Maktub gə́ Jak ula ne ar ngan-Allaje 1:8 - Maktub gə́ To gə Kəmee

⁸ Mbata yeḛ to dəw gə́ njemeebəŋgərə ya, lé rəw gə́ rara gə́ a kaw keneŋ ndá mée a bəŋgəree kunda ka̰ gə no̰ ya.

Maktub gə́ Jak ula ne ar ngan-Allaje 1:8 Iomraidhean Croise

1 Mbaije 18:21

Yen ŋga Eli rəm pər gə́ rɔ koso-dəwje’g ndá yeḛ pana: See ndɔ gə́ ra ɓa seḭ a kəwje rɔ sí kulaje panjaa sí na̰’d lé wa. Ɓó lé Njesigənea̰ ɓa to Ala ndá awje gée’g, ŋga ɓó lé to Baal tɔ ndá awje gée’g tɔ. Koso-dəwje tel d’ilá keneŋ el.

2 Mbaije 17:33

Togə́bè ɓa dee ɓəl ne Njesigənea̰ nɛ dee pole ne magəje lə dee to gə goo néjiɓee lə ginkoji dəwje gə raŋg gə́ d’ḭ sə dee keneŋ ree sə dee lé.

2 Mbaije 17:41

Ginkoji dəwje gə raŋg neelé ɓəl Njesigənea̰ ya nɛ deḛ pole néndaji magəje tɔ, bèe ɓa ŋgan deeje gə ŋgan meḛ ŋgan deeje ra to gə́ bɔ deeje-je ra saar teḛ ne mee ndəa gən lé.

Pakɔsje 119:113

Dəwje gə́ njémeebəŋgərəje lé M’ə̰ji dee bəḭ-bəḭ, Nɛ godndui lé ɓa m’unda dan kəm’g.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Ojee 10:2

Meḛ dee tɔ joo ndá d’a koo kea̰ ya. Njesigənea̰ a gə tɔs loo-pole-magje lə dee tila ləm, A gə tuji néndajije lə dee gə́ to kɔr mbalje lé ləm tɔ.

Matiyo 6:22

Kəmi ɓa to néndogó gə́ darɔi àr ne ŋgad-ŋgad, ɓó lé kəmi àr ŋgad-ŋgad ndá darɔi bura kara a sa rəw tɔ.

Matiyo 6:24

Dəw kára askəm ra kula kar ɓéeje joo el, nà banelə a kwa gə yeḛ gə́ kára mée’g nɛ a kunda yeḛ gə́ kára ɓa dan kəmee’g tɔ, əsé yeḛ a ki rəa kər-kər gə́ rɔ yeḛ gə́ kára’g nɛ a ɓaar yeḛ gə́ kára tɔ. Seḭ asjekəm kundaje-kunda Ala lé ləm, gə kundaje-kunda néhulaije gə́ dɔ naŋg nee ləm tɔ ɓa korèje ne na̰ el.

Maktub gə́ Jak ula ne ar ngan-Allaje 1:7

Maji kar dəw gə́ mée joo bèe lé ə̰ji mée’g to gə́ a gə kiŋga né ji Mbaidɔmbaije’g lé el.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

2 Piɛrə 2:14

Mɔdkaiya ula pər meḛ dee’g biriri-biriri, ŋgur kaiya gə́ ra dee lé ɔr meḛ dee’g el, dəwje gə́ gɔl dee wa naŋg el lé deḛ su kəm dee ndɔr dee ne goo dee’g, deḛ to njékwəiyoolarje, deḛ to ŋgan njékilandɔl dɔ loo’gje tɔ.

2 Piɛrə 3:16

Yee ɓa gə́ ta gə́ yeḛ ndaŋg mee maktubje lai loo gə́ yeḛ ɔr goo ta neelé keneŋ ya. Ta gə́ na̰je gə́ yeḛ ndaŋg lé to kədərə gə mba gər ginee ndá mbəje gə deḛ gə́ gɔl dee wa naŋg el lé deḛ turu ta ləa d’ila gel to gə́ deḛ ra gə ta gə́ raŋg gə́ mee maktub gə́ to gə kəmee lé nɛ d’a gə tuji ne ya.