Esdras 3:5 - Maktub gə́ To gə Kəmee

⁵ Gée gə́ gogo ndá deḛ d’inja nékinjaməs gə́ ka̰ roo gə́ ra ta-ta ləm, gə nékinjanéməsje gə́ wɔji dɔ naḭje gə́ teḛ sigi ləm, gə naḭje lai gə́ to gə kəmee mbata lə Njesigənea̰ ləma, gə nékinjanéməsje lai gə́ nana kara ḭ gə mée ar Njesigənea̰ gə meendakaḭ ləm tɔ.

Esdras 3:5 Iomraidhean Croise

2 Sôrta Gḭka Israɛlje 31:14

Koré, ŋgolə Jimna gə́ to Ləbi ɓa to njeŋgəm takəi gə́ par gə́ bər lé ləm, yeḛ to njekoo goo nékarje gə́ d’ḭ gə meḛ dee d’un d’ar Ala ləma, gə mba kai néje gə́ d’un tɔji Njesigənea̰ gə néje gə́ to gə kəmee doi ləm tɔ.

Esdras 3:6

Mee ndɔ gə́ dɔtar lə naḭ gə́ njekɔm’g siri lé deḛ d’un kudu kinja nékinjanéməsje gə́ ka̰ roo lé kar Njesigənea̰. Nɛ deḛ tum gin kəi lə Njesigənea̰ gə́ to gə kəmee lé el ɓəi.

Nehemi 10:34

gə mba kiŋga ne pil muruje gə́ gə kəmee ləm, gə mba nékarje gə́ to nduji gə́ ka̰ ra ta-ta ləm, gə mba nékinjanéməsje gə́ ka̰ roo gə́ ra ta-ta gə́ wɔji dɔ ndɔ-kwa-rɔ gə naḭje gə́ teḛ sigi gə naḭje ləm, gə mba néje gə́ ka̰ kunda dee gə kəmee ləm, gə mba nékinjanéməsje gə́ wɔji dɔ kuga dɔ kaiya mbata lə Israɛlje ləma, gə mba néje lai gə́ kəm ra mee kəi’g lə Ala lə sí ləm tɔ.

Jeremi 33:18

Njékinjanéməsje gə Ləbije d’a lal njétaa tor deeje nɔm’g el mba kar dee d’inja nékinjanéməsje gə́ ka̰ roo ləm, gə mba tuu nékarje na̰’d gə nékinjanéməsje ləma, gə mba kinja nékinjanéməsje gə ndɔje kára-kára lai ləm tɔ.

Ləbije 1:2

Maji kari ula Israɛlje pana: Loo gə́ dəw kára mbuna sí’g a gə ree gə nékinjaməs kar Njesigənea̰ ndá lé to gə́ nékul gə́ mbuna daje gə́ boi-boi’g əsé yee gə́ mbuna daje gə́ lam-lam’g bèe kara yeḛ a kwa ree ne ya.

Ləbije 1:3

Ɓó lé nékinjaməs ləa to nékul gə́ boi gə́ ka̰ roo ndá yeḛ a kwa yee gə́ to gə́ bɔ maŋg gə́ rəa mina̰ el, yeḛ a kaw ne tarəw kəi-kubu-kiŋga-na̰’g no̰ Njesigənea̰’g mba taa ne kəmee ya.

Ləbije 23:2

karee ula Israɛlje pana: Ndɔ ra naḭje lə Njesigənea̰ gə́ seḭ a kilaje mberee lé a to loo-mbo̰-dɔ-na̰ gə́ to gə kəmee gə mba kwam ne meḛ sí’g. Ndɔ ra naḭje ləm lé ɓa nee:

Bula lə Israɛlje 28:14

Nékar gə́ ka̰ tər naŋg lé d’a to mán-nduú gə́ mḭ as litər munda mbata lə bɔ maŋg kára-kára ləm, litər joo mbata lə bàl badə kára-kára ləma, litər kára gə gesee mbata lə ŋgan badje kára-kára ləm tɔ. Yee ɓa to nékinjaməs gə́ ka̰ roo loo gə́ naḭ teḛ sigi ləm, mbata lə naḭje kára-kára ləma, mbata lə naḭje lai mee ləb’g ləm tɔ.

Bula lə Israɛlje 28:19

Seḭ a kinjaje nékinjaməs gə́ ka̰ roo kar Njesigənea̰: bɔ maŋgje joo ləm, bàl badə kára ləma, ŋgan badje siri gə́ ra ləb kára-kára ba gə́ rɔ dee mina̰ el ləm tɔ.

Bula lə Israɛlje 28:27

Seḭ a kinjaje nékinjaməs gə́ ka̰ roo gə́ baḭyee ə̰də lel Njesigənea̰: bɔ maŋgje joo ləm, bàl badə kára ləma, gə ŋgan badje siri gə́ ra ləb kára-kára ləm tɔ.

Bula lə Israɛlje 29:13

Seḭ a kinjaje nékinjaməs gə́ to nékinjanéməsje gə́ ka̰ roo gə́ baḭyee ə̰də lel Njesigənea̰ togə́bè: bɔ maŋgje dɔg-giree-munda ləm, bàl badje joo ləma, ŋgan badje dɔg-giree-sɔ gə́ ra ləb kára-kára gə́ rɔ dee mina̰ el ləm tɔ.

Bula lə Israɛlje 29:2

Seḭ a kinjaje nékinjanéməsje gə́ ka̰ roo gə́ baḭyee ə̰də lel Njesigənea̰, bɔ maŋg kára ləm, bàl badə kára ləma, ŋgan badje siri gə́ ra ləb kára-kára ba gə́ rɔ dee mina̰ el ləm tɔ.

Bula lə Israɛlje 29:39

Néje neelé ɓa to nékinjanéməsje gə́ seḭ a kinjaje karje Njesigənea̰ loo naḭje’g lə sí korèje ne dɔ nékinjanéməsje lə sí gə́ ka̰ roo ləm, gə nékinjanéməsje lə sí gə́ wɔji dɔ sí dan maji’g ləm, gə njé gə́ wɔji dɔ tɔl ne ta ndukunje lə sí bém ləma, əsé nékarje gə́ wɔji dɔ kḭ gə mee kar ləm tɔ.

Bula lə Israɛlje 29:8

Seḭ a kinjaje nékinjaməs gə́ ka̰ roo gə́ baḭyee ə̰də lel Njesigənea̰: bɔ maŋg kára ləm, bàl badə kára ləma, ŋgan badje siri gə́ ra ləb kára-kára ba gə́ rɔ dee mina̰ el ləm tɔ.

Tel tura Godndu 12:17

Né gə́ dɔg kun təa kára kar gə́ to kó lə sí əsé mán-nduú lə sí əsé ubu lə sí əsé ŋgandər da-kulje lə sí gə́ boi-boi əsé dee gə́ lam-lam əsé né gə́ rara kara gə́ mbuna nékarje’g lə sí gə́ ka̰ tɔl ne ta ndukun lə sí bém əsé nékarje lə sí gə́ ka̰ kḭ gə mee kar əsé dɔ koje lə sí gə́ doŋgɔr lé seḭ a kasjekəm sɔje loo-si sí’g el.

Tel tura Godndu 12:6

Lée gə́ neelé ɓa seḭ a reeje keneŋ gə nékinjanéməsje lə sí gə́ ka̰ roo ləm, gə nékinjanéməsje lə sí gə́ raŋg ləm, gə néje lə sí gə́ dɔg kun təa kára kar lé ləm, gə dɔ koje lə sí gə́ doŋgɔr ləm, gə nékarje gə́ ka̰ tɔl ne ta ndukun bém lé ləm, gə nékar gə́ ka̰ kḭ gə mee kar ləma, gə ŋgandər nékulje lə sí gə́ boi-boi əsé gə́ lam-lam ləm tɔ.