Jeremi 1:15 - Maktub gə́ To gə Kəmee

¹⁵ Mbata aa oo, m’a gə ɓar Koso-dəwje lai gə́ d’isi ɓeeko̰je Gə́ par gə́ dɔgel, Njesigənea̰ ɓa pa bèe, Ndá deḛ d’a ree kar nana kara a kunda kalimbai ləa Tarəwkɔgje lə ɓee gə́ Jerusalem No̰ ndògo-bɔrɔje lai gə́ gugu dəa ləm, Gə no̰ ɓee-booje lai gə́ Juda ləm tɔ.

Jeremi 1:15 Iomraidhean Croise

Esai 22:7

Kəm wəl-looje ləi gə́ maji dum lé pusu-rɔje taa loo keneŋ pəl-pəl ləm, Njérɔ gə kundaje d’aar pèrèrè tarəwkɔgje’g ləi ləm tɔ.

Jeremi 10:22

Aa ooje, sorta gə́ dəwje d’oo, To gə́ baŋga rɔ gə́ ḭ par gə́ dɔgel bèe ɓa si ree Gə mba kar ɓee-booje gə́ Juda tel to gə́ dɔ nduba ləm, Gə loo-to tàlje ləm tɔ.

Jeremi 10:25

Ar oŋg-boo ləi ɔm dɔ njépole-magəje’d Gə́ gəri el lé ləm, Gə dɔ koso-dəwje’d Gə́ ɓar rii el lé ləm tɔ, Mbata deḛ gaŋg njé’g lə Jakob mbidi-mbidi, Deḛ gaŋg dee, d’ar dee d’udu ləm, Deḛ tuji loo-si dee pugudu ləm tɔ.

Jeremi 13:20

I ɓee gə́ Jerusalem, un kəmi gə́ tar Oo ne njéba̰je ləi Deḛ d’ḭ par gə́ dɔgel d’aw ree. See koso-dəwje gə́ d’ari Gə́ to koso-dəwje Gə́ d’ula rɔnduba dɔi’g lé d’əd ra wa.

Jeremi 25:28

Nɛ ɓó lé deḛ mbad taa bai mán-nduú lé jii’g kai ndá ula dee pana: Njesigənea̰ gə́ njeboo-néje pa togə́bè pana: Lé riri kara seḭ a kaije ya!

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 33:10

Njesigənea̰ pa togə́bè pana: Lée neelé gə́ seḭ paje ta dɔ’g pajena: To dɔdilaloo gə́ dəwje gə daje godo keneŋ lé d’a koo mee ɓee-booje gə́ Juda ləm, gə mba̰-rəwje gə́ Jerusalem gə́ tuji pugudu ar dəwje gə daje godo keneŋ ləm tɔ lé

Jeremi 34:1

Ta gə́ Njesigənea̰ ula Jeremi gə rɔtaje nee loo gə́ Nebukadnesar, mbai gə́ Babilɔn gə njérɔje ləa lai ləm, gə ɓeeko̰je lai gə́ mee ɓeeje gə́ yeḛ o̰ ləma, gə koso-dəwje lai ləm tɔ d’aw rɔ gə njé gə́ Jerusalem gə ɓee-booje lai gə́ wɔji dəa lé ɓa nee:

Jeremi 34:22

Aa ooje, m’a kun ndum kar dee tel ree mee ɓee-boo’g neelé, deḛ d’a rɔ gə ɓee-booje neelé ləm, d’a taa ləma, d’a roo pər ləm tɔ. Tɔɓəi m’a kar ɓee-booje gə́ Juda tel to gə́ dɔdilaloo gə́ dəw godo keneŋ ya.

Jeremi 39:3

Yen ŋga deḛ lai gə́ to ŋgan-mbaije lə mbai gə́ Babilɔn lé d’aw kəm dee gə́ kédé d’aw d’isi tarəwkɔg’d gə́ ria lə Dana-bab lé. Deḛ lé ri dee ɓa nee: Nergal-Sareser ləm, Samgar-Nebu ləm, gə Sarsekim, mbai dɔ njékaa dɔ néje ləm, gə Nergal-Sareser, mbai dɔ bao-gosɔnégərje ləma, gə ŋgan-mbaije gə́ raŋg lai gə́ to ŋgan-mbaije lə mbai gə́ Babilɔn ləm tɔ.

Jeremi 4:16

Paje taree arje ginkoji dəwje gə raŋg ləm, Arje njé gə́ Jerusalem d’oo ləm tɔ: Deḛ gə́ d’aḭ dɔ dee sub gə rɔ lé D’ḭ dɔ ɓee gə́ əw’g, Deḛ d’uru kò-rɔ dɔ ɓee-booje gə́ Juda.

Jeremi 4:6

Waje nétɔji tar par gə́ Sio̰! Aḭje ɓó aarje naŋg el! Mbata m’a gə kar némeeko̰ gə nétuji gə́ boo D’a kḭ par gə́ dɔgel ree.

Jeremi 43:10

Ndá a kula Judaje pana: Njesigənea̰ gə́ njeboo-néje gə́ to Ala lə Israɛlje lé pa togə́bè pana: Aa ooje, m’a kula kula ɓar Nebukadnesar, mbai gə́ Babilɔn gə́ to kura ləm ndá m’a kunda kalimbai ləa dɔ kɔri-mbalje gə́ iya dee lé ndá yeḛ a kila ragaa ləa dɔ dee’g.

Jeremi 44:6

Ma m’ɓugu oŋg gə meekḭ jugugu ləm dɔ dee’g ndá m’roo ɓee-booje gə́ Juda ləm, gə mba̰-rəwje gə́ Jerusalem ləm tɔ ar dee tuji pugudu ləm, ar dee tel to dɔdilaloo ləm tɔ, to gə́ dəwje d’oo ɓogənè lé.

Jeremi 46:24

Ejiptə gə́ to asəna gə ŋgoma̰də bèe lé Deḛ d’ilá ji koso-dəwje gə́ d’ḭ dɔgel.

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

Jeremi 6:22

Njesigənea̰ pa togə́bè pana: Aa ooje, koso-dəwje D’ḭ par gə́ ɓee gə́ dɔgel bèe ree ləm, Boo-ginkoji dəwje d’ḭ rudu naŋg’d nee lai ləm tɔ.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Nɔ̰-ndôo gə́ wɔji dɔ Jerusalem 5:11

Deḛ d’ula sul dɔ denéje gə́ Sio̰ ləm, Gə dɔ ŋgama̰dje gə́ mee ɓee-booje gə́ Juda ləm tɔ.

Ejekel 32:30

Lée gə́ nee ɓa ŋgan-mbaije lai gə́ njékaa dɔ dəb ɓeeko̰je gə́ kel dɔgel ləm, gə njé gə́ Sido̰ lai ləm tɔ to keneŋ, deḛ gə́ d’aw rɔ njé gə́ d’wəi’g lé, lé siŋgamoŋ lə dee ɔm ɓəl dɔ loo’g ya kara rɔkul dəb dɔ dee’g, njépole-magəje neelé to gə njé gə́ d’wəi yoo-kiambas na̰’d ndá d’aw gə rɔkul-boo lə dee rɔ njé gə́ dubu dee bwa-dɔɓar’g.

Joɛl 2:20

M’a kɔs njéba̰je lə sí gə́ par gə́ dɔgel lé rəw no̰ sí’g ləm, M’a tuba dee par gə́ dɔdilaloo’d Gə́ tudu kurum-kurum ləm Kar deḛ gə́ njékɔrno̰ deeje D’oso dan baa-boo-kad’g par gə́ bər ləma, Kar njékaa goo deeje D’a koso dan baa-boo-kad’g par gə́ dɔ-gó ləm tɔ. D’a ndum kar nin dee ə̰də mbo̰ ləm, Ndum dee a kḭ kaar tar dan lel’g ləm tɔ Mbata deḛ ra sə sí némajelje gə́ boo.

Jakari 6:6

Kundaje gə́ ndul gə́ ndɔr pusu-rɔ gə́ kára mbuna mareeje’g lé d’aw par gə́ ɓee gə́ to dɔgel ləm, deḛ gə́ to kunda-ndulije d’aw goo dee’g ləm tɔ. Deḛ gə́ to kunda-mwɔjije d’aw par gə́ ɓee gə́ dɔkɔl tɔ.