Este 7:9 - Maktub gə́ To gə Kəmee

⁹ Bèe ɓa Harbona, dəw kára gə́ mbuna njékaa dɔ néje’g pa kəm mbai’g pana: Aa oo, kag gə́ Aman gɔl gə́ ŋgalee as kəmkil dəw rɔ-mi lé d’ur mee kəi’g ləa mbata lə Mardose, yeḛ gə́ pata gə́ maji aji ne mbai lé. Mbai pana: Maji kar dee ɗar Aman ya dɔ’g.

Este 7:9 Iomraidhean Croise

2 Mbaije 9:32

Jehu un kəmee gə́ tar aa loo gə́ kəmbolè’g ndá dəjee pana: See na̰ ɓa a kɔm səm na̰’d wa. See to nawa. Njékaa dɔ kəije joo əsé munda jén bèe ree d’aa loo kəmbolè’g d’ée.

Este 1:10

Ndɔ gə́ njekɔm’g siri lé loo gə́ mee mbai lelee gə goo mán-nduú gə́ rəa ndá yeḛ un ndia ar Mehuman ləm, gə Bista ləm, gə Harbona ləm, gə Bigta ləm, gə Abagta ləm, gə Jetar ləma, gə Karkas ləm tɔ, deḛ gə́ siri nee gə́ to njékaa dɔ kulaje no̰ mbai Asuerus’g lé

Este 5:14

Jeres gə́ dené ləa, gə baokuraje ləa lai d’ulá pana: Maji kari ar dee gɔl kag d’ar ŋgalee as kəmkil dəw rɔ-mi ndá bèlè gə ndɔ maji kari dəji mbai gə mba kar dee ɗar Mardose dɔ’g. Yen ɓa i a kaw gə rɔlel gə mbai lé ɓəi.

Este 6:14

Loo gə́ d’aw d’ulá ta bèe-bèe ɓəi ndá njékaa dɔ néje lə mbai ree ndá léegəneeya d’aw gə Aman loo muru-gad gə́ Este gɔl lé.

Este 6:2

deḛ d’iŋga ta gə́ Mardose pa riba ne dɔ ta lə Bigtan gə Teres, njékaa dɔ néje lə mbai joo gə́ to njéŋgəm tarəwkɔgje tɔ, to gə́ deḛ ɓa d’o̰ njuma̰ tɔl Asuerus, mbai lé.

Este 8:7

Mbai Asuerus ula dené ləa Este gə Mardose gə́ to Jip lé ta pana: Aa oo, m’ar Este kəi lə Aman ləm, m’ar dee ɗaree dɔ kag’d ləm tɔ mbata yeḛ aw gə Jibje gə ta.

Este 9:14

Mbai lé un ndia ar dee ra togə́bè ya tɔ. Godndu neelé d’ila mberee mee ɓee gə́ Susə. Tɔɓəi deḛ ɗar ŋgalə Aman gə́ dɔg lé ya tɔ.

Este 9:25

Nɛ Este aw aar no̰ mbai’g ndá mbai ndaŋg maktub un ne ndia mba kar némeeyèr gə́ Aman wɔji mée’g mba tuji ne Jibje lé tel oso dəa-yeḛ’g ya ləm, gə mba kar dee ɗaree ne dɔ kag’d, yeḛ ləm gə ŋganeeje ləm tɔ.

Pakɔsje 141:10

Maji kar njémeeyèrje lé D’oso wul ba̰də’g lə dee-deḛ ya Gə mba karm m’aḭ m’igi ne pá gə́ léegəneeya.

Pakɔsje 35:8

Maji kar tuji teḛ dɔ dee’g wai ləm, Maji kar ba̰də gə́ d’ila mba kwam ne lé tel wa dee Kar dee d’oso keneŋ tuji ne pugudu ləm tɔ.

Pakɔsje 73:19

Kwii! léegəneeya deḛ tuji pugudu! Né gə́ to ɓəl gə́ a tuji dee ləm, Kar dee godo ləm tɔ lé uba dee naŋg bus!

Loo gə́ killa rea kəm Daniel’g 6:24

Yen ŋga, rɔ mbai lé lelee yaa̰ aree un ndia mba kar dee d’ɔr Daniel mee bwa’d lé teḛ səa raga. Daniel lé d’ɔree mee bwa’g teḛ səa raga ya ndá d’iŋga doo kára kara rəa’g el mbata yeḛ ɔm mée dɔ Ala’g lé ləa jəb-jəb.

Loo gə́ killa rea kəm Daniel’g 6:7

Togə́bè ɓa mbaije neelé gə njékaa dɔ dəb ɓeeko̰je lé mbo̰ dɔ na̰ rɔ mbai’g d’ar ndu dee ɓar birim-birim, tɔɓəi d’ulá ta togə́bè pana: Mbai Darius, maji kari si gə ləbi-ləbi gə nɔḭ!

1 Samel 17:51

Dabid aḭ ŋgwɔd aw aar dɔ dəw gə́ Pilisti’g lé ɔr kiambas ləa-yeḛ ya sɔlee’g tɔlee ne ləm inja ne dəa gaŋg ləm tɔ. Loo gə́ Pilistije d’oo to gə́ bao-rɔ lə dee wəi ndá deḛ təd d’aḭ.