Maktub gə́ Jak ula ne ar ngan-Allaje 1:12 - Maktub gə́ To gə Kəmee

¹² Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Maktub gə́ Jak ula ne ar ngan-Allaje 1:12 Iomraidhean Croise

Gḭ-Néje 22:1

Gée gə́ gogo Ala naa mee Abrakam ndá yeḛ baree pana: Abrakam! Yeḛ ndigi təa’g pana: Yḛ̀ m’aar nee.

Nehemi 1:5

Ma m’pana: Ǝi Njesigənea̰, Ala, i gə́ to mbai dɔ dara ləm, i gə́ to Ala gə́ boo gə́ to ɓəl kədm-kədm ləm, i gə́ aa dɔ manrɔ ləi kər-kər ləma, i gə́ to njekookəmtondoo lə deḛ gə́ d’undai dan kəm dee’g d’aa ne dɔ godnduije kər-kər ləm tɔ lé

Maktub gə́ wɔji dɔ Jɔb 2:10

Nɛ Jɔb tel ilá keneŋ pana: I pata asəna gə mbə-dené bèe. Mba ɗi ɓa j’iŋga né gə́ maji rɔ Ala’g lé ndá see j’a taa né gə́ majel to el wa. Gə goo néje lai lé Jɔb ra ne kaiya gə taje gə́ teḛ təa’g el.

Maktub gə́ wɔji dɔ Jɔb 5:17

Rɔlel nai gə dəw gə́ Ala wɔjee kəmkàr, Maji kari ɔs takwɔji-kəmkàr lə Bao-siŋgamoŋ rəw el.

Pakɔsje 11:5

Njesigənea̰ lé naa meekuru lə njemeekarabasur ya. Nɛ njemeeyèr gə njera né kərm-kərm lé yeḛ ə̰ji dee bəḭ-bəḭ.

Pakɔsje 119:67

Loo gə́ d’am m’oso kul el ɓəi ndá M’ndəm rəw ya, Nɛ ɓasinè lé m’orè kəm sḭ dɔ ta’g ləi.

Pakɔsje 119:71

Kula gə́ d’ula kəm ndòo lé tel to maji dɔm’g Gə mba karm m’ndoo ne godnduije ya.

Pakɔsje 119:75

Ǝi Njesigənea̰, ma m’gər gao Rəwta-gaŋgje ləi lé to gə dɔ najee ya. Meenda londoŋ lé ɓa i am m’oso ne kul.

Pakɔsje 5:11

Ǝi Ala, maji kari tuji dee pugudu ləm, Maji kar né gə́ d’wɔji-kwɔji ra lé Ɔm dee loo-tuji’g ləma, Maji kari ɔs dee piriŋ ila dee Mbata kaiyaje lə dee gə́ dum tura ləm tɔ Mbata deḛ d’ḭ səi d’ɔsi rəw.

Pakɔsje 94:12

Ǝi Njesigənea̰, rɔlel nai gə dəw gə́ i wɔjee kəmkàr lé ləm, Gə yeḛ gə́ i nja ndée godndui lé ləm tɔ.

Teḛ-Raga 20:6

nɛ ma m’oo kəmtondoo lə deḛ gə́ d’undam dan kəm dee’g ar dee d’aa ne dɔ ndukunje lem kər-kər lé saar ŋgaka deeje gə́ kudu tɔl-tɔl-dɔg (1.000) ya tɔ.

Gosota-Kəmkàrje 17:3

Bai-kɔr wɔji dɔ larnda ləm, Bwa-bṵda wɔji dɔ larlɔr ləm tɔ, Nɛ yeḛ gə́ njenaa mee dəwje lé To Njesigənea̰ ɓa.

Esai 64:4

I ɔr no̰ yeḛ gə́ ra né gə́ gə dɔ najee gə rɔlel ləm, Gə no̰ deḛ gə́ njaa gə kila-rəwje ləi, D’ar meḛ dee olé ne dɔi’g ləm tɔ. Nɛ məəi ḭ səi jugugu mbata jeḛ n’raje kaiya. Yee ɓa jeḛ j’isije ne dan némeeko̰’g kur sí əw Saar ɓa i ɔr sí danee’g ɓəi.

Jakari 13:9

N’a kɔm debee gə́ nai neelé dan pər’d ndá n’a ndiree to gə́ deḛ ndiri ne larnda gə mba kar siḭyee teḛ ləm, n’a naa dee to gə́ deḛ naa ne larlɔr bèe ləm tɔ. Deḛ d’a ɓar ri neḛ ndá n’a koo ta lə dee. N’a pana: To koso-dəwje lə neḛ. Ndá d’a pana: Njesigənea̰ to Ala lə síjeḛ tɔ.

Matiyo 10:22

Dəwje lai d’a koo sí gə kəm dɔbee gə mbata lə rim ya, nɛ yeḛ gə́ a kai mée sam-sam ndá ndəa lé a kaji ne ya.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Njé gə́ Rɔmə 5:4

meekila lé tel meekai ləma, meekai lé gə́ kuma̰ meekundayel ləm tɔ.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

1 Njé gə́ Kɔrḭtə 8:3

Nɛ ɓó lé dəw kára unda Ala dan kəmee’g ndá Ala gər ndiaa tɔ.

1 Njé gə́ Kɔrḭtə 9:25

Deḛ lai gə́ ndum na̰ lé d’ɔg rɔ dee dɔ néje’g ɓəd-ɓəd ti meḛ dee mbidi gə mba kiŋga ne dɔgugu gə́ a gə ŋgisi ya. Nɛ jeḛ lé n’ra gə mba kiŋga ne dɔgugu gə́ ŋgira kiŋ-kiŋ gə́ a gə ŋgisi el lé.

Tel tura Godndu 13:3

Ɓó lé nétɔji əsé nédumkoo gə́ yeḛ pa taree lé aw lée’g béréré gə goo ta gə́ yeḛ ula sí ləma, ɓó lé yeḛ pa pana: Ar sí j’awje goo magəje gə́ raŋg’d gə́ seḭ gər deeje el, ar sí j’awje j’aw m’pole deeje ləm tɔ lé ndá

Tel tura Godndu 7:9

Bèe ndá maji kar sí gərje gao to gə́ Ala lə sí gə́ Njesigənea̰ lé yeḛ nja to Ala gə́ gəd ya. Ginka dəwje gə́ d’undá dan kəm dee’g d’aa ne dɔ ndukunje ləa kər-kər lé, yeḛ to Ala gə́ aar njaŋg dɔ manrɔ’g ləa ləm oo kəmtondoo lə dee ləm tɔ saar loo tɔl-dɔg (1.000) ya.

Tel tura Godndu 8:2

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

2 Timote 2:15

Un rɔi ɓidi mba kar Ala ooi gə́ njekula gə́ maji péd-péd gə́ ra kəmkul el ləm, gə́ ɔr goo kankəmta gə goo rəbee sur ləm tɔ.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Ǝbrəje 10:32

Arje meḛ sí olé dɔ ndɔ gə́ dɔtar loo gə́ kəm sí inja mba̰ ndá seḭ ulaje rɔ sí ndubu dan nékəmndooje’g.

Ǝbrəje 11:17

Meekun lé ɓa Abrakam un ne Isaak ar Ala loo gə́ Ala aḭ ne mée lé. Ŋgonee gə́ kára ba jia’g, nɛ yeḛ un aree. To ŋgon gə́ ndukun lə Ala ɓa d’ojee ne ləm,

Ǝbrəje 12:5

Seḭ arje meḛ sí wəi dɔ ta gə́ deḛ ndəji sí bər-bər to gə́ ŋgankojije bèe pana: Ŋgonəm, loo gə́ Mbaidɔmbaije ulai kəmkàr dɔ nérai’g ndá ula ne sul dəa’g el ləm, Loo gə́ yeḛ ndəjii bər-bər ndá ar məəi ila kas bilim el ləm tɔ.

Ǝbrəje 6:15

Bèe ɓa Abrakam ai ne mée sam-sam ɓa iŋga ne né gə́ wɔji dəa ɓəi.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

Maktub gə́ Jak ula ne ar ngan-Allaje 5:11

Aa ooje, jeḛ m’pana: Deḛ gə́ d’ai meḛ dee sam-sam dan némeeko̰’g lé a maji dɔ dee’g. Seḭ ooje ta meekai sam-sam lə Jɔb ləm, tɔɓəi seḭ ooje né gə́ Mbaidɔmbaije aree ndɔ gə́ rudee un’g lé ləm tɔ mbata Mbaidɔmbaije lé koo kəmtondoo gə meekɔrjol taa rəa pəl-pəl ya.

1 Piɛrə 3:14

Loo gə́ seḭ sije dan némeeko̰’g mbata seḭ raje né gə goo rəbee kara rɔ sí a lel sí ne. Ɓəlje né gə́ dəwje ɓa ɓəl bèe el ləm, arje meḛ sí pélé wəs-wəs el ləm tɔ.

1 Piɛrə 4:13

Ɓó lé seḭ ɔmje meḛ sí na̰’d sad gə Kristi loo meeko̰’g ləa ndá raje rɔlel mba kar loo gə́ yeḛ a nduba rəa gə́ raga lé dɔ rɔlel lə sí a kɔr ne njal ləm, seḭ a kalje ne rɔ sí səa na̰’d ləm tɔ.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

1 Ja̰ 4:19

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

Loo gə́ killa rea kəm Ja̰’g 3:21

Yeḛ gə́ a kun baŋga lé m’a karee si səm kalimbai’g ləm, to gə́ ma nja m’un baŋga m’isi ne gə Bɔm kalimbai’g ləa-yeḛ lé tɔ.