje gə njékinjanéməsje Tel to dəwje gə́ mina̰. Mee kəi’g lə neḛ ya kara N’iŋga meeyèr lə dee keneŋ, Njesigənea̰ ɓa pa bèe.

Jeremi 3:14

Gə́ tel reeje, seḭ njékɔsta-rəwje, Njesigənea̰ ɓa pa bèe, mbata ma m’to ɓée síje. M’a kun sí mee ɓee-boo gə́ kára ləm, m’a kodo sí joo dan njémeekəije gə́ kára ləm tɔ. Ndá m’a kaw sə sí Sio̰.

Jeremi 3:8

Ma m’tuba Israɛlje gə́ to majikojije el mbata mɔdkaiyaje lə deḛ lai ləm, ma m’ar dee maktub tḭ-na̰ ləm tɔ, nɛ lé bèe kara ma m’oo to gə́ Judaje gə́ to njéhulaije gə́ to ŋgako̰ deeje gə́ dené lé ɓəl el, ndá d’aw ra kaiya gə́ togə́bè lé ya tɔɓəi.

Ojee 3:1

Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé.

Matiyo 22:11

Mbai lé andə aw kəi mba koo deḛ gə́ d’isi ta ka-nésɔ’g lé nɛ yeḛ oo diŋgam kára si keneŋ gə́ yeḛ ula kubu-naḭ rəa’g el.

Lugu 8:28

Loo gə́ yeḛ un kəmee ɓèd ila dɔ Jeju’g ndá yeḛ uru kii pénéné, rəm bəbərə oso naŋg gɔl Jeju’g, pata gə ndia gə́ boi wəl pana: Ŋgon-Ala gə́ Njekurdɔloo’g, see ɗi ləi ŋga to rɔm’g wa. Ma m’ra ndòo rɔi’g, maji kar i ra səm néɓəŋgərəti el nja kari.

Njé gə́ Rɔmə 11:28

Tagə́maji neelé deḛ to njékɔsee rəwje gə mbata lə sí-seḭje ya. Nɛ kɔr gə́ yeḛ ɔr ka deeje kédé lé yee ɓa yeḛ ndigi dee ne unda dee dan kəmee’g ɓəi.

1 Njé gə́ Kɔrḭtə 13:6

Yee al rəa dɔ ta gə́ to gə dɔ najee’g ɓó yee al rəa dɔ ta gə́ to dɔ buguru’g el.

Titə 1:15

Deḛ gə́ d’àr lé d’oo néje gə́ d’àr gə́ looje lai. Deḛ gə́ mina̰ lé d’ɔs kankəmta rəw tɔ ndá néje gə́ mina̰ ɓa d’oo gə́ looje lai tɔ. Kəmkàr lə dee ləm, gə ta gə́ meḛ dee’g ləm tɔ lé mina̰ ya.

Maktub gə́ Jak ula ne ar ngan-Allaje 4:16

Nɛ ɓasinè lé seḭ tije ne rɔ sí əsje ne ta. Kesta gə́ togə́bè ɓa majel.