Maktub gə́ Jak ula ne ar ngan-Allaje 1:10 - Maktub gə́ To gə Kəmee

¹⁰ Ŋgoko̰ sí gə́ to gə́ bao lé maji karee-yeḛ nja nda mée kaḭ dɔ koso kul’g ləa, mbata yeḛ a dəs pèd asəna gə pudu muje bèe.

Maktub gə́ Jak ula ne ar ngan-Allaje 1:10 Iomraidhean Croise

Maktub gə́ wɔji dɔ Jɔb 14:2

Yeḛ nduba rəa to gə́ pudu bèe ndá gəḭ, Yeḛ ɔd aw to gə́ ndil kag gə́ sané pá bèe.

Pakɔsje 102:11

Mbata oŋg gə meeko̰ ləi gə́ ḭ səi jugugu lé, Mbata i unm undam ne piriŋ ilam ne əw ya.

Pakɔsje 103:15

Dəw lé ndɔ ləa to asəna gə ndɔ ka̰ muje bèe ləm, Yeḛ to asəna gə puduje gə́ mee ndɔje’g bèe ləm tɔ.

Pakɔsje 37:2

Mbata deḛ lé ndòlé kalaŋ to gə́ mu bèe ləm, Deḛ gəḭ to gə́ gum mu gə́ təb bèe ləm tɔ.

Pakɔsje 39:6

Aa oo, i lé mbo̰ ndɔje ləm na̰’d Ar dee tad d’asəna gə dabla ji dəw bèe ləm, Kisi gə́ m’isi dɔ naŋg nee kara To né gə́ əḭ kəmi’g el ləm tɔ. Tɔgərɔ ya, dəw gə́ rara gə́ aar tar lé To asəna gə kəmə gə́ kila pugudu bèe.

Esai 40:6

Ndu dəw ɓar pana: Ila mberee! Yeḛ ilá keneŋ pana: Ta ɗi ɓa m’a kila mberee wa. Dəwje lai to d’asəna gə mu Ar rɔnduba lə dee kara to asəna gə puduje gə́ mee ndɔje’g bèe.

Esai 40:7

Mu ndòlé ləm, pudu gəḭ ləm tɔ Loo gə́ Njesigənea̰ ila kəmə pugudu dɔ dee’g ya. Tɔgərɔ koso-dəwje lé to d’asəna gə mu bèe ya.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 66:2

Néje lai neelé jim-ma nja ɓa ra dee ləm, Mbɔl dɔm-ma ɓa d’isi ne kəmba ləm tɔ. Aa ooje, dəw gə́ m’orè kəm ndəŋ dəa’g ɓa nee: Dəw gə́ si dan némeeko̰’g Esé yeḛ gə́ unda bala ləm, Yeḛ gə́ ɓəl ta ləm ləm tɔ.

Matiyo 5:3

Deḛ gə́ d’ula dɔ dee lé rɔ dee lel dee, Mbata ɓeeko̰ gə́ dara to ka̰ dee-deḛ ya.

Matiyo 6:30

Ɓó lé Ala ar muje d’ḭ ma̰də nɛ mu gə́ ḭ ma̰də ndɔ kára ba d’inja yel ne pər mee pil’g nɛ ɓəd ɓa see Ala a lal kar sí kubu-kula-rɔ sí’g wa, seḭ njémeekunje gə́ əḭ el.

1 Njé gə́ Kɔrḭtə 7:31

deḛ gə́ d’un néje gə́ dɔ naŋg ra ne kula lé maji kar dee d’isi d’asəna gə dəwje gə́ d’ar néje gə́ dɔ naŋg nee wa meḛ dee yaa̰ el ləm tɔ. Mbata dɔ naŋg neelé a gə tel wagəsa ɓəi.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

1 Timote 6:17

Ndəji baoje gə́ dɔ naŋg nee ɓasinè lé mba kar dee beelé dɔ rɔ dee’g el ləm, gə mba kar dee d’unda meḛ dee yel gə́ dɔ nébaoje gə́ a gə to njaŋg el lé el ləm tɔ. Nɛ maji kar dee d’unda meḛ dee yel gə́ dɔ Ala lé gə́ njedaa sí gə néje rib-rib mba kar sí ndá ne meḛ sí kaḭ.

Maktub gə́ Jak ula ne ar ngan-Allaje 4:14

Né gə́ a teḛ dɔ sí’g bèlè lé seḭ gərje el! Mbata see ɗi ɓa gə́ kəmə lə sí wa. Seḭ toje asəna gə kṵji mán gə́ teḛ sa gi-gi, nɛ waga ba ndá tel sané kad bèe tɔ.

1 Piɛrə 1:24

Mbata Dəwje lai lé to d’asəna gə mu ləm, Rɔnduba lə dee kara to asəna gə pudu néje ləm tɔ, Mu ndòlé ləm, pudu gəḭ ləm tɔ,

1 Ja̰ 2:17

Naŋg neelé gə malee lé a dəs gə lèlé ba, nɛ yeḛ gə́ ra torndu Ala aree ɔr rɔd ɓa a si gə ləbee-ləbee gə no̰.