Jeremi 10:3 - Maktub gə́ To gə Kəmee

³ Mbata néjiɓee lə koso-dəwje lé To né gə́ kari ba. Deḛ tuga kag gə́ mee kag-kɔr’g, Njetɔlee tɔl gə kuba.

Jeremi 10:3 Iomraidhean Croise

Pakɔsje 115:4

Magəje lə dee-deḛ lé to gə́ larnda gə larlɔr, To néje gə́ ji dəwje ɓa ra dee ya.

Esai 45:20

Seḭ ges ginkoji dəwje gə raŋg gə́ teḛje ta yoo’g lé Maji kar sí mbo̰je dɔ na̰ reeje ləm, Ŋgəsje pər gə́ nee na̰’d ləm tɔ! Deḛ gə́ d’odo magəje lə dee gə́ to kag ləm, Deḛ gə́ ɓar ri magə gə́ askəm kaji dee el ləm tɔ lé Gosɔnégər lə dee godo.

Jeremi 1:16

M’a pata gaŋg ne rəwta dɔ dee’g Mbata némeeyèrje lə deḛ lai ləm, Mbata deḛ d’ubam d’ya̰m Roo néje gə́ ə̰də sululu d’ar magəje ləma, Mbata deḛ d’unda barmba no̰ néje Gə́ deḛ ra gə ji dee ləm tɔ.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 2:5

Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Ləbije 18:30

Bèe ndá seḭ a kaaje dɔ godndumje kər-kər ləm, seḭ a raje né kára mbuna néje’d gə́ to kḛji gə́ deḛ ra kédé no̰ sí’g lé el ləma, seḭ a karje rɔ sí mina̰ ne el ləm tɔ. Ma m’to Njesigənea̰, Ala lə sí ya.

Matiyo 6:7

Loo gə́ seḭ raje tamaji ndá paje ta budu-budu el mbata njépole-magəje ɓa ra togə́bè pana: N’a ja̰geeje ɓa n’a kiŋgaje née ɓəi.

Néra Njékaḭkulaje 19:26

Seḭ ooje gao to gə́ Pool lé ula ta meḛ dəwje gə́ Epesə gə kar dee el nɛ nai lam ba karee tel meḛ boo-dəwje gə́ d’isi ɓeeko̰ gə́ Asi gə loo-loo kara togə́bè ya tɔ. Yeḛ ula dee pana: Magəje gə́ dəwje ra gə ji dee lé to gə́ kankəm né el.

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

1 Piɛrə 1:18

Mbata seḭ gərje gao, néje gə́ a gə tuji asəna gə larnda əsé larlɔr, yee ɓa gə́ né gə́ uga sí ne ɔr sí ne dan néra gə́ gə mḭdé ba gə́ ka síje d’ya̰ sí keneŋ lé el.