Jeremi 1:5 - Maktub gə́ To gə Kəmee

⁵ Loo gə́ i nai dan məs’g mee kɔinje’g ya ɓəi lé Ma m’gəri, Kédé ɓa gə mba kar dee d’oji ɓəi lé Ma m’undai gə kəmee ləm, Ma m’undai gə́ njetegginta lə ginkoji dəwje gə raŋg ləm tɔ.

Jeremi 1:5 Iomraidhean Croise

Pakɔsje 139:15

Loo gə́ i undam loo-kiya’g ɓəi Ar barkəmrɔmje d’alé d’iŋga na̰ mee loo kuru gə́ lə naŋg lé ndá Rɔm oo loo-kiya-rəa kəmi’g pai godo.

Pakɔsje 139:16

Loo gə́ m’nai dan məskèm’g ɓəi ndá Kəmi oom ya, Ndɔ simje lai lé i tura ɗém-ɗém Ndaŋ dee ne mee maktub’g ləi mba̰ ɓa Ma m’isi ne kəmba ɓəi.

Teḛ-Raga 33:12

Moyis ula Njesigənea̰ pana: Aa oo, i ulam pana: M’ar dəwje neelé d’ḭ d’aw! Nɛ i am m’gər yeḛ gə́ i a gə kulá səm na̰’d lé el. Lé bèe kara i pana: I gərm gə rim ləm, m’taa kəmi rəgm ləm tɔ.

Teḛ-Raga 33:17

Njesigənea̰ ula Moyis pana: M’a ra né gə́ i dəjim neelé ya mbata i taa kəm rəgm ləm, ma m’gəri gə rii-i ləm tɔ.

Esai 44:2

Njesigənea̰ gə́ njera sí ləm, Yeḛ gə njekuba sí meḛ ko̰ síje’g ləma, Yeḛ gə́ njegəd sí ləm tɔ lé Pa togə́bè pana: Seḭ njé’g lə Jakob gə́ toje kuraje ləm, Seḭ Israɛlje ləm gə́ m’ɔr sí m’unda sí gə kəmee ləm tɔ lé Ɓəlje el!

Esai 49:1

Seḭ gə́ síje dɔgoré-looje’g lé Ooje ta ləm! Seḭ koso-dəwje gə́ síje əw lé Urje mbi sí gèŋ! Njesigənea̰ ɓarm mee ndəa gə́ d’ojim ne ləm, Yeḛ unda rim mee ndɔ gə́ ma m’teḛ ne mee kɔm’g ya ləm tɔ.

Esai 49:5

Njesigənea̰ pana: Neḛ nja n’gɔlm gə́ kura lə neḛ Un kudee ndɔ kojim’g Gə mba kam m’tel gə njé’g lə Jakob Gə́ to Israɛlje gə́ sanéna̰ lé gə́ rəa’g, Mbata d’ila riɓar dɔm’g kəm Njesigənea̰’g ləm, Ala ləm tɔ siŋgam ləm tɔ.

Jeremi 1:10

Oo maji, ɓogənè m’ɔri M’undai dɔ ginkoji dəwje gə raŋg’g ləm, Gə dɔ ɓeeko̰je ləm tɔ Gə mba kari tɔr dee təd dee rém-rém ləm, Gə mba kari tuji dee pugudu-pugudu Unda dee naŋg rə̰dəŋ-rə̰dəŋ ləma, Gə mba kari unda dee tar gə a ma̰a dee ləm tɔ.

Jeremi 1:4

Njesigənea̰ ulam ta gə rɔtaje nee pana:

Jeremi 20:15

Maji kar ndɔl wa dɔ dəw Gə́ njekula bɔm pana: To ŋgoni gə́ diŋgam Ar rɔlelee taa mée pəl-pəl lé.

Jeremi 25:13

Néje lai gə́ neḛ m’pa taree n’oji ne dɔ ɓee neelé ləm, gə néje lai gə́ ndaŋg mee maktub’g neelé ləm, gə ta néje lai gə́ Jeremi tegginee wɔji ne dɔ ginkoji dəwje gə raŋg lai ləm tɔ lé n’a karee teḛ dɔ ɓee’g neelé ya.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Lugu 1:15

Mbata yeḛ a to dəw gə́ boo kəm Mbaidɔmbaije’g lé. Yeḛ a kai mán-nduú gə́ mḭ el ləm, nékai gə́ mḭ kára kara a kɔs təa’g el ləm tɔ. Ndilmeenda ɓa a rusu mée njḭ-njḭ loo gə́ yeḛ a nai ne mee kea̰je’g ya ɓəi tɔ.

Lugu 1:41

Loo gə́ Elijabed oo ndu lapia lə Mari mba̰ ndá ŋgon gə́ mée’g lé un kudu kḭ ɓururu-ɓururu. Ndilmeenda taa mee Elijabed pəl-pəl.

Lugu 1:76

Nɛ i ŋgonkas lé d’a ɓari njetegginta lə Njekurdɔloo’g Mbata i a njaa no̰ Mbaidɔmbaije’g mba gɔl ne rəw kabee ləm,

Tagə́maji gə́ Ja̰ ndang 10:36

ndá see ban ɓəi ɓa yeḛ gə́ Bɔ-dəwje ya ɔree undá gə kəmee ulá naŋg nee ɓa seḭ paje səa pajena: Tapea to gə́ ta ndɔl wa. Seḭ paje bèe mbata pa gə́ ma m’pana: Ma m’to gə́ Ŋgon-Ala lé.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 8:29

Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

Njé gə́ Epesə 1:22

Yeḛ orè néje lai gə gin gɔlee mès ləm, aree to dəw dɔ Eglisə ləm tɔ.