Maktub gə́ Jak ula ne ar ngan-Allaje 4:1 - Maktub gə́ To gə Kəmee

¹ See rɔ gə́ dəwje rɔ na̰ lé see ginee ḭ ra wa. Gin kəm ŋgununu gə́ to mbuna sí’g lé see ḭ ra ɓəi wa. Mal néje gə́ ula pər meḛ sí’g lé see yee ɓa gə́ gin koma̰ gə́ barkəmrɔ síje d’oma̰ gə na̰ el wa.

Maktub gə́ Jak ula ne ar ngan-Allaje 4:1 Iomraidhean Croise

Jeremi 17:9

Mee dəw ɓa ulá na̰’d Unda néje gə́ raŋg lai, Meeyèr taa loo keneŋ pəl-pəl, See na̰ askəm gər né gə́ to keneŋ wa.

Matiyo 15:19

Mbata takə̰ji gə́ majel ləm, gə tɔl gə́ dəw tɔl maree ləm, gə mɔdkaiya ləm, gə kaw gə́ balgogé ləm, gə ɓogo ləm, gə ta gə́ kɔr gaŋg dəa badə-badə ləma, gə tɔr maji rɔ mari’g rɔd-rɔd ləm tɔ lé to néje d’ḭ mee dəw’g gə́ kəi.

Tagə́maji gə́ Ja̰ ndang 8:44

Bausi-seḭje lé nja gə́ njekurai lé ndá né gə́ bɔ síje wɔji ɓa seḭ ndigi raje tɔlje bém. Yeḛ to njetɔ-kó-dəwje kédé gə́ dɔtar saar ɓó yeḛ wa ne bua gə kankəmta el mbata kankəmta gə́ tḛ́-tḛ́ bèe kara godo mée’g. Loo gə́ yeḛ pa taŋgɔm lé yeḛ pata gə́ wɔji dəa-yeḛ mbata taŋgɔm ɓa gə́ né gelee ya. Yeḛ to njepa taŋgɔm ləm, yeḛ to darɔ bɔ njéŋgɔmje lé ləm tɔ.

Njé gə́ Rɔmə 7:23

nɛ ma m’oo godndu gə́ raŋg gə́ ra kula dəb rɔm’g ɔs kaar godndu gə́ takə̰ji ləm ndigi lé ləm, wam ne ɓər ilam ne rəw’g lə kaiya gə́ ḭ kwɔim’g ne nja ləm tɔ.

Njé gə́ Rɔmə 7:5

Tɔgərɔ ya, loo gə́ jeḛ nai gin darɔ’g ɓəi lé ndá mal ra kaiya gə́ godndu kila gel dee lé taa rɔ sí yéŋgé-yéŋgé ar sí j’andə ne gə kandə sí gə́ ka̰ yoo ya tɔ.

Njé gə́ Rɔmə 8:7

Yeḛ gə́ wa goo rəa dɔ darɔ’g ndá yeḛ wa ba̰ gə Ala, mbata darɔ lé oso kul dɔ godndu Ala’g lé el mbata asəna̰’d aree el.

Njé gə́ Galati 5:17

Mbata mal né gə́ wɔji dɔ ka̰ darɔ lé to né gə́ ɔs mal néra gə́ ka̰ Ndil lé rəw, ar mal né gə́ wɔji dɔ Ndil lé ɔs mal né gə́ wɔji dɔ ka̰ darɔ lé rəw tɔ, mal néje gə́ togə́bè lé d’ɔs na̰ rəw mba kar sí raje né gə́ seḭ wɔjije-kwɔji raje lé el.

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

2 Timote 2:23

Ta dəji mbə gə́ gə mḭdé ba lé ɔs rəw gə́ raŋg mbata i gər gao ta dəji gə́ togə́bè ɓa oji kɔl ya.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Titə 3:9

Nɛ ta dəji mbə gə́ dəji ləm, gə ta gə́ wɔji dɔ ginka dəwje ləm, gə takɔl ləma, gə tamaḭ gə́ wɔji dɔ godndu lé ləm tɔ, ɔs dee rəw, mbata dee to gə́ taje gə́ to gə́ né el ləm, to gə mḭdé ba ləm tɔ.

Maktub gə́ Jak ula ne ar ngan-Allaje 1:14

Mal né gə́ ra darɔ dəw ɓa ilá ŋgərəŋ əree.

Maktub gə́ Jak ula ne ar ngan-Allaje 4:3

Seḭ kwɔiyeeje nɛ seḭ iŋgaje el mbata seḭ kwɔiyeeje kəmee’g el, seḭ kwɔiyeeje gə mba tɔl ne malee gə́ ra sí ɓa.

1 Piɛrə 1:14

Raje to gə́ ŋganje gə́ njékilakojije ɓó arje mal néje gə́ ra sí kédé loo gə́ seḭ naije ne dan mbə’g lé areeje ra sí el ŋga.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé