Jeremi 10:6 - Maktub gə́ To gə Kəmee

⁶ Ǝi Njesigənea̰! Dəw kára bèe Gə́ to tana səi pai godo. I to gə́ boo ləm, riɓar ləi to gə́ boo Gə goo siŋgamoŋ ləi ləm tɔ.

Jeremi 10:6 Iomraidhean Croise

2 Samel 7:22

Gelee gə́ nee ɓa i to gə́ boo, Njesigənea̰ Ala! Mbata njetana səi godo ləm, gari-i Ala godo gə goo néje lai gə́ jeḛ j’oo gə mbi sí neelé ya ləm tɔ.

1 Sôrta Gḭka-Israɛlje 16:25

Mbata Njesigənea̰ lé boo ya ləm, Yeḛ nja ɓa askəm kiŋga pidi ləma, Yeḛ to ɓəl kədm-kədm Ur dɔ magəje lai-lai ya ləm tɔ.

Nehemi 4:14

Loo gə́ rara ɓa gə́ arje keneŋ lé ɓó lé to̰to̰ ɓar ndá mbo̰je na̰ reeje rɔ sí’g loo gə́ ooje ndu to̰to̰ keneŋ lé. Ala lə sí a rɔ mbata lə sí ya.

Nehemi 9:32

Nɛ ɓasinè, əi Ala lə sí, Ala gə́ boo Njesiŋgamoŋ gə́ to ɓəl kədm-kədm, I gə́ aa dɔ manrɔ ləi ləm, Ar məəi ɔr jol-jol ləm tɔ lé Nékəmndooje lai gə́ ra síjeḛ ləm, gə mbaije lə sí ləm, Gə ŋgan-mbaije lə sí ləm, Gə njékinjanéməsje lə sí ləm, Gə njéteggintaje lə sí ləm, Gə bɔ síje-je ləma, Gə koso-dəwje ləi lai ləm tɔ Un kudee mee ndəa’g lə mbaije gə́ Asiri Saar teḛ ne ɓogənè lé Maji kari oo gə́ né gə́ lam ba kəmi’g el.

Pakɔsje 145:3

Njesigənea̰ lé to gə́ boo Gə́ kəm kiŋga pidi ləm, Boo ləa lé dum gər ya ləm tɔ.

Pakɔsje 147:5

Mbaidɔmbaije lə sí lé to gə́ boo gə goo bao-siŋgamoŋ ləa ləm, Gosɔnégər ləa kara rudee godo ləm tɔ.

Pakɔsje 35:10

Siŋgarɔmje lai d’a pana: Njesigənea̰! See na̰ ɓa askəm kɔr njenékəmndoo ji dəw gə́ siŋgá ur dəa’g ləm, Gə njenékəmndoo gə njendoo lé Ji dəw gə́ si tɔr néje ləa rəa’g lé To gə́ i bèe wa.

Pakɔsje 48:1

Pakɔs lə Koréje

Pakɔsje 96:4

Mbata Njesigənea̰ lé to gə́ boo ya, Yeḛ nja ɓa askəm kiŋga pidi ləm, Yeḛ to ɓəl kədm-kədm ur dɔ magəje’g lai-lai ya ləm tɔ.

Teḛ-Raga 15:11

Ǝi Njesigənea̰, see na̰ ɓa to tana səi mbuna magəje’g wa. See na̰ ɓa to tana səi i gə́ to Bao-meenda ləm, Gə askəm kiŋga riɓar ləma, Gə to njera némɔrije ləm tɔ lé wa.

Teḛ-Raga 8:10

Deḛ daa yoo dee dɔ na̰’d ndil-ndil ar mee ɓee gə́ ə̰də mbo̰.

Teḛ-Raga 9:14

Mbata ɓasinè lé n’a gə kar tuji-booje lə neḛ lai d’a koso dɔi’g ləm, gə dɔ kuraje’g ləi ləma, gə dɔ dəwje’g ləi ləm tɔ, mba kari gər ne gao, to gə́ dɔ naŋg nee lai lé dəw kára kara gə́ to tana sə neḛ bèe lé godo.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 40:18

See na̰ ɓa seḭ a kwáje kwɔjije ne Ala wa. Esé néndaji gə́ ban ɓa seḭ a raje kaareeje to tana səa wa.

Esai 40:25

Njemeenda pana: See na̰ ɓa a kwamje kwɔjeje ne wa.

Esai 46:5

See na̰ ɓa seḭ a kasje kəm kwáje kwɔjimje ne kaareeje as səm wa. See na̰ ɓa a kamje m’to tana səa kar síjeḛ səa n’taje gə na̰ pai-pai wa.

Esai 46:9

Arje meḛ sí olé dɔ néje gə́ dəs’g Mee ndəaje gə́ ləw’g lé Mbata ma m’to Ala Ɓó yeḛ gə́ njekorè dɔm-ma’g godo, Ma m’to Ala Ɓó yeḛ gə́ njetana səm kára kara godo ya saar.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 32:18

I ra meemaji gə ŋgaka dəwje gə́ goo na̰ goo na̰ loo tɔl-dɔg (1.000) ləm, i ar bo̰ néra kori-kori lə bɔ ŋganje ɔs ta ŋgan deeje gə́ goo dee’g ləm tɔ. I to Ala gə́ boo gə njesiŋgamoŋ, Njesigənea̰ gə́ njeboo-néje ɓa gə́ rii.

Loo gə́ killa rea kəm Daniel’g 4:3

M’un ndum mba kar dee d’ar njékəmkàrje gə́ Babilɔn lai ree nɔm’g mba kar dee d’ɔr gin ni lé d’am.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

Tel tura Godndu 32:31

Mbata yeḛ gə́ to mbal lə dee lé To asəna gə yeḛ gə́ to mbal lə síjeḛ el, Njéba̰je lə sí ya kara To gə́ njékɔr géeje ya tɔ.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.