Jeremi 11:10 - Maktub gə́ To gə Kəmee

¹⁰ Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Jeremi 11:10 Iomraidhean Croise

Pakɔsje 78:57

D’unda rɔ dee ɓad rəa’g d’ila ne koji dəa’g el To gə́ bɔ deeje-je bèe, Deḛ rəm gogo to gə́ kúla ɓandaŋg gə́ ŋgəŋ el.

Esai 24:5

Ɓee lé dəwje gə́ d’isi keneŋ d’aree mina̰ Mbata deḛ d’al ta ta godndu Njesigənea̰’g ləm, D’ɔs ndukunje ləa rəw ləma, Deḛ gaŋg kúla manrɔ ləa gə́ to gə no̰ lé ləm tɔ.

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 17:23

Deḛ lé d’un mbi dee rəw dɔ’g ləm, deḛ tuga mbi dee d’oo ne ta lé el ləm tɔ. Deḛ to njégwɔbkelkwɔije ɓó d’oo ta el ləm, deḛ taa tandoo el ləm tɔ.

Jeremi 22:9

Ndá d’a kila dee keneŋ pana: Mbata deḛ d’uba ta manrɔ lə Njesigənea̰ d’ya̰ ləm, deḛ d’unda barmba dəb kəm dee naŋg no̰ magəje’g pole dee ne ləm tɔ.

Jeremi 31:32

Manrɔ gə́ sigi neelé a to kasəna gə yee gə́ ma man ne rɔm m’ar bɔ deeje-je mee ndɔ gə́ m’wa ji dee m’ɔr dee ne wɔgədɔ mee ɓee gə́ Ejiptə’g m’teḛ sə dee lé el. Ma m’to gə́ ɓée deeje ya nɛ lé bèe kara d’uba manrɔ neelé d’ya̰. Njesigənea̰ ɓa pa bèe.

Jeremi 44:16

Jeḛ j’a kila koji dɔ ta kára kara gə́ i ula sí gə ri Njesigənea̰ lé el.

Jeremi 44:5

Nɛ deḛ d’un mbi dee rəw dɔ ta’g ləm ləm, deḛ tuga mbi dee el ləm, deḛ d’ya̰ goo néra majel lə dee el ləma, deḛ d’unda ŋgaŋ tuu né gə́ ə̰də sululu kar magəje el ləm tɔ.

Jeremi 7:28

Bèe ɓa maji kari ula dee togə́bè pana: Seḭ toje ginkoji dəwje gə́ d’un mbi dee rəw dɔ ta’g lə Njesigənea̰, Ala lə dee ləm, deḛ ndigi taa tandooje ləa el ləm tɔ, kankəmta sané rɔ dee’g pa ɓó to ta dee’g el.

Jeremi 9:6

Gelee gə́ nee ɓa Njesigənea̰ gə́ njeboo-néje Pa ne togə́bè pana: Aa ooje, m’a kur meḛ dee Gə mba naa dee. See ɗi gə́ raŋg tɔɓəi ɓa M’a ra gə koso-dəwje ləm ɓəi wa.

Ejekel 16:59

Mbata Mbaidɔmbaije gə́ Njesigənea̰ pa togə́bè pana: N’a ra səi né to gə́ i ra lé, i gə́ ə̰ji ta rɔkubu bəḭ-bəḭ gaŋg ne kúla manrɔ lé.

Ejekel 44:7

Seḭ arje dəw-dɔ-ɓeeje gə́ meḛ dee tɔ kujita el ləm, deḛ lal kinja tamɔd dee ləm tɔ lé d’andə mee kəi’g lə neḛ gə́ to gə kəmee d’ila ndɔl dɔ’g, tɔɓəi seḭ unje muru lə neḛ gə ubu nékinjanéməsje gə məs to arje magəje lə sí lai gə́ mina̰ jɔmri-jɔmri ləm, seḭ gaŋgje ne kúla manrɔ lə neḛ ləm tɔ.

Ejekel 5:6

Njé gə́ Jerusalem d’al dɔ godnduje lə neḛ gə dɔ ndukunje lə neḛ d’ar ta gə́ wa dɔ dee lé ur dɔ ka̰ ginkoji dəwje gə raŋg’g gə ɓeeje gə́ gugu dɔ dee. Mbata deḛ d’ə̰ji godnduje lə neḛ bəḭ-bəḭ ləm, deḛ njaa gə goo ndukunje lə neḛ el ləm tɔ.

Ojee 6:4

Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Ojee 6:7

Deḛ d’ya̰ goo ta manrɔ lə dee To gə́ dəwje gə́ kari ba bèe, Yee gə́ bèe ɓa deḛ d’ubam d’ya̰’m ne.

Ojee 7:16

Deḛ d’ɔs badm tel gə́ rɔ Njekurdɔloo’g el, Deḛ to d’asəna gə kag ɓandaŋg gə́ nduni koŋ-koŋ. Mbaije lə dee d’a toso ta kiambas’g Mbata kəsta gə́ rusu ta dee tub-tub lé. Yee ɓa a kar dee tel to ne nékogo mee ɓee gə́ Ejiptə’g.

Ləbije 26:15

seḭ ə̰jije godndumje bəḭ-bəḭ ləma, seḭ ooje ndukunje ləm gə́ né gə́ ram kəm sí’g gə mba ra ne godndumje lai el ɓa gaŋgje ne kúla manrɔ ləm gə́ ma man ne rɔm m’ar sí lé ləm tɔ ndá

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

Tel tura Godndu 9:7

Arje meḛ sí olé dɔ né gə́ seḭ raje ɔsje ne oŋg lə Ala lə sí gə́ Njesigənea̰ ilaje dɔ sí’g dɔdilaloo’g lé arje meḛ sí wəi dɔ’g el. Un kudee mee ndəa gə́ seḭ undaje ne loo mee ɓee gə́ Ejiptə teḛje ne loo gə́ nee’g lé seḭ toje njékaltaje ɔsje ne Njesigənea̰ rəw ya.

Ǝbrəje 8:9

Manrɔ gə́ sigi lé a to kasəna gə yeḛ gə́ ləw gə́ ma man ne rɔm m’ar bɔ deeje el. To ndɔ gə́ m’wa ji dee wɔgədɔ m’ɔr dee Ejiptə’g m’teḛ sə dee Mbata deḛ d’ai meḛ dee sam-sam dɔ manrɔ’g ləm el, Bèe ɓa ma kara dɔm to̰ ne kəw el. Mbaidɔmbaije ɓa pa bèe.

Njéga̰g-Rəwtaje 2:11

Israɛlje ra né gə́ majel kəm Njesigənea̰’g ndá deḛ pole magə-Baalje.

Njéga̰g-Rəwtaje 2:17

Nɛ njégaŋ-rəwtaje lé kara d’oo ta lə dee el mbata deḛ d’unda barmba no̰ magəje’g d’wa dee meḛ dee’g. Deḛ d’ḭ kalaŋ d’uba goo rəw gə́ bɔ deeje-je njaa keneŋ lé d’ya̰ ləm, deḛ təd kag loo to gə́ bɔ deeje-je təd ne kag godnduje lə Njesigənea̰ bèe el ləm tɔ.

Njéga̰g-Rəwtaje 2:19

Nɛ goo kwəi’g lə njegaŋ-rəwta lé deḛ tel d’ar rɔ dee mina̰ gɔl kára ya tɔɓəi d’aree ur dɔ ka̰ bɔ deeje-je gə́ d’aw ne goo magəje’g mba pole dee ləm, d’unda ne barmba no̰ dee’g ləm tɔ, tɔɓəi deḛ d’aar njaŋg dɔ panjaa dee’g ləm, gə dɔ meendər’g lə dee ləm tɔ.

1 Samel 15:11

Ma m’im rɔm dɔ kunda gə́ m’unda Sawul gə́ mbai lé mbata yeḛ ya̰’m mba kun rəw ləa-yeḛ ləm, yeḛ aa dɔ taje ləm el ləm tɔ. Mee Samel ea̰ aree no̰ rɔ Njesigənea̰’g loondul’g ya saar ar loo àr.