Esdras 3:9 - Maktub gə́ To gə Kəmee

⁹ Togə́bè Juje gə ŋganeeje gə ŋgakea̰je ləm, gə Kadmiel gə ŋganeeje gə́ to gel-bɔje lə Juda ləma, gə ŋgalə Henadad gə ŋgan deeje gə ŋgako̰ deeje gə́ to Ləbije ləm tɔ lé deḛ lai neelé d’ɔm na̰’d sad d’aa ne dɔ deḛ gə́ ra kula kəi-Ala neelé.

Esdras 3:9 Iomraidhean Croise

1 Sôrta Gḭka-Israɛlje 23:4

Dabid pana: Maji kiŋga dəwje tɔl-dɔg-loo rɔ-joo giree-sɔ (24.000) gə mba kar dee to njékoo goo kulaje gə́ mee kəi’g lə Njesigənea̰ ləm, gə dəwje tɔl-dɔg-loo misa̰ (6.000) kar dee to njéko̰ɓeeje ləma, gə njégaŋ-rəwtaje ləm, gə njéŋgəm-tarəwkəije tɔl-dɔg-loo sɔ (4.000) ləma,

2 Sôrta Gḭka Israɛlje 34:12

Dəwje neelé d’ila ŋgonkoji ra kula lə dee gə goo rəbee. Deḛ d’isi gel njékoo goo deeje gə́ to Jahat gə Abdias gə́ to Ləbije mbuna Merarije’g ləm, gə Jakari gə Mesulam gə́ to gə́ mbuna Keatje’g ləm tɔ.

Esdras 2:40

Deḛ gə́ to Ləbije lé: deḛ gə́ to gel-bɔje lə Juje ləm, gə deḛ gə́ to gel-bɔje lə Kadmiel ləma, gə deḛ gə́ to gel-bɔje lə Hodabia ləm tɔ lé d’as rɔ-siri-giree-sɔ (74).

Esdras 3:8

Mee ləb gə́ njekɔm’g joo gə́ orè goo ree gə́ deḛ ree loo gə́ kəi-Ala to ne Jerusalem kédé lé mee naḭ gə́ njekɔm’g joo ndá Jorobabel, ŋgolə Səaltiel, gə Juje, ŋgolə Josadak, gə ges ŋgako̰ deeje gə́ to njékinjanéməsje gə Ləbije, gə deḛ lai gə́ d’ḭ ɓee-ɓər’g tel ree Jerusalem lé d’un kudu ra kula neelé. Deḛ gə́ to Ləbije gə́ ləb dee as rɔ-joo əsé unda rɔ-joo ɓa d’unda dee gə́ njékaa dɔ kula kunda kəi lə Njesigənea̰-je ya.

Nehemi 3:24

Gée-yeḛ’g lé Binui, ŋgolə Henadad ɓa gɔl dəb ndògo-bɔrɔ gə́ raŋg un kudee kəi’g lə Ajaria saar teḛ dɔkum ndògo-bɔrɔ’g.

Nehemi 7:43

Ləbije lé to gel-bɔje lə Juje gə Kadmiel gə́ to ŋgaka Hodba ndá d’as rɔ siri gir-dee-sɔ (74).