Jeremi 1:12 - Maktub gə́ To gə Kəmee

¹² Ndá Njesigənea̰ ilam’g pana: I oo maji ya, mbata ta né gə́ ma m’pa lé M’isi kəmba dɔ’g mba ra née ya.

Jeremi 1:12 Iomraidhean Croise

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Jeremi 1:13

Njesigənea̰ dəjim ta Gə́ njekɔm’g gɔl joo gə rɔtaje nee pana: See ɗi ɓa i oo wa. Ma m’tel m’ilá keneŋ m’pana: Ma m’oo ŋgoro gə́ né wolé mée’g par gə́ kel dɔgel bèe.

Jeremi 24:3

Njesigənea̰ dəjim pana: Jeremi, see ɗi ɓa oo wa. Ma m’tel m’ilá keneŋ m’pana: Kandə kodéje ɓa m’oo. Kandə kodéje gə́ maji ndá maji yaa̰ ləm, njé gə́ majel lé majel yaa̰ kəm sɔ el mbata majel lə dee ləm tɔ.

Jeremi 31:28

To gə́ kédé m’orè ne kəm dɔ dee’g sḭ m’ɔr dee ne ləm, m’təd dee ne rém-rém ləm, m’unda dee ne naŋg rə̰dəŋ-rə̰dəŋ ləm, m’tuji dee ne pugudu-pugudu ləma, m’ɓugu dee ne ta némajelje’g ləm tɔ lé ndá ɓasinè m’a korè kəm dɔ dee’g sḭ togə́bè ya to gə mba kunda dee ne tar ləm, gə mba ma̰a dee ne ləm tɔ. Njesigənea̰ ɓa pa bèe.

Ejekel 12:25

Mbata neḛ Njesigənea̰ n’a pata ndá ta gə́ neḛ m’pa lé a kaw lée’g béréré ɓó kuree a kəw el. Tɔgərɔ ya mee ndɔje lə sí-seḭ gel-bɔje gə́ toje njékɔsta-rəwje lé n’a pata ndá n’a karee aw lée’g béréré ya, Mbaidɔmbaije gə́ Njesigənea̰ ɓa pa bèe.

Ejekel 12:28

Gelee gə́ nee ɓa maji kam m’ula dee m’pana: Njesigənea̰, Mbaidɔmbaije pa togə́bè pana: Kàr kar taje lə neḛ d’aw lée’g béréré lé kuree a kəw el ŋga, ta gə́ neḛ m’pa ndá a kaw lée’g béréré ya, Mbaidɔmbaije gə́ Njesigənea̰ ɓa pa bèe.

Amɔs 8:2

Yeḛ dəjim pana: Amɔs, see ɗi ɓa i oo wa. Ma m’pana: To karè gə́ kandə kagje gə́ ərə to keneŋ. Ndá Njesigənea̰ ulam pana: Ndəa lə koso-dəwje lə neḛ gə́ Israɛl lé rudee un ɗiao mba̰. N’a kar mee neḛ oso lemsé dɔ dee’g el.

Lugu 10:28

Jeju tel ilá keneŋ pana: I ilam keneŋ maji ya, ra togə́bè ndá i a kisi ne gə kəmə lé ya.

Lugu 20:39

Njéndaji-maktubje gə́ na̰je d’un ta d’ulá pana: Mbai, i pata maji boi.

Tel tura Godndu 18:17

Njesigənea̰ ilam’g pana: Né gə́ deḛ dəji lé to né gə́ maji ya.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.

Tel tura Godndu 5:28

Njesigənea̰ oo taje gə́ seḭ ulamje lé. Ndá Njesigənea̰ ulam pana: M’oo taje lə koso-dəwje gə́ d’ulai lé ya: ta néje lai gə́ deḛ pa lé to maji ya.