Este 7:3 - Maktub gə́ To gə Kəmee

³ Este, dené lə mbai lé ilá keneŋ pana: Ǝi mbai, ɓó lé m’taa kəmi rəgm ləm, ɓó lé mbai oo gə́ né gə́ maji kəm ra ndá am m’isi kəmba ya, yee ɓa gə́ né gə́ m’dəji ləm, ar dəwje ləm kara d’isi kəmba ləm tɔ, yee ɓa gə́ né gə́ m’ndigi tɔ.

Este 7:3 Iomraidhean Croise

1 Mbaije 20:31

Kuraje ləa d’ulá pana: Aa oo, jeḛ j’oo to gə́ mbaije lə Israɛlje lé to mbaije gə́ njémeekoso ləmséje. Bèe ndá j’a tɔ kubu-kwa-ndòo reŋ sí’g ləm, j’a tɔ dɔ sí gə kúla ləm tɔ ndá j’a teḛ kaw rɔ mbai lə Israɛlje’g, banelə yeḛ a kya̰’i kəmba.

2 Mbaije 1:13

Ahajia ula kula ar ɓé-njérɔje ləa gə́ rɔ-mi gə́ njekɔm’g munda, aree ree rɔ Eli’g ya tɔɓəi. Ɓé-njérɔje gə́ njekɔm’g munda neelé ree ɔs kəjee naŋg no̰ Eli’g ra ndòo rəa’g pana: I dəw lə Ala, m’ra ndòo rɔi’g mba kar si kəmba ləm-ma gə ka̰ njérɔje ləm gə́ rɔ-mi nee gə́ to kuraje ləi lé to né gə́ əḭ kəmi’g ya kari.

Este 4:8

Yeḛ aree maktub ndukun gə́ d’ila mberee mee ɓee gə́ Susə gə mba tuji dee ne gə mba karee tɔji Este gə mba karee gər néje lai. Tɔɓəi yeḛ un ndia mba kar Este aw rɔ mbai’g aw ra ndòo rəa’g dəjee mba karee ra meemaji gə ginkoji ləa tɔ.

Este 5:8

Ɓó lé m’taa kəm mbai rəgm ləm, ɓó lé rɔ mbai lelee gə mba ndigi səm dɔ nédəji’g ləm gə mba kam né gə́ m’ndigi ləm tɔ ndá maji kar mbai gə Aman ree loo muru-gad gə́ m’a gə gɔl mbata lə dee lé ndá bèlè ɓa m’a tel kila mbai keneŋ gə goo ndukun ləa ɓəi.

Este 7:7

Yen ŋga oŋg ḭ gə mbai aree ḭ ya̰ muru-gad ɔd aw gadloo’g ləa. Nɛ Aman si dəji Este gə́ dené lə mbai meekoso lemsé mbata yeḛ oo to gə́ mbai wa dɔ gɔl tuji wɔji ne dəa mba̰ ya.

Este 8:5

Yeḛ pa tɔɓəi pana: Ɓó lé mbai oo gə́ né gə́ maji kəm ra ləm, ɓó lé m’taa kəm mbai rəgm ləm, ɓó lé to né gə́ a maji ləma, ɓó lé m’to maji kəm mbai’g ləm tɔ ndá maji kar dee ndaŋg maktub tuji ne ta gə́ Aman, ŋgolə Hamedata wɔji mée’g ar dee ndaŋg mba tuji ne Jibje lai gə́ d’isi dəb ɓeeko̰je’g lə mbai lé ɓa.

Maktub gə́ wɔji dɔ Jɔb 2:4

Yen ŋga Njekurai tel ila Njesigənea̰’g pana: Ndar rɔ tɔ ndar rɔ tɔ. Néje lai gə́ dəw iŋga lé yeḛ un ar mba kuga ne darəa ya.

Jeremi 38:26

I a kila dee keneŋ pana: M’ra ndòo rɔ mbai’g mba karee am tel m’aw kəi lə Jonatan el nà m’a kwəi keneŋ.