Jeremi 10:10 - Maktub gə́ To gə Kəmee

¹⁰ Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 10:10 Iomraidhean Croise

Gḭ-Néje 21:33

Abrakam maan kagje gə́ ɓar dee tamarisje Beer-Seba. Lée neelé ɓa yeḛ pidi Njesigənea̰, Ala gə́ Njesi gə ləbee-ləbee gə nea̰ keneŋ.

1 Mbaije 18:39

Loo gə́ koso-dəwje d’oo né neelé ndá d’unda naŋg mburug dəb kəm dee naŋg pana: Njesigənea̰ ɓa to Ala ya! Njesigənea̰ ɓa to Ala ya!

1 Mbaije 8:60

gə mba kar koso-dəwje lai gə́ dɔ naŋg nee gər ne to gə́ Njesigənea̰ ya to Ala, ɓó yeḛ gə́ raŋg godo.

1 Sôrta Gḭka-Israɛlje 29:11

I Njesigənea̰ lé boo-riɓar, gə siŋgamoŋ, gə néra gə́ maji dum, gə si gə ləb-ləb, gə rɔnduba to kaḭ ya, mbata néje lai gə́ dara gə dɔ naŋg nee to kaḭ ya, ko̰ɓee to kaḭ-i Njesigənea̰ ya mbata i to mbai gə́ ur dɔ néje’g lai tɔ.

2 Sôrta Gḭka Israɛlje 15:3

As ləbje bula Israɛlje d’isi lal kwa Ala gə́ gəd meḛ dee’g ləm, njekinjanéməs gə́ njendoo dee ta godo ləma, godndu kara godo ləm tɔ.

Maktub gə́ wɔji dɔ Jɔb 9:6

Yeḛ yə naŋg ɓugu-ɓugu loo siŋgamoŋ’d ləa Ar gaji-gədeeje d’ula déréré-dèrèrè.

Pakɔsje 10:16

Njesigənea̰ to mbai gə́ gə ləbee-ləbee saar-saar gə no̰, Ginkoji dəwje gə raŋg gə́ to njémeeyèrje lé D’udu bo̰ mee ɓeeko̰’g ləa lé.

Pakɔsje 100:3

Maji kar sí gərje gao To gə́ Njesigənea̰ lé to Ala ya. Yeḛ nja ɓa to njekunda sí ləm, Jeḛ n’toje kea̰-yeḛ nja ləm tɔ. Jeḛ n’toje koso-dəwje ləa ləm, Jeḛ n’toje koso-nékulje Gə́ d’aar loo-ko̰-mu’g ləa ləm tɔ.

Pakɔsje 100:5

Mbata Njesigənea̰ lé to gə́ njemaji dum, Meemaji ləa to saar-saar gə no̰, Meenda londoŋ ləa lé ḭ dɔ maree’d gə́ kédé-kédé Mbata lə ŋgaka dəwje-dəwje.

Pakɔsje 104:32

I ila kəmi dɔ naŋg’d ndá naŋg lé yə, I ɔrɔ rɔ mbalje gə ŋgaw jii ndá Sa uba keneŋ ŋgɔg-ŋgɔg.

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 145:13

Ko̰ɓee ləi lé to ko̰ɓee gə́ to gə ləbee-ləbee ləm, Dum dɔ loo ləi lé kara to njaŋg gə ləbee-ləbee ya ləm tɔ.

Pakɔsje 146:6

Yeḛ nja unda dara gə naŋg nee ləm, Gə baa-boo-kad gə néje lai gə́ to keneŋ lé ləm tɔ, Yeḛ aar njaŋg dɔ kankəmta’g saar gə no̰.

Pakɔsje 18:7

Dan néurti gə́ m’isi keneŋ lé Ma m’no̰ m’ɓar ne ri Njesigənea̰, M’no̰ gə ndum gə́ ɓar wəl gə́ rɔ Ala’g lé, Loo-siée gə́ to gə kəmee doi lé Yeḛ oo ndum keneŋ ləm, Ndu no̰ ləm lé aw saar oso mbia’g pad ya ləm tɔ.

Pakɔsje 29:10

Njesigənea̰ lé si dɔ kalimbai’g ləa Mee ndəa gə́ mán bélm taa ne loo lé ləm Njesigənea̰ si gə́ mbai dɔ kalimbai’g ləa O̰ ne ɓee saar-saar gə no̰ ya ləm tɔ.

Pakɔsje 31:5

I nja a kam m’unda wul ba̰də lə deḛ gə́ d’ila mbata ləm lé m’gaŋg Mbata i nja to njekaa dɔm.

Pakɔsje 42:2

To gə́ arkas gə́ əmə biriri-biriri kəm-rəw-mán’g bèe lé Ǝi Ala, ma kara m’əmə biriri-biriri gooi’g bèe ya tɔ.

Pakɔsje 68:11

Lée neelé koso-dəwje ləi lé Ra loo-si dee keneŋ, To loo gə́ i Ala wa dɔ gɔlee ar njénékəmndooje Gə goo meemaji ləi bèe ya.

Pakɔsje 68:8

Ǝi Ala, loo gə́ i teḛ gə́ ŋgaw ta koso-dəwje ləi lé ləm, Loo gə́ i njaa no̰ dee’g mee dɔdilaloo’g ləm tɔ lé

Pakɔsje 74:12

Ala to mbai ləm un kudee kédé gə́ ləw saar ɓasinè, Yeḛ nja ɓa gə́ njegelkaji lə dəwje gə́ dɔ naŋg nee.

Pakɔsje 76:7

Loo gə́ i Ala lə Jakob lé tɔji dee jii ndá Njérɔ gə kundaje gə kundaje lə dee na̰’d deḛ toɓi ndələŋ.

Pakɔsje 76:8

Ǝi, i lé to ɓəl kədm-kədm! See na̰ ɓa askəm kaar dɔ gɔlee’g njaŋg Loo gə́ oŋg ḭ səi wa.

Pakɔsje 77:18

Ndi gə́ il lé tel to ko̰ ndi gə́ mbél manee naŋg ləm, Nda̰gee kara ɓar dan loo kil’g ləa ya ləma, Kandə ɓandaŋgje ləi turu pə-pə gə mee looje lai-lai ya ləm tɔ.

Pakɔsje 84:2

Njesigənea̰, mbai gə́ njeboo-néje lé Kəi-siije taa kəm rəgm ya,

Pakɔsje 9:8

Njesigənea̰ o̰ ɓee saar gə no̰, Yeḛ unda kalimbai ləa mba gaŋg rəwta.

Pakɔsje 90:11

See na̰ ɓa a gər siŋgamoŋ oŋg ləi wa. See na̰ ɓa ɓəli mbata meeko̰ ləi gə́ i a kḭ ne səa wa.

Pakɔsje 90:2

Ɓad ɓa kar mbalje to keneŋ ɓəi ləm, Ɓad ɓa kari unda naŋg nee gə dəwje gə́ keneŋ ləm tɔ lé I nja to Ala gə́ si kédé gə́ dɔtar saar gə no̰.

Pakɔsje 93:2

Kalimbai ləi to njaŋg kédé gə́ ləw-ləw ya saar ɓasinè ləm, I nja kara si gən kédé gə́ ləw saar gə nɔḭ ya ləm tɔ.

Pakɔsje 97:4

Tel lə ndi ləa lé ndogó dɔ naŋg nee Ar naŋg oo ndá yə ne ɓugu-ɓugu ya.

Esai 37:17

Njesigənea̰, maji kari tuga mbii par gə́ rɔm’g oo ne ta ləm, Njesigənea̰ maji kari teḛ kəmi aa ne loo oo. Maji kari oo ta lə Sa̰kɛrib gə́ yeḛ ula ne Rabsake aree ula ne sul dɔi-i Ala gə́ Njesikəmba’g lé.

Esai 37:4

Banelə Njesigənea̰, Ala ləi oo taje gə́ Rabsake pa, yeḛ gə́ ɓéeje gə́ to mbai gə́ Asiri ulá aree pa ula ne sul dɔ Ala gə́ Njesikəmba’g lé ya. Banelə Njesigənea̰, Ala ləi a kar bo̰ nérea ɔs təa’g gə goo taje lai gə́ yeḛ oo lé. Bèe ndá maji kari ra tamaji mbata koso-dəwje ləa gə́ nai ya ɓəi.

Esai 40:15

Aa ooje, ginkoji dəwje gə raŋg to d’asəna gə mán gə́ ku-golé’d Gə́ ndəi gɔl kára ba bèe ləm, Deḛ to d’asəna gə nduji naŋg Gə́ to mee nékwɔji-né’g bèe ləm tɔ, Aa ooje, dɔgoré-looje to d’asəna gə babur gə́ ḭ tul bèe!

Esai 40:28

See seḭ gərje el wa. See seḭ ooje taree el wa. Ala gə́ njesi gə ləbee-ləbee gə́ to Njesigənea̰ lé Yeḛ nja ɓa unda gwɔi naŋg nee, Yeḛ dao el ləm, Rea asee el ləm tɔ, Gosɔnégər ləa lé dəw kára kara as gər ŋgaŋgee el.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 65:16

Yeḛ gə́ a ndiŋga rəa Mba kiŋga ndutɔr mee ɓee’g neelé Yeḛ a ndiŋga rəa kar Ala gə́ tɔgərɔ Ɓa tɔr ndia dəa’g, Yeḛ a kubu rəa mee ɓee’g nee Ndá a kubu rəa gə ri Ala gə́ tɔgərɔ ya tɔ. Mbata nékəmndoo gə́ ləw lé Meḛ dəwje a kwəi dɔ’g ləm, D’a kiya rɔ dee kəm’g kág ləm tɔ.

Jeremi 23:36

Nɛ a paje pana: Ndərta lə Njesigənea̰ to nékodo gə́ wɔi lé a paje bèe el ŋga mbata nana kara ta gə́ teḛ təa’g ya a to nékodo gə́ wɔi mbata ləa-ləa. Seḭ lé seḭ turuje taje lə Ala gə́ njesikəmba, Njesigənea̰ gə́ njeboo-néje, Ala lə sí lé ilaje gel.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Jeremi 4:24

M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Jeremi 50:46

Kaa taa gə́ deḛ taa Babilɔn lé Ɓar ar naŋg yə, Ndu kii ɓar birim-birim Mbuna ginkoji dəwje gə raŋg’g.

Jeremi 51:29

Dɔ naŋg yə ɓugu-ɓugu ləm, Unda bala ləm tɔ, Mbata né gə́ Njesigənea̰ wɔji gə mba ra Gə Babilɔn lé aw lée’g béréré. Yeḛ a kar ɓee gə́ Babilɔn Tel to dɔdilaloo Gə́ dəw kára kara godo keneŋ.

Loo gə́ killa rea kəm Daniel’g 4:3

M’un ndum mba kar dee d’ar njékəmkàrje gə́ Babilɔn lai ree nɔm’g mba kar dee d’ɔr gin ni lé d’am.

Loo gə́ killa rea kəm Daniel’g 4:34

Ɓasinè, ma Nebukadnesar, m’pidii, m’ɔs gajii, m’ula rɔnduba dɔ mbai dɔ dara’g. Kula reaje lai to gə goo rəbee ya ləm, rəwje ləa to danasur ləma, deḛ gə́ njaa ti ne rɔ dee lé kara yeḛ askəm ɓugu dee naŋg ləm tɔ.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Loo gə́ killa rea kəm Daniel’g 6:27

Ma m’un ndum mba kar goo ɓeeko̰ ləm lai lé dəwje ɓəl Ala lə Daniel ləm, ndəb pəd-pəd nea̰’g ləm tɔ. Mbata yeḛ nja ɓa to Ala gə́ Njesikəmba ləm, Gə Njesigənea̰ ləm tɔ, Ɓeeko̰ ləa lé a tuji nda̰ el ləm, Dum dɔ loo ləa kara A to saar-saar gə no̰ ləm tɔ.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Misee 1:4

Mbalje léḛ gel gɔlee’g sələlə-sələlə To gə́ ya̰-tḛji léḛ ne ta pər’g bèe ləm, Kəm wəl-looje ta̰ To gə́ mán ula ne loo gə́ suru ɗum’g bèe ləm tɔ.

Nahum 1:5

Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Malasi 3:2

See na̰ ɓa a kaskəm kisi kəmba ndɔ ree’g ləa wa. See na̰ ɓa a kaar tar ndɔ gə́ yeḛ a teḛ lé wa. Mbata yeḛ a to kasəna gə pər lə njelḛ̀ lar ləm, a kasəna gə ya̰-kià lə njétogo kubuje kar dee ndá bèe ləm tɔ.

Matiyo 16:16

Simo̰ Piɛrə ilá keneŋ pana: I to Kristi gə́ to Ŋgon-Ala gə́ Njesikəmba lé nja.

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 5:26

Mbata mbuna dəwje lai gə́ d’aw kəmba lé see na̰ ɓa oo ndu Ala gə́ Njesikəmba gə́ pa ne ta dan pər’g to gə́ jeḛ j’ooje nɛ yeḛ si kəmba wa.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

Ǝbrəje 10:31

Koso gə́ dəw a koso ji Ala gə́ njesikəmba’g lé a to né gə́ to ɓəl kədm-kədm.

Jujé 3:10

Togə́bè ɓa Juje ula dee pana: Né neelé ɓa a kar sí gərje to gə́ Ala gə́ njesikəmba si mbuna sí’g ləm, yeḛ a gə tuba Kana̰je, gə Hetje, gə Hebje, gə Peresje, gə Girgasije, gə Amɔrje, gə Yebusje lé no̰ sí’g ləm tɔ.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

Njéga̰g-Rəwtaje 5:4

Ǝi Njesigənea̰, loo gə́ i unda loo mee ɓee gə́ Seir teḛ ləm, Loo gə́ i ɔd lam aw gə́ mee ndɔje gə́ Edɔm ləm tɔ lé Naŋg yə ləm, dara léḛ sələlə-sələlə ləma, Kil lə ndi kara tel to mán ləm tɔ.

1 Samel 17:26

Dabid dəji njérɔje gə́ d’aar mbɔree’g pana: See ɗi ɓa d’a kar yeḛ gə́ a tɔl dəw gə́ Pilisti nee ləm, a kɔr boo-rɔkul dɔ Israɛlje’g ləm tɔ lé wa. See dəw gə́ Pilisti nee gə́ inja tamɔdee el ya to na̰ ɓa aar ula sul dɔ njérɔje’g lə Ala gə́ njesikəmba lé wa.

1 Samel 17:36

To gə́ ma kura ləi m’tɔl ne toboḭ gə da-urs bèe lé ndá a to togə́bè gə dəw gə́ Pilisti gə́ nee gə́ to njelal kinja ta mɔdee lé to mbata yeḛ ula sul dɔ njérɔje’g lə Ala gə́ njesikəmba ya.