Esdras 6:3 - Maktub gə́ To gə Kəmee

³ Mee ləb ko̰ɓee gə́ dɔtar’g lə mbai Sirus lé, mbai Sirus ar dee ndukun gə́ wɔji dɔ kəi-Ala gə́ to Jerusalem pana: Maji kar dee ra kəi neelé gogo gə mba karee to loo gə́ d’a kinja nékinjanéməsje keneŋ ləm, maji kar ginee to kiriŋ kiriŋ-kiriŋ ləm tɔ. Dəree gə́ ḭ gə́ tar a k’as kəmkil dəw rɔ-misa̰ ləm, tadee a k’as kəmkil dəw rɔ-misa̰ ləm,

Esdras 6:3 Iomraidhean Croise

2 Sôrta Gḭka Israɛlje 2:3

Aa oo, m’a gə ra kəi gə ri Njesigənea̰ Ala ləm, kunda gə kəmee karee gə mba roo né gə́ ə̰də sululu keneŋ nea̰’g ləm, gə mba kunda pil muruje gə́ to gə kəmee nea̰’g ta-ta ləm, gə nékinjaməs gə́ ka̰ roo gə́ wɔji dɔ teḛ gə ndɔ gə kàrkemetag gə ndɔ-kwa-rɔ gə naḭ gə́ teḛ sigi ləma, gə ra naḭje lə Ala lə sí gə́ Njesigənea̰ ləm tɔ gə goo godndu gə́ gə no̰ mbata Israɛlje lé.

2 Sôrta Gḭka Israɛlje 2:6

Maji kari ula gə dəw kára gə́ gər goso ra kula gə larlɔr, gə larnda, gə larkas, gə larndul, gə dɔ kubuje gə́ ndiri dee ndul piro-piro ləm, gə kas gəḭ ləma, gə to bədələ ləm tɔ, yeḛ a to njegər goso tɔl néje mba karee ra kula gə mba kar dee ra kula na̰’d gə njégər goso kulaje gə́ d’isi rɔm’g Juda gə Jerusalem gə́ bɔm Dabid mbər dee lé tɔ.

2 Sôrta Gḭka Israɛlje 36:22

Ləb ko̰ɓee gə́ dɔtar lə Sirus, mbai gə́ Persə lé Njesigənea̰ ar ta gə́ yeḛ pa gə ndu Jeremi lé aw lée’g béréré ya. Njesigənea̰ lé ɔs Sirus, mbai gə́ Persə lé ɓɔḭ-ɓɔḭ gə mba karee ar dee d’ila mber gə looje lai mee ɓeeko̰’g ləa ləm, gə ndaŋg taree ləm tɔ pana:

Esdras 1:1

Mee ləb ko̰ɓee gə́ dɔtar’g lə Sirus, mbai gə́ Persə lé Njesigənea̰ ar ta gə́ yeḛ pa gə ndu Jeremi lé aw lée’g béréré ya. Njesigənea̰ lé ɔs Sirus, mbai gə́ Persə lé ɓɔḭ-ɓɔḭ gə mba karee ar dee d’ila mber gə looje lai mee ɓeeko̰’g ləa ləm, gə ndaŋg taree mee maktub’g ləm tɔ pana:

Esdras 1:2

Sirus, mbai gə́ Persə pa togə́bè pana: Njesigənea̰ Ala gə́ si dara lé am ɓeeko̰je lai gə́ dɔ naŋg nee ləm, yeḛ un ndia mba kam m’unda kəi-mbai mee ɓee gə́ Jerusalem dɔ naŋg gə́ Juda’g m’aree ləm tɔ.

Esdras 3:7

Deḛ d’uga njétɔl-mbalje gə njéra kula kagje. Tɔɓəi d’ar dəwje gə́ Sido̰ gə dəwje gə́ Tir nésɔje gə nékaije gə ubu to mba kar dee d’odo ne kag-sɛdrəje gə́ Liba̰ ree ne gə rəw gə́ baa-boo-kad’g saar teḛ Japo gə goo torndu Sirus, mbai gə́ Persə lé.

Esdras 6:14

Ŋgatɔgje lə Jibje ra kəi neelé d’aree aw maji gə goo ndər ta gə́ Ajee njetegginta gə Jakari, ŋgolə Ido pa. Deḛ ra kula neelé saar tɔlee bém gə goo ndukun lə Ala lə Israɛlje ləm, gə goo ndukun lə Sirus, gə Darius, gə Artajerjɛs, mbaije gə́ Persə ləm tɔ.

Pakɔsje 122:4

To loo gə́ ginkoji dəwje gə raŋg Gə́ to ka̰ Njesigənea̰ lé d’aw keneŋ Gə goo godndu gə́ wɔji dɔ Israɛlje Gə mba pidi ne ri Njesigənea̰.

Loo gə́ killa rea kəm Ja̰’g 21:16

Ɓee-boo neelé to dɔmbul ar ŋgalee gə tadee d’asəna ya. Yeḛ wɔji ɓee-boo neelé gə kag-kwɔji-né ndá ŋgalee as kuruloo tɔl-dɔg-loo dɔg-giree-joo. Ŋgalee ləm, gə tadee ləma, gə dəree gə́ tar ləm tɔ lé d’asəna.