Jeremi 10:12 - Maktub gə́ To gə Kəmee

¹² Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 10:12 Iomraidhean Croise

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Gḭ-Néje 2:5

ŋgon kag gə́ rḛdeŋ bèe kara to dɔ naŋg nee lé el ɓəi ləm, kam kára kara uba loo-ndɔ’g el ɓəi ləm tɔ. Mbata Njesigənea̰ Ala ar ndi ər dɔ naŋg nee el ɓəi ləm, dəw gə́ njendɔ dɔ naŋg neelé kara godo ɓəi ləm tɔ.

1 Sôrta Gḭka-Israɛlje 16:26

Mbata magəje lai gə́ ginkoji dəwje gə raŋg pole dee lé To néje gə́ kari ba Nɛ Njesigənea̰ lé ɓa unda dara ya.

Maktub gə́ wɔji dɔ Jɔb 26:7

Dara gə́ par gə́ dɔgel lé yeḛ najee mbuna loo gə́ kari ba’g ləm Yeḛ naa̰ naŋg mbuna loo gə́ kari ba’g rḭdoŋ ləm tɔ.

Maktub gə́ wɔji dɔ Jɔb 37:18

See i askəm naji dara karee ndər asəna gə nékoo-kəm Gə́ to lar gə́ léḛ to gə́ yeḛ ra bèe wa.

Maktub gə́ wɔji dɔ Jɔb 9:8

Yeḛ nja gə karee ba naji dara ləm, Yeḛ dum dɔ mán baa-boo-kadje’g ləm tɔ.

Pakɔsje 104:2

Lookàr gə́ ɔr jol-jol lé Yeḛ ula rəa’g to gə́ kubu gə́ ŋgal yududu bèe ləm, Yeḛ naji dara to gə́ lab ne mbogo bèe ləm tɔ.

Pakɔsje 104:24

Ǝi Njesigənea̰ kula raije lé bula yaa̰ ya. I ra dee lai-lai gə kəmkàree ya ləm, Némajije ləi lé kara Taa dɔ naŋg nee pəl-pəl ya ləm tɔ.

Pakɔsje 119:90

Meenda londoŋ ləi lé to njaŋg gə ləbee-ləbee saar-saar gə no̰, I nja unda naŋg neelé aree ŋgəŋ ŋgəŋ-ŋgəŋ,

Pakɔsje 24:2

Mbata yeḛ tum gin naŋg neelé dɔ mán bélm’g Aree ŋgəŋ ŋgəŋ-ŋgəŋ dɔ baa-booje’g ya.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 65:7

Siŋgamoŋ ləa ɓa ar mbalje lé ndər ne dɔ na̰’g tim-tim ləm, Siŋgamoŋ lé ɓa yeḛ tɔ rḛgee’g ləm tɔ.

Pakɔsje 78:69

Yeḛ unda kəi-siée gə́ to gə kəmee doi lé Asəna gə loo gə́ to tar sab ləm, Asəna gə naŋg gə́ yeḛ unda aree ŋgəŋ ŋgəŋ-ŋgəŋ gə no̰ bèe ləm tɔ.

Pakɔsje 93:1

Njesigənea̰ lé o̰ ɓee, Boo-ronduba lé yeḛ dolè ne rəa yul ya ləm, Siŋgamoŋ ləa kara yeḛ tɔ ne rḛgee ya ləm tɔ. Bèe ɓa naŋg lé ŋgəŋ ne ŋgəŋ-ŋgəŋ Ɓó né kára kara yə ŋgirá el.

Gosota-Kəmkàrje 3:19

Gə goo kəmkàr ɓa Njesigənea̰ Unda ne naŋg nee ləm, Gə goo gosonégər lé ɓa Yeḛ ar dara to ne njaŋg ləm tɔ,

Gosota-Kəmkàrje 30:4

See na̰ ɓa ḭ aw dara ɓa tel ree naŋg nee wa. See na̰ ɓa wa lel meḛ jia’g wa. See na̰ ɓa tɔ mán gə kubu ləa wa. See na̰ ɓa ar ŋgaŋ rudu naŋg nee to wa. See ria ban wa. See ri ŋgonee ban wa. See i gər ya wa.

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Esai 40:22

Yeḛ nja ɓa si dɔ gwɔi naŋg’d gə́ tar Ndá deḛ gə́ d’isi dɔ naŋg’d lé To d’asəna gə beedéje bèe, Yeḛ naji dara To gə́ dəw naji ne kubu gə́ wɔilɔ bèe ləm, Yeḛ la dara To gə́ dəw la ne kəi-kubu mba si keneŋ bèe ləm tɔ.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 45:12

Ma nja ɓa m’unda naŋg ləm, M’unda dəw m’aree si keneŋ ləm tɔ, Ma nja ɓa m’naji dara ləm, Ma nja ɓa m’unda boo-néje lai keneŋ gə lée-lée ləm tɔ.

Esai 45:18

Mbata Njesigənea̰, Yeḛ gə́ to njekunda dara ləm, Gə to Ala kára ba kiao ləm, Yeḛ gə́ to njekunda naŋg Gə́ undá aree ŋgəŋ ŋgəŋ-ŋgəŋ ləm, Yeḛ gə́ undá mba karee tel to dɔdilaloo el ləma, Yeḛ gə́ gɔlee mba kar dəwje d’isi keneŋ ləm tɔ lé Pa togə́bè pana: Ma nja m’to Njesigənea̰ Ɓó yeḛ gə́ njekorè dɔm godo.

Esai 48:13

Jim-ma ɓa m’tum ne gin naŋg nee, Jikɔlm ɓa m’naji ne dara ləm tɔ, Ma m’ɓar dee ndá Léegəneeya deḛ teḛ d’aar.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Tagə́maji gə́ Ja̰ ndang 1:3

Yeḛ ɓa unda néje lai-lai, né gə́ rara kara yeḛ ɓa to njerea.

Njé gə́ Kolosə 1:16

Mbɔl dəa ɓa Ala unda ne boo-néje lai gə́ dara gə naŋg nee lé néje gə́ askəm koo gə néje gə́ dumkoo ləm, kalimbaije ləm, gə mo̰ɓeje ləm, gə dəw-dɔ-looje ləma, gə njéko̰ɓeeje ləm tɔ. Yeḛ nja ɓa gə́ njekunda deḛ lai gə mba kar dee to kea̰ yeḛ nja doŋgɔ doi.