Jeremi 10:16 - Maktub gə́ To gə Kəmee

¹⁶ Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 10:16 Iomraidhean Croise

Pakɔsje 119:57

Ǝi Njesigənea̰, ma m’pana: Né gə́ kəm karm m’ra lé To mba kaa dɔ taje ləi kər-kər ya.

Pakɔsje 135:4

Mbata Njesigənea̰ lé nja ɓa mbər Jakob ləm, Ar Israɛl to gə́ kea̰ nja doŋgɔ doi ləm tɔ.

Pakɔsje 142:5

Maji kari un kəmi par gə́ dɔ jikɔl aa ne loo oo ya: Dəw kára kara tel gərm el ləm, Njo̰loo mba kaḭ kula dɔm keneŋ godo ləma, Dəw kára kara ə̰ji dɔm’g bèe el ləm tɔ.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 73:26

Dakasrɔm gə ɓəŋgərəm lé d’askəm tuji pugudu ya, Nɛ Ala a to biri mbal gə́ m’gəd rɔm dɔ’g ləm, Gə nédɔji ləm-ma ya saar-saar gə no̰ ləm tɔ.

Pakɔsje 74:2

Koso-dəwje ləi gə́ i taa dee kédé ləw ba lé Maji kari ar məəi olé teḛ dɔ dee’g ya, Deḛ gə́ i nja uga dɔ dee asəna gə ginkoji gə́ to gə́ nédɔji ləi bèe, Mbal gə́ Sio̰ gə́ i ra loo-sii keneŋ lé kara Ar məəi olé teḛ dɔ’g ya ləm tɔ.

Teḛ-Raga 19:5

Ɓasinè lé ɓó lé seḭ ooje ndum ləm, gə seḭ aarje dɔ ndu manrɔ’g ləm ləm tɔ ndá seḭ a toje dəwje ləm ma ya doŋgɔ mbuna dəwje’g lai mbata dɔ naŋg nee lai lé to kama ya ,

Teḛ-Raga 34:9

Yeḛ pana: Mbaidɔmbaije, ɓó lé ma m’taa kəmi rəgm ndá ma m’ra ndòo rɔi’g mba kari orè sə sí rəw na̰’d més mbata dəwje neelé to njégwɔbkelkwɔije ya, ar məəi oso lemsé dɔ néra sí gə́ gə goo rəbee’g el ləm, gə dɔ kaiya ra síjeḛ’g ləm tɔ ndá wa sí gə́ rɔi’g gə́ nédɔjije ləi ya.

Gosota-Kəmkàrje 16:4

Njesigənea̰ ra néje lai gə goo rəbee gə́ yeḛ wɔji, Njemeeyèr kara yeḛ wɔji ne dɔ ndɔ némeeko̰ tɔ.

Esai 19:25

Njesigənea̰ gə́ njeboo-néje a tɔr ndia dɔ dee’g pana: Maji kar dɔ Ejiptəje gə́ to dəwje lə neḛ lé ai səgərə ləm, maji kar dɔ Asirije gə́ to kula gə́ ji neḛ ɓa ra lé ai səgərə ləma, maji kar dɔ Israɛlje gə́ to ka̰ neḛ lé ai səgərə ləm tɔ.

Esai 45:7

Ma m’ra lookàr ləm, M’unda loondul ləm tɔ, Ma m’ar meekulɔm to ləm, Gə m’unda némeeko̰ ləm tɔ, Ma m’to Njesigənea̰, Ma m’to njera néje neelé lai.

Esai 47:4

Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Esai 51:15

Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 10:6

Ǝi Njesigənea̰! Dəw kára bèe Gə́ to tana səi pai godo. I to gə́ boo ləm, riɓar ləi to gə́ boo Gə goo siŋgamoŋ ləi ləm tɔ.

Jeremi 31:35

Njesigənea̰ gə́ njéra kàr Karee ndogó dan kàrá ləm, Gə njekwɔji loo-kaar lə kéréméje Gə́ ndogó loondul’g ləm, Yeḛ gə́ ar baa-boo-kad Ḭ turu tuma̰-tuma̰ ləma, Yeḛ gə́ ria lə Njesigənea̰ gə́ njeboo-néje ləm tɔ lé Pa togə́bè pana:

Jeremi 32:18

I ra meemaji gə ŋgaka dəwje gə́ goo na̰ goo na̰ loo tɔl-dɔg (1.000) ləm, i ar bo̰ néra kori-kori lə bɔ ŋganje ɔs ta ŋgan deeje gə́ goo dee’g ləm tɔ. I to Ala gə́ boo gə njesiŋgamoŋ, Njesigənea̰ gə́ njeboo-néje ɓa gə́ rii.

Jeremi 33:2

Njesigənea̰ gə́ ra néje neelé ləm, Njesigənea̰ gə́ wɔji néje nee aree aw lée’g béréré ləma, yeḛ gə́ ria lə Njesigənea̰ ləm tɔ lé pa togə́bè pana:

Jeremi 46:18

Ma m’to njesikəmba! Mbai gə́ ria lə Njesigənea̰ lé pa bèe. To gə́ Tabɔr gə́ mbuna mbalje’g bèe ləm, To gə́ Karmel gə́ to ta baa-boo-kad’g ləm tɔ lé Yeḛ a gə ree ya.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Jeremi 51:19

Ala gə́ to ka̰ Jakob lé To to gə́ deḛ bèe el, Mbata yeḛ nja to njera néje lai ləm, Israɛlje to ginkoji gə́ to nédɔji ləa ləm tɔ. Njesigənea̰ gə́ njeboo-néje ɓa gə́ ria.

Nɔ̰-ndôo gə́ wɔji dɔ Jerusalem 3:24

Ma m’pa məəm’g m’pana: Njesigənea̰ to nébao ləm, Gelee gə́ nee ɓa M’ar məəm to ne yel gə́ dəa’g tɔ.

Amɔs 4:13

Mbata aa ooje, yeḛ gə́ to njera mbalje ləm, Gə njekunda lel ləm, Yeḛ gə́ riba dɔ takə̰ji ləa ar dəw gər ləm, Yeḛ gə́ ar loo gə́ kàr uba lé Tel to loondul ləma, Yeḛ gə́ njaa sém looje’d gə́ tar lə naŋg nee ləm tɔ lé Ria ɓa to Njesigənea̰, Ala gə́ njeboo-néje ya.

Jakari 2:12

Mbata Njesigənea̰ gə́ njeboo-néje pa togə́bè pana: Goo néje gə́ neelé ɓa rɔnduba a ree ɓəi. Yeḛ ulam rɔ ginkoji dəwje gə́ njékṵda sí banrɔje lé: Mbata nana ɓa gə́ ɔrɔ rɔ sí ndá Ɔrɔ rɔ ŋgonkəm neḛ-neḛ nja.

Tel tura Godndu 32:9

Mbata né lə Njesigənea̰ lé To koso-dəwje ləa, Jakob lé ɓa to nénduba ləa tɔ.