Jeremi 10:25 - Maktub gə́ To gə Kəmee

²⁵ Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 10:25 Iomraidhean Croise

Maktub gə́ wɔji dɔ Jɔb 18:21

Tɔgərɔ, né gə́ raŋg gə́ a teḛ dɔ njemeeyèr’g lé godo ləm, Né gə́ raŋg gə́ a teḛ dɔ yeḛ gə́ gər Ala el lé kara godo ləm tɔ.

Pakɔsje 14:4

Deḛ lai gə́ ra néje gə́ yèr lé See deḛ gər rəbee el wa. Deḛ gaŋg dəwje ləm mbidi-mbidi D’ar dee to gə́ nésɔ lə dee, Deḛ ɓar ri Njesigənea̰ bèe el.

Pakɔsje 147:20

Yeḛ ra togə́bè ar ginkoji dəwje gə raŋg lai el, Deḛ lé gər ndukunje ləa lé el. Maji kar sí pidije Njesigənea̰ ya.

Pakɔsje 27:2

Loo gə́ njémeeyèrje ree pər gə́ rɔm’g Gə mba tim mbidi-mbidi sɔ Deḛ gə́ to njékula kəm ndooje ləm gə njéba̰je ləm ləm tɔ lé D’unda ndolè rəm d’oso ne.

Pakɔsje 69:24

Maji kar kəm dee tel ndul ndiŋ-ndiŋ Ar dee d’oo ne loo el ŋga, Maji kar ɓər dee kara unda ne ndolè gə́ kédé-kédé ya.

Esai 43:22

Nɛ seḭ njé’g lə Jakob seḭ ɓarje rim el ləm, Mbata seḭ Israɛlje rɔ sí wəi sululu dɔm’g ləm tɔ.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Jeremi 11:1

Ta gə́ Njesigənea̰ ula Jeremi gə rɔtaje neelé ɓa nee:

Jeremi 30:16

Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 50:17

Israɛl lé to ŋgon badə gə́ ndəm Gə́ toboḭje tuba gée, Mbai gə́ Asiri ɓa gə́ njesɔ dakasee kédé, yeḛ gə́ rudu lé to Nebukadnesar, mbai gə́ Babilɔn ndá yeḛ təd siŋga rém-rém.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Jeremi 8:16

Ndu ndil lə kundaje ləa ɓar Kel loo gə́ Dan ləm, Loo gə́ d’oo ndu ndil lə dee ndá Dɔ naŋg nee lai yə ɓugu-ɓugu ləm tɔ. Deḛ ree ndá tuji naŋg Gə néje lai gə́ keneŋ ləm,

Nɔ̰-ndôo gə́ wɔji dɔ Jerusalem 2:22

I ar néje gə́ to ɓəl kədm-kədm D’ḭ gə looje ɓəd-ɓəd D’aḭ dɔm sub to gə́ ndɔ ra naḭ bèe. Ndɔ oŋg lə Njesigənea̰ lé Dəw kára kara teḛ el ləm, Si kəmba el ləm tɔ. Deḛ gə́ m’tɔs kəm dɔ dee’g bao-bao ləm, Gə m’odo dee ləm tɔ lé Njeba̰ ləm tuji dee pugudu-pugudu ya.

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

Soponi 3:8

Njesigənea̰ pa togə́bè pana: Maji kar sí ŋginaje neḛ saar Ndɔ gə́ n’a kḭ taa nébanrɔ ɓa, Mbata neḛ n’wɔji mee neḛ’g njaŋg Gə mba mbo̰ ginkoji dəwje gə raŋg ləm, Gə ɓeeko̰je ləm tɔ Gə mba kɔm oŋg lə neḛ lé dɔ dee’g Boo-oŋg lə neḛ gə́ to asəna gə pər bèe Mbata pər boo-oŋg lə neḛ a roo naŋg nee lai dula-dula ya.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Tagə́maji gə́ Ja̰ ndang 17:25

Bɔm gə́ njemeekarabasur, njé gə́ naŋg neelé deḛ gəri el, nɛ ma ɓa m’gəri gao ya, tɔɓəi deḛje neelé deḛ gər gao to gə́ i ɓa gə́ njekulam lé nja.

Néra Njékaḭkulaje 17:23

Mbata loo gə́ ma m’gugu mee ɓee’g lə sí ma m’tən magəje lə sí ɓəd-ɓəd lé ndá m’iŋga loo-nékinjaməs gə́ kára gə́ deḛ ndaŋg ta kaaree’g pana: Wɔji dɔ magə gə́ dəw gəree el. Né gə́ seḭ poleje lal gəree lé yee ɓa ma m’ree gə mba riba dəa kar sí ya.

1 Njé gə́ Kɔrḭtə 15:34

Gə́ telje sije kəmba dɔ néra gə́ gə dɔ najee ɓó əwje kaiya lə sí, yee ɓa gə́ né gə́ kəm ra, mbata njé gə́ na̰je gər ndaa Ala el, yee ɓa m’pa m’ila ne rɔkul dɔ sí’g ya.

1 Njé gə́ Tesalonikə 4:5

ɓó a ra gə goo malee gə́ ula na̰’d el mbata yee ɓa gə́ néra njépole-magəje lé.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Loo gə́ killa rea kəm Ja̰’g 16:1

Ma m’oo ndu dəw ɓar dara wəl ula kuraje gə́ dara gə́ siri lé pana: Awje gə baije gə́ oŋg lə Ala to meḛ dee’g lé ɔmje dɔ naŋg nee.