Jeremi 10:9 - Maktub gə́ To gə Kəmee

⁹ Deḛ d’ḭ gə larnda gə́ d’unda gə mo̰ Ɓee gə́ Tarsis ləm, Gə larlɔr gə́ Upaj ləm tɔ ɓa ree ne. Njékulaje gə njégər goso kula larje ɓa Ra kula keneŋ gə ji dee, Kubu kula rɔ magəje neelé To kubuje gə́ deḛ ndiri gə́ ndul piro-piro ləm, Gə kas njir-njir ləm tɔ. Néje lai neelé to kula gə́ njégərgoseje Ɓa ra gə ji dee.

Jeremi 10:9 Iomraidhean Croise

1 Mbaije 10:22

Mbata mbai lé batoje ləa gə́ d’ḭ Tarsis d’aw dan baa-boo-kad’g na̰’d gə batoje lə Iram ndá, ləbje munda-munda lé batoje gə́ d’ḭ Tarsis d’odo larlɔr gə larnda gə ŋgaŋ kər gə ɓədje gə yel-juuje ree ne ya.

2 Sôrta Gḭka Israɛlje 9:21

Mbata mbai ar batoje ləa d’aw Tarsis gə kuraje lə Huram ndá gə mee ləbje gə́ munda-munda lé batoje d’ḭ Tarsis ree gə larlɔr, gə larnda, gə ŋgaŋ kər, gə ɓədje, gə yel-juuje tɔ.

Pakɔsje 115:4

Magəje lə dee-deḛ lé to gə́ larnda gə larlɔr, To néje gə́ ji dəwje ɓa ra dee ya.

Pakɔsje 72:10

Mbaije gə́ Tarsis gə deḛ gə́ d’isi dɔgoré-loo’g lé D’a karee nékoga-dɔ-rɔ dee ləm, Mbaije gə́ Saba gə Seba lé D’a karee nénojije ləm tɔ.

Esai 23:6

Awje par gə́ Tarsis, No̰je siije mbigi-mbigi, Seḭ dəwje gə́ síje ta baa’g lé!

Esai 40:19

Njelḛ̀ né ɓa léḛ né ndaji ne magə Tɔɓəi njekɔr ɔr giree gə larlɔr ləm, Ra yeŋgəre-larndaje lèr keneŋ ləm tɔ.

Ejekel 27:12

Njé gə́ Tarsis lé seḭ sə deeje toje njéndogo gə na̰ néje mbata némajije lai gə́ i si danee’g bèdèg. Deḛ to njé ree gə larndaje, gə larndulje, gə kulumje, gə rɔmje d’unda dee loo-rab-néje’g ləi.

Ejekel 27:7

Kubu gə́ d’ṵji gə kúla palégal Gə́ d’ɔs ndaji keneŋ gə́ d’ḭ ne Ejiptə lé ɓa To kubu lel batoje ləi ləm, Gə nétɔji ɓee ləi ləm tɔ. Kubuje gə́ ndaŋg lə dee to bədələ Gə kubu gə́ ndiri ndul piro-piro Gə́ d’ḭ ne dɔgoré-looje gə́ Elisa lé D’o̰ ne dɔ nékodoje ləi tɔ.

Loo gə́ killa rea kəm Daniel’g 10:5

M’un kəm gə́ tar m’aa ne loo ndá, m’oo dəw kára gə́ ula kubu gə́ d’ṵji gə kúla palégal rəa’g ləm, wa rḛgee gə ndar gə́ ra gə larlɔr gə́ d’ḭ ne Upaj ləm tɔ.

Ojee 8:6

Njekɔr gə́ ḭ Israɛl ɓa gə́ njelḛ̀ néndaji ŋgon maŋg lé Ɓó yee to gə́ Ala el, Gelee gə́ nee ɓa néndaji ŋgon maŋg gə́ Samari neelé D’a tədee njigi-njigi.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Habakuk 2:19

Meeko̰ a koso dɔ sí-seḭ’d gə́ ulaje kag pana: Ḭta! Gə ulaje kɔr mbal gə́ ta mundu pana: si kəmba! See d’askəm kar kəm sí inja dɔ né’g wa. Aa ooje, d’ɔr giree gə larnda gə larlɔr Nɛ kəmə gə́ téḛ bèe godo mée’g.