Jeremi 1:6 - Maktub gə́ To gə Kəmee

⁶ Ma m’tel m’ilá keneŋ m’pana: Wai! Mbaidɔmbaije gə́ Njesigənea̰, ma m’nai ŋgon yaa̰ ɓó m’askəm pata kəm koso-dəwje’g el.

Jeremi 1:6 Iomraidhean Croise

Teḛ-Raga 4:1

Moyis ilá keneŋ pana: Aa oo, d’a kɔm meḛ dee dɔm’g el ləm, d’a lel mbi dee koo ne ndum el ləm tɔ. Nɛ d’a pana: Njesigənea̰ teḛ dɔm’g el.

Teḛ-Raga 6:12

Moyis ila Njesigənea̰’g kəmee’g ya pana: Aa oo, Israɛlje ya ɓəi d’oo ta ləm el, ŋga see Parao̰ yḛ̀ a koo ta ləm loo gə́ ra’g wa. Ma lé m’to njetakwɔi.

Teḛ-Raga 6:30

Nɛ Moyis ila Njesigənea̰ keneŋ kəmee’g ya pana: Aa oo, ma lé m’to dəw gə́ njetakwɔi, see Parao̰ a koo ta ləm loo gə́ ra’g wa.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Jeremi 14:13

M’ilá keneŋ m’pana: Ǝi Mbaidɔmbaije gə́ Njesigənea̰, aa oo, njéteggintaje d’ula dee pana: D’a koo kiambas gogo el ŋga ləm, ɓoo-boo a teḛ dɔ dee’g gogo el ŋga ləm tɔ. Nɛ lée neelé i a kar dee d’isi dan kankəm meekulɔm’g.

Jeremi 32:17

Ǝi Mbaidɔmbaije gə́ Njesigənea̰, aa oo, i ra dara gə naŋg nee gə boo-siŋgamoŋ ləi ləm, gə goo jii gə́ un loo lad-lad ləm tɔ. Né kára kara gə́ njedumi godo.

Jeremi 34:6

Jeremi, njetegginta ula Sedesias, mbai gə́ Juda taje nee lai mee ɓee gə́ Jerusalem.

Jeremi 4:10

Ma m’pana: Ǝi Mbaidɔmbaije gə́ Njesigənea̰! Kédé i su kəm koso-dəwje nee Gə ɓee gə́ Jerusalem ya pana: D’a si dan meelɔm’g. Nɛ d’isi ta yoo-kiambas’g.

Ejekel 4:14

Ma m’pana: Wai, Mbaidɔmbaije gə́ Njesigənea̰, aa oo, m’ar rɔm mina̰ gɔl kára el, un kudee gə basəm ba ya saar ɓasinè lé m’usɔ da gə́ wəi gə́ kwəi əsé gə́ maree wá el ləm, dakas da gə́ mina̰ gə́ rara kara ɔrɔ tam el ləm tɔ.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.