Este 1:4 - Maktub gə́ To gə Kəmee

⁴ Yeḛ tɔji dee nébaoje lə ɓeeko̰ gə́ to rib-rib ləm, gə rɔnduba lə ɓeeko̰ ləa gə́ boo gə́ ndɔḭ wər-wər ləm tɔ as ndɔje bula, as ndɔje tɔl-dəa-rɔ-jinaijoo (180) ya.

Este 1:4 Iomraidhean Croise

1 Sôrta Gḭka-Israɛlje 29:25

Njesigənea̰ ar Salomo̰ to dəw gə́ boo ur dɔ loo kəm Israɛlje’g lai ləm, yeḛ ar ri ɓeeko̰ ləa ɓar ur dɔ ka̰ mbaije gə́ Israɛl lai gə́ nea̰’g kédé lé ləm tɔ.

Este 1:3

Ləb ko̰ɓee ləa gə́ njekɔm’g munda lé yeḛ ar dee ra muru-gad mbata lə ŋgan-mbaije ləa lai ləm, gə kuraje ləa ləm tɔ. Ɓé-njérɔje lə Persəje gə Medəje ləm, gə dəwje gə́ boo-boo ləma, gə njékaa dɔ dəb ɓeeko̰je ləm tɔ lé mbo̰ dɔ na̰ nea̰’g.

Este 1:5

Loo gə́ ndɔje neelé d’as mba̰ ndá mbai ar dee ra muru-gad mbata lə koso-dəwje lai gə́ d’isi mee ɓee-boo’d gə́ Susə lé un kudee dɔ njé gə́ boo-boo’g saar teḛ ne dɔ ŋgan-dəwje’g as ndɔ siri gadloo gə́ mee kəi-mbai’g lé.

Maktub gə́ wɔji dɔ Jɔb 40:10

Maji kari ɗɔi rɔi gə boo-nérɔnduba gə némajije gə́ bə̰dərə bə̰ ləm, Maji kari ula rɔnduba gə riɓar rɔi’g to gə́ kubu bèe ləm tɔ.

Pakɔsje 145:5

Boo-ronduba ləi gə́ maji dum lé M’a pa taree ləm, Néraije gə́ maji dum lé kara M’a kɔs ne pa ya ləm tɔ.

Pakɔsje 21:5

Yeḛ dəjii kəmə mba si kəmba ndá I aree ya ləm, I aree si kəmba saar-saar gə no̰ ya ləm tɔ.

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Pakɔsje 93:1

Njesigənea̰ lé o̰ ɓee, Boo-ronduba lé yeḛ dolè ne rəa yul ya ləm, Siŋgamoŋ ləa kara yeḛ tɔ ne rḛgee ya ləm tɔ. Bèe ɓa naŋg lé ŋgəŋ ne ŋgəŋ-ŋgəŋ Ɓó né kára kara yə ŋgirá el.

Esai 39:2

Ejekias ra ne rɔlel ndá yeḛ tɔji njékaḭkulaje neelé loo gə́ nébaoje ləa lai gə́ gad dee to yaa̰ gə́ to larnda, gə larlɔr, gə néje gə́ ə̰də sululu, gə ubu gə́ gadee yaa̰, gə nérɔje ləa lai, gə néje lai gə́ to mbuna nébaoje’g ləa lé to keneŋ. Né kára kara gə́ Ejekias lal tɔji dee mee kəi’g ləa ləm, gə mee ɓeeko̰’g ləa lai ləm tɔ lé godo.

Ejekel 28:5

Gə goo boo-kəmkàr ləi gə tel kəm lar ləi ɓa i ar nébaoje ləi d’ḭ ne dɔ maree’d gə́ kédé-kédé tɔɓəi nébaoje ləi lé d’ari beelé məəi’g.

Loo gə́ killa rea kəm Daniel’g 4:30

Léegəneeya, ta gə́ pa dɔ Nebukadnesar’g lé aw lée’g béréré. Deḛ d’ɔsee mbuna dəwje’g tubá ləm, yeḛ sɔ mu to gə́ bɔ maŋgje bèe ləma, mán tàl tən rəa’g ləm tɔ saar ar yiŋga dəa ḭ ŋgal to gə́ bèl niŋgatə̰də ləm, yel jiaje gə yel gɔleeje d’uba ŋgal to gə́ ka̰ yelje bèe ləm tɔ.

Loo gə́ killa rea kəm Daniel’g 5:18

Ǝi mbai, Ala gə́ Njekurdɔloo’g ar bɔbije gə́ Nebukadnesar ɓeeko̰ gə́ tad rəg-rəg ləm, aree to dəw gə́ boo ləm, ula rɔnduba dəa’g ləma, ar boo-rondubaje taa rəa pəl-pəl ləm tɔ lé.

Matiyo 4:8

Njekurai lé undá aw səa dɔ mbal gə́ ŋgal léŋgé-léŋgé’g. Yeḛ tɔjee ɓeeko̰je gə́ naŋg nee lai-lai gə néro̰dubaje lə dee tɔ ndá yeḛ ulá pana:

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

Njé gə́ Epesə 1:18

Ma m’kwɔiyee mba kar kəmkàr gə́ àr raŋg-raŋg to ne meḛ sí mba kar sí gərje ne némeekundayel gə́ wɔji dɔ ɓar gə́ yeḛ ɓar sí ne ləm, gə boo-ronduba lə nédɔji gə́ yeḛ unda gə kəmee mbata lə deḛ gə́ to gə kəmee ləma,

Njé gə́ Kolosə 1:27

Ndərta nee gə́ to loo-kiya’g gə́ to ta gə́ maji dum gə́ Ala nja ndigi kar njépole-magəje d’oo lé ɓa nee: Kristi gə́ to meḛ sí’g lé yeḛ nja gə́ njegin rɔnduba gə́ seḭ undaje meḛ sí yel gə́ dɔ’g.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.