Jeremi 1:8 - Maktub gə́ To gə Kəmee

⁸ I a ɓəl kəm dee el, Mbata m’a nai səi gə mba kajii. Njesigənea̰ ɓa pa bèe.

Jeremi 1:8 Iomraidhean Croise

Teḛ-Raga 3:12

Ala pana: Ma nja m’a korè səi rəw na̰’d més, tɔɓəi né gə́ a kari gər gao to gə́ to ma nja m’ulai ɓa to nee: Loo gə́ i ar koso-dəwje d’unda loo mee ɓee gə́ Ejiptə teḛ mba̰ ndá seḭ a kwaje kila Ala dɔ mbal’g neelé ya.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 39:11

Nebukadnesar, mbai gə́ Babilɔn un ndia nee gə ndu Nebujaradan, mbai dɔ njéŋgəmlooje wɔji ne dɔ Jeremi pana:

Jeremi 42:11

Maji kar sí ɓəlje mbai gə́ Babilɔn Gə́ seḭ ɓəleeje lé el, Ɓəleje el ɓó, Njesigənea̰ ɓa pa bèe, Mbata m’a nai sə sí mba kaji sí ləm, Gə mba kɔr sí jia’g ləm tɔ,

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Loo gə́ killa rea kəm Daniel’g 3:25

Yeḛ tel pa pana: Ŋga, ma lé m’oo dəwje sɔ gə́ né gə́ tɔ dee ne lé godo rɔ dee’g ləm, deḛ njaa dan pər’g nɛ pər ra sə dee né el ləm tɔ, tɔɓəi njekɔm dee gə́ sɔ lé kəmee to tana gə kəm ŋgolə magəje bèe.

Matiyo 10:26

Bèe ndá arje dɔ sí to̰ keneŋ kəw el, mbata né gə́ to loo-kiya’g gə́ a lal kila rəa gə́ raga lé godo ləm, ta gə́ to loo-ŋgəḭ’g gə́ d’a tegginee gə́ raga el lé kara godo ləm tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Néra Njékaḭkulaje 18:10

mbata ma nja m’nai səi ya. Dəw kára kara a kɔrɔ rɔi ra səi majel el mbata koso-dəwje gə́ bula digi-digi mee ɓee-boo’g neelé to gə́ kama ya.

Néra Njékaḭkulaje 26:17

Ma m’kɔdi dan koso-dəwje’g neelé ləm, gə dan njépole-magəje gə́ m’a gə kulai par gə́ rɔ dee’g lé ləm tɔ,

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

Néra Njékaḭkulaje 4:29

Ɓasinè lé Mbaidɔmbaije, aa oo, loo kɔg gə́ d’ɔg sí rədədə lé ndá ar kuraje ləi d’ɔr ta ləi gə kəm ŋgon diŋgam ya ləm,

Njé gə́ Epesə 6:20

Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.

Tel tura Godndu 31:6

Waje rɔ sí kɔgərɔ ləm, waje diŋgam meḛ sí’g ləm tɔ. Ɓəlje el ləm, undaje bala no̰ dee’g el ləm tɔ, mbata Ala lə sí gə́ Njesigənea̰ nja a kaw sə sí na̰’d ləm, yeḛ a kya̰ goo sí yɔgɔ el ləma, yeḛ a kuba sí kya̰ sí el ləm tɔ.

Tel tura Godndu 31:8

Njesigənea̰ nja a kaw nɔḭ’g ləm, yeḛ a nai səi ləm, yeḛ a kya̰ gooi yɔgɔ el ləma, a kubai kya̰’i el ləm tɔ, ɓəl el ləm, unda bala no̰ dee’g el ləm tɔ.

Jujé 1:5

Gə mee ləbje lai gə́ i a si ne kəmba lé dəw kára kara a kaskəm kaar gəs nɔḭ’g el. M’a gə nai səi to gə́ m’nai ne gə Moyis bèe ya. M’a kɔr kya̰’i el ləm, m’a kubai kya̰’i el ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.