Jeremi 10:2 - Maktub gə́ To gə Kəmee

² Njesigənea̰ pa togə́bè pana: Maji kar sí ndajije panjaa njépole-magəje el ləm, Ɓəlje nétɔjije gə́ mee dara’g el ləm tɔ, Mbata néje neelé njépole-magəje ɓəl dee.

Jeremi 10:2 Iomraidhean Croise

Gḭ-Néje 1:14

Ala pana: Maji kar néndogóje to pə̰ dara’g gə mba kai lookàr gə loondul gə lée-lée ya. Maji kar dee to nékwɔji kuru looje ləm, gə ndɔje ləma, gə ləbje ləm tɔ,

Jeremi 10:1

Seḭ gel-bɔje lə Israɛl, Ooje ta gə́ Njesigənea̰ ula sí!

Ejekel 20:32

Né gə́ seḭ ə̰jije meḛ sí’g pajena: A kaw lée’g béréré lé seḭ a kooje pai godo. Seḭ pajena: Seḭ ndigi toje kasjena gə ginkoji dəwje gə raŋg ləm, toje kasjena gə gel-bɔje lə ɓeeje gə́ raŋg ləma, seḭ ndigi poleje kag gə mbal ləm tɔ.

Ləbije 18:3

Seḭ a raje né to gə́ njé gə́ Ejiptə loo gə́ seḭ síje keneŋ kédé lé el ləm, seḭ a raje né tana gə néra Kana̰je loo gə́ m’a gə kaw sə sí keneŋ lé el ləm tɔ, seḭ a ndajije néraje lə dee nda̰ el.

Ləbije 20:23

Seḭ a ndoleje goo néjiɓeje lə ginkoji dəwje gə́ m’a gə tuba dee no̰ sí’g lé el, mbata deḛ ra néje neelé lai ndá ma m’ə̰ji dee ne bəḭ-bəḭ ya.

Tel tura Godndu 18:9

Loo gə́ seḭ a ka̰dje mee ɓee’d gə́ Ala lə sí gə́ Njesigənea̰ a kar sí lé ndá seḭ a ndooje gə mba ndajije néraje gə́ mina̰ gə́ ginkoji dəwje gə raŋg neelé ra lé el.

Njéga̰g-Rəwtaje 6:10

Neḛ n’ula sí m’pana: Neḛ n’to Njesigənea̰, Ala lə sí, ndá seḭ a ɓəlje magəje lə Amɔrje gə́ seḭ síje mee ɓee’g lə dee lé el. Nɛ seḭ ooje ta lə neḛ el tɔ.