Jeremi 1:19 - Maktub gə́ To gə Kəmee

¹⁹ Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 1:19 Iomraidhean Croise

Pakɔsje 129:2

Un kudee loo gə́ m’nai basa ya ɓəi lé D’ulam ndubu lé d’aree asm ya Nɛ dum ɓa deḛ dum dɔm el.

Jeremi 1:18

Bogenè m’undai dɔ ɓee’g Asəna gə ɓee-boo gə́ siŋga to yaa̰ ləm, Asəna gə gaji-kag larndul gə ndògo-larkas ləm tɔ Mba koma̰ ne mbaije gə́ Juda ləm, Gə ŋgan-mbaije lə dee Gə njékinjanéməsje lə dee ləma, Gə koso-dəwje lai gə́ mee ɓee’g neelé ləm tɔ.

Jeremi 1:8

I a ɓəl kəm dee el, Mbata m’a nai səi gə mba kajii. Njesigənea̰ ɓa pa bèe.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 2:1

Njesigənea̰ ulam ta gə rɔtaje nee pana:

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Jeremi 26:8

Loo gə́ Jeremi pata gə́ Njesigənea̰ ulá gə mba karee pa ar koso-dəwje lai ila naŋg ɗəgərə ndá njékinjanéməsje gə njéteggintaje gə koso-dəwje lai d’ubá d’wá pana: I a kwəi ya!

Jeremi 30:11

Mbata Njesigənea̰ pana: Ma m’nai səi gə mba kɔri kilai tar, Ginkoji dəwje gə raŋg lai Gə́ ma m’tubai m’ilai mbuna dee’g lé M’a tuji dee pugudu-pugudu, Nɛ i lé ndá m’a tujii pugudu el, M’a kar bo̰ nérai ɔs tai’g gə goo rəbee Ɓó ma m’askəm kya̰’i Lal kwɔjii kəmkàr el!

Jeremi 39:17

Njesigənea̰ pana: Nɛ mee ndəa’g neelé m’a kɔri kilai tar ndá i a tel koso meḛ ji dəwje gə́ i ɓəl dee’g lé el.

Jeremi 42:11

Maji kar sí ɓəlje mbai gə́ Babilɔn Gə́ seḭ ɓəleeje lé el, Ɓəleje el ɓó, Njesigənea̰ ɓa pa bèe, Mbata m’a nai sə sí mba kaji sí ləm, Gə mba kɔr sí jia’g ləm tɔ,

Jeremi 46:28

I kura ləm Jakob, maji kari ɓəl el. Njesigənea̰ ɓa pa bèe, Mbata m’a nai səi. M’a tuji ginkoji dəwje gə raŋg lai Gə́ m’sani mbuna dee’g lé pugudu, Nɛ i ndá m’a tujii pugudu el, M’a kar bo̰ nérai ɔs tai’g Nɛ gə goo rəbee ya Ɓó m’as kya̰’i lal kwɔjii kəmkàr el.

Loo gə́ killa rea kəm Daniel’g 3:25

Yeḛ tel pa pana: Ŋga, ma lé m’oo dəwje sɔ gə́ né gə́ tɔ dee ne lé godo rɔ dee’g ləm, deḛ njaa dan pər’g nɛ pər ra sə dee né el ləm tɔ, tɔɓəi njekɔm dee gə́ sɔ lé kəmee to tana gə kəm ŋgolə magəje bèe.

Bula lə Israɛlje 14:9

Nɛ maji kar sí ḭje ɔsje Njesigənea̰ rəw el ləm, ɓəlje dəwje gə́ mee ɓee’g neelé el ləm tɔ mbata d’a to naḭ dɔ muru lə sí ləm, né gə́ njetaa dɔ dee godo ləm tɔ: Njesigənea̰ nai sə sí ya ɓó ɓəl deeje el!

Néra Njékaḭkulaje 26:17

Ma m’kɔdi dan koso-dəwje’g neelé ləm, gə dan njépole-magəje gə́ m’a gə kulai par gə́ rɔ dee’g lé ləm tɔ,

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.