Este 1:1 - Maktub gə́ To gə Kəmee

¹ To sorta néje gə́ dəs mee ləbje’g lə Asuerus. Asuerus neelé ɓa o̰ ɓee dɔ dəb ɓeeko̰je’g tɔl-dəa-rɔ-joo-giree-siri (127) gə́ un kudee Inde ya saar teḛ ne Etiopi.

Este 1:1 Iomraidhean Croise

Esdras 4:6

Mee ləb ko̰ɓee’g lə Asuerus, loo gə́ yeḛ un kudu ko̰ɓee lé ndá deḛ ndaŋg maktub səg ne dəwje gə́ d’isi Juda ləm gə Jerusalem ləm tɔ.

Este 10:1

Mbai Asuerus gaŋg nékoga-dɔ-rɔ dɔ deḛ gə́ d’isi mee ɓee’g ləm, gə dɔ deḛ gə́ d’isi dɔgoré-looje’g to dan baa-boo-kad’g ləm tɔ.

Este 2:3

Maji kar mbai unda njékoo goo njékulaje mee dəb ɓeeko̰je’g ləa lai mba kar dee mbo̰ ŋgama̰dje lai gə́ gər ŋgaw el ləm, gə ma̰də yaa̰ ləm tɔ kar dee ree sə dee ɓee-boo gə́ Susə mee kəi’g lə denéje mba kɔm dee ji Hege gə́ to njekaa dɔ néje lə mbai gə njeŋgəm denéje gə mba karee ar dee néje gə́ kəm gɔl ne rɔ dee.

Este 8:9

Mee ndəa’g neelé deḛ ɓar njéndaŋ-maktubje lə mbaije mee ndɔ gə́ njekɔm’g rɔ-joo-giree-munda’g lə naḭ gə́ njekɔm’g munda gə́ to naḭ Siban ndá deḛ ndaŋg maktub lé gə goo ndukun lə Mardose d’ar Jibje ləm, d’ar njékaa dɔ dəb ɓeeko̰je ləm, d’ar njéguburuɓeeje ləma, d’ar deḛ gə́ to mbai dɔ dəb ɓeeko̰je gə́ tɔl-dəa-rɔ-joo-giree-siri (127) gə́ un kudee Inde saar teḛ Etiopi ləm tɔ. Ar dəb ɓeeko̰ gə́ rara kara iŋga maktub gə goo rəw ndaŋg maktub ləa ləm, ar koso-dəwje gə́ rara kara gə goo takɔji dee ləma, ar Jibje kara gə goo rəw ndaŋg maktub lə dee gə goo takɔji dee ləm tɔ.

Este 9:30

Deḛ d’ula gə maktub lé d’ar Jibje gə́ d’isi dəb ɓeko̰je’g lə Asuerus gə́ tɔl dəa rɔ-joo giree-siri (127) lé. Taje gə́ to keneŋ wɔji dɔ meelɔm ləm, gə ginkoji ləm tɔ

Esai 18:1

Ǝi dɔ naŋg, i gə́ kaa bagije ɓar Dɔ baaje gə́ Etiopi lé!

Esai 37:9

Yen ŋga mbai gə́ Asiri oo sorta gə́ wɔji dɔ Tiraka, mbai gə́ Etiopi gə́ pana: Aa oo, yeḛ lé ɔr rɔ aw gə mba rɔ səi. Loo gə́ yeḛ oo ta neelé ndá yeḛ ula njékaḭkulaje ləa rɔ Ejekias’g gogo pana:

Loo gə́ killa rea kəm Daniel’g 11:2

Ɓasinè m’a gə kar kəmi inja dɔ kankəmta’g ya. Aa oo, mbaije gə́ Persə munda d’a kḭ taa tor na̰ munda ya ɓəi. Yeḛ gə́ njekɔm dee’g sɔ lé a mbo̰ nébaoje kar dee d’ur dɔ ka̰ dee-deḛ lai. Loo gə́ mbɔl dɔ nébaoje ləa lé siŋgá a to ne yaa̰ ndá yeḛ a sula deḛ lai kar dee d’ɔm səa na̰’d mba rɔ ne gə ɓeeko̰ lə Grekje.

Loo gə́ killa rea kəm Daniel’g 6:1

Darius, dəw gə́ Medə gə́ ləb kojee aḭ rɔ-misa̰-giree-joo lé ɓa taa ɓeeko̰ lé o̰.

Loo gə́ killa rea kəm Daniel’g 9:1

Mee ləb ko̰ɓee’g dɔtar lə Darius, ŋgolə Asuerus, gə́ ginkojee to Medə, yeḛ gə́ tel to mbai lə ɓeeko̰ lə Kaldeje lé